ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

𝐏𝟐𝟒~

‏
وصل سند لجده وراح لشقه اللي تجمعه هو وغياث وكان هلكان ،طلع له غياث من المطبخ وبيده أغراض السلطه،
غياث:أهلا تو مانورت جده.
سند:هلا فيك بنورك.
غياث أستغل الفرصه:قطع السلطه سويت أكل يحبه قلبك.
سند مسك السلطه  وجلس يقطعها وغياث يجهز السفره والأكل ويسولف سند عن اللي صار مع أخته وردة فعل أهله،تكلم غياث بفكره:لو أنا بدالك أشتري الرجال لأختي.
سند:وين ذا الرجال اللي بأمنه على أختي.
غياث:والله ياسند الناس كثير بس أنت ماتطيق أحد،بعدين أبوك صامل وأختك لو تطول عنده بتطلع بعله نفسيه .
سند عطاه نظره:ليه غاثك أنك صديقي الوحيد.
غياث:لاتغير الموضوع خلنا نخلص المُهمه سريع سريع وأرجع لأختك على الأقل بوجودك مافي حد بيزعجها.
سند بتعجب:الا ماقلت لي شصار.
غياث:وضح لي واحد خبيث وغبي يفكر إني مرسول من شخص ضده ولفيتها عليه قلت اللي رسلوك رسلوني.
سند:حلو بكره بنبش وراه .
غياث تذكر موقف البنت:والبلا إني قابلت بنت محمد متخيل .
سند بغمزه:عجبتك.
غياث يسوي نفسه ثقيل:أصلا من هي عند غياث.
سند ضحك:ياكذاب أعرفك طايح على وجهك الحين.
غياث بضيق:صار لي معها موقف محرج بصرف النظر عنها .
جلس يقول لسند الموقف وسند أنفجر من الضحك على حلطمت غياث وأكمل غياث:ياخي عليها أذون لو تعطيها أبوها يسمع اللي يدور من حوله كان ريحنا.
سند وهو ياكل من السلطه اللي خلصها:ماحسه بريئ .
غياث وهو يضرب سند عشانه بيخلص السلطه :والله اللي شفته ينضحك عليه بكلمتين ماتعبني مره،ياحمار الاكل بالفرن وأنت أفترست السلطه مشفوح أعوذبالله.
سند:اسكت بس تراني أنا مقطعها.
-
رجع عايد من رحلته وكان منزعج من أنهم أجبروه على رحله ثانيه بس لقمة العيش صعبه ركب سيارته وحرك للبيت وصل واستغرب من هدوء البيت كغير عادته نهال هي تضوي البيت،طلع لغرفة نهال ودق بابها فتحت الباب بإنزعاج وعيونها منتفخه من أثار بكائها وأنفجع منها:شفيك.
تركته على الباب وراحت تجلس بالكنبه:غلطت غلط كبير ونمت بالقسم يومين .
عايد بصدمه:ليه شسويتي.
نهال وني تلوم نفسها:ماهي جيلان قالت جيبي كمبيوترك عندي شي لما وصلت لها تحدينا بعض مين تكتشف ثغره وجلسنا ساعه وجات الشرطه سحبتنا للقسم.
عايد وهو ياخذها بحُضنه ويلطف الجو عشانها:إنتي ماحد قد قالك إنك ثغرتي ونقطة ضعفي.
نهال بادلته وضحكت من كلامه وبإستغلال:شرايك تجيب لي جوال تراني طفشانه ومافي شي يسليني وأمي عطتني حظر تجول.
عايد بضحكه عارف أسلوبها:أبشري ولا يهمك مايغلى عليك تلفزيوني مشترك بكل شي .
نهال بزعل:اهخخ منك تراوغ،اطلع من غرفتي.
عايد:اصبري اجيب لك التلفزيون الجوال ياحُبي إنتي أفتح الموضوع مع أبوي وأبشري الغالي يرخص لك.