عند غياث جالس يسوق ويسمع تسفيل الرئيس حقهم،تكلم بملل:سند وأعرفة والله لو تطرده من القطاع كلة الموضوع أهله مابيتردد ثانية وحده.
الرئيس بصراخ:ليه ماقالي أرسل أحد ينوب عنه.
غياث:ياطويل العمر ذي أخته ولاهو بيتركها للغريب يساعدها وأنت فاهم علي اوعدك المُهمه مابتتأثر كلها كم يوم ويرجع سند كل شغلة بالشقة أنا شغلي ميداني.
الرئيس:والله لو مو موصى عليه لأشوته من زمان.
غياث:طيب أنا الحين وصلت لشركة عن إذنك ببدأ المُهمه.
قفل الخط الرئيس ونزل غياث من السيارة وبيده ورقته الرابحة وكان يرتب شكله ولبسة تقدم وشاف المبنى الكبير قدامة تكلم:لتكن غزوة مباركة.
مرت من جنبه بنت وسمعته وضحكت على كلامة لكن غياث أنصدم منها ماتوقع أحد يسمعة كمل طريقة وهو محرج منها :أهب وش ذي الأذاني.
دخل المصعد ولقاها قدامه وماسكه ضحكتها،تكلم بينه وبين نفسة:أوكي حلوه بس خلاص سمجتيها .
طلعو من المصعد وتكلم السكرتير بترحيب:أهلين أستاذه نغم نورتينا.
نغم وقفت:بابي موجود.
هز راسه الموظف بإيجاب،
غياث حك حاجبه:أكلنا خرا بابي .
راح غياث لسكرتير :السلام عليكم ممكن أقابل المُدير لو سمحت .
السكرتير:عندك موعد ووش إسمك.
غياث بكذب: اسمي غيث وعندي صفقه حلوه له أنت قوله وشوف وش يقول.
راح السكرتير ورجع:5 دقايق وبدخلك له .
جلس غياث ينتظر وطلعت نغم من عند أبوها وقفت فوق راسه وتكلمت بهدوء وإبتسامة خبيثه:أدخل الغزوه بإنتظارك.
غياث ابتسم بتسليك:وطرق بفوز فيها.
نغم مشت من عنده :موفق.
دخل غياث على محمد الصارف ،
أبو صبا:تفضل حياك وش صفقتك.
غياث:الحقيقه إني أنا الصفقه.
أبو صبا بضحكه:شلون يعني.
غياث بثقه جلس يشرح له عن شهاداته وخبراته ويتفلسف بكلام كثير وختم كلامه:بالنهايه أنا أخترت شركتك ولا اللي يطلبوني واجد.
أبو صبا بإعجاب بسيرته:والله ماشاء الله خدمات لوجستيه والصدق إنك مكسب لشركه بس دقيقه بدق على محاسبي ويدي اليمين خالد.
دق على خالد ودقايق وجاء وعرفهم على بعض لكن وضح لغياث أن خالد شخص مو مُريح وما أستلطفه أبدا والواضح إنه بيكون عثره بطريقه،
خالد:ليش شركتنا بالذات .
غياث:أنا أختار الشركات اللي أبيهم ماحد يختارني.
خالد :رغم إني ماحبيتك من ثقتك الزايده لكن القرار لأبو صبا .
أبو صبا وهو يصافح غياث :أنا الصراحة معجب بسيرة غيث ومكسب لشركتي بيكون فنقول توكلنا على الله .
وقع غياث العقد بأسمه الوهمي وسيرته الوهميه وقاله يباشر دوامة من بكرا واليوم يكون يتعرف على الشركة.
أنت تقرأ
ماكنتي بعيني هوى نفس وملذّة طيش أنا اللي شفتك بعين الستر وأميمة عيالي.
Короткий рассказرواية جديدة وحلوه وأحداثها سريعة مابين زواج بطلي سند على زوجته صبا ومابين نهال وسياف اللي ألتقو بقضيه وهي المتهمه🔥🔥
