ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

‏𝐏𝟖~

عند أبو سياف
كان يمر على كل مشروع كانت شركته ماسكته ولأن المسؤولية عليه أكبر شي فلازم ينتبه لكل شي ويتاكد من كل شي بنفسه رجع البيت بتعب وملابسه وسخه،
أبو سياف فتح الباب ودخل بجزمته الوسخه وكمل إلى الدرج طلعت أم سياف من المطبخ وشافته وصارخت:أبو سياففففففففف.
لف عليها بفزع:خير خير إن شاء الله.
أم سياف بزعل:الحين بيجوني حريم أنت شسويت.
أبو سياف كمل يطلع لفوق:بيتي وأنا حُر.
أم سياف: ماعليه اذا مانزلت تنظفة.
أبو سياف من فوق:يصير خير.
دخل من بعده نايف وكان لايقل حاله عن أبوه، زيوت وشكله كارثي بحكم إنه مهندس بالطايرات وكذا،
أم سياف حطت يدها على راسها:ياحظي الأقشر.
نايف فصخ حذاءه ورماه:ماعليه يالغالية الحين اطلب خدامة تنظف لك.
أم سياف:والله ماتدخل بيتي خدامة لتنظف أنت وأبوك.
نايف:أنا وأبوي تم.
نزل أبوه من الدرج بعد ماتنظف:من قال أنت بتنظفه.
نايف بصدمه:أوكي أبوي ماقلنا شي بس غشاش كذا.
أبو سياف:أعقب روح خلص وتعال نظف يلا أمك بيجيها حريم.
طلع نايف بسرعه يبدل ملابسه وعشان مايزعل أمه خلص ونزل تحت بداء يمسح ويغسل وينشف،فتحو الباب عليه سياف ومجيد وماتو ضحك،
سياف:ذي أخرتك ياباش مهندس.
مجيد ضحك على تعليق سياف:أف أف من تحت الطايرة لتلميع البلاط لأمي.
أم سياف من قدامهم:وأنتو طالعين منها يلا كل واحد يساعدني.
مجيد يسوي نفسه تعبان:مليان جراثيم من المستشفى مايصلح أخاف عليك يا أمي.
أم سياف بإصرار :5 دقايق أنت وهو ماشفتكم بالمطبخ ياويلكم.
مجيد وسياف:نجيب لك شغاله.
أم سياف:ماطيقهم ويلا عجلو علي.
نزلو بعد ماخلصو يساعدون أمهم ماعندهم أخت ولا شي فتعودو وهم صغار يساعدوها بس لابد من الطقطقه على بعضهم ،بداء سياف يجهز المكسرات والحلويات ومجيد يظبط الدلة والشاهي.