ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

‏𝐏𝟒~

رجع للبيت الساعة 12 الليل لقى نهال تنتظره على الدرج الخارجي لمدخل البيت كعادتها بكل مره يطلع متضايق أبتسم لحركتها:دامك تنتظريني بكل مره بزعل كل شوي.
نهال : الله يبعد عنك الزعل .
سند جلس جنبها: مو برد عليك.
نهال:كيف أبرد وداخلي يحترق عليك .
سند حط يده على كتفها:وضعي مالك دخل فيه ولاتتأثرين منه،بالعكس مارجعت للبيت ذا الإ عشانك أنتي وعايد.
نهال بأسف: تذكر البنت أو تعرف ليه هي سوت كذا لك.
سند :ليه ماقالت لك أمك أن أختها وبنتها وراء الموضوع!.
نهال بصدمه:ماصدق خالتي سوت كل ذا.
سند: وبرجع أعيدها لك اللي صار لي مو معناته تكرهين الناس بالعكس لاتصيري كذا دام ماجاء منهم ضرر.
نهال: طيب ليه ماتسامح امي.
سند:لاتدخلين نفسك بشي صار بالماضي،يلا ادخلي مو ناقصين تمرضين الحين .

عند أم صبا
راحت لمدرسة صبا عشان تشوف العله اللي سوتها بنتها وكانت البنت في حاله يرثى لها شعرها منتف وجهها كدمات ،
أم صبا بحزن على البنت: أعتذر اك نيابه عن بنتي يعني مدري شقول .
المديره:مظطره أفتح محضر وافصلها ثلاث اسابيع.
أم صبا أنصدمت بنتها بتجلس عندها بالبيت: لا استهدي بالله الامور طيبه والبنوته الحلوه اللي تامر عليه تبشر فيه.
أم صبا ساوت الأمور وحمدت ربها أن البنت رضت ولابتقعد صبا فاضيه ،مرت صبا ودُرر على الإداره لأن كانت متوقعه أن أمها بتجي،صبا بصوت عالي:منورههههههههه مامي.
أم صبا بققت عيونها:بنت اقصري حسك .
صبا تجاهلت:بعرفك على صاحبتي دُرر.
تقدمت دُرر تسلم عليها وأم صبا تمدح فيها واستلطفتها مره
أم صبا بتوصيه:هاه عاد مانبي مشاكل أنتي وبنتي خلوكم عاقلين مابي أحد يجلس يتكلم عليكم .
دُرر دمعت عينها:ماعليك بإذن الله مانجيب مشاكل،ذكرتيني بوصية الوالده.
أم صبا عرفت أن البنت اللي قدامها فقدت أمها: ياحبيبي إنتي أعتبريني مثل أمك وأكثر ولو ناقصك شي لايردك إلا لسانك ولا بزعل منك.
دُرر: إن شاء الله.