ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

‏𝐏𝟏𝟖~

صباح اليوم الثاني وتحديداً عند غياث وسند
صحى سند ومسك جوالة لقى إتصالات كثيره أخذ جوالة ورجع يتصل بأمه ثواني وجاه صوتها ،
أم سند:ياسند الحقني أنت بتجنني.
سند وهو يقوم:شصاير تعرفين إني بمهمة ماني جالس أتمشى.
أم سند:أختك حبيبتك بالقسم.
سند بصدمة وصوت عالي:وشو أي قسم،شصاير تقصدين الكلام.
أم سند شرحت له السالفة وأكملت بضيق:أبوك بيظلمها ياسند بيزوجها أقرب واحد يدق الباب.
سند تنرفز:يعقببب حتى لو أنه أبوي أختي ماتنجبر على زواج ماتبيه.
أم سند:عطيتك العلم حتى مايبي يطلعها يقول خليها تخيس وتعرف غلطها.
سند بصياح:تراها بنت مو أنا ولا الزق عايد،اليوم بجي.
قفل سند ولف وشاف غياث يفرك عيونه ويبدو إنو منزعج من صوت سند،
غياث:شصاير شذا الصوت من صباح الله .
سند:أنا راجع الرياض بحل مشكلة أختي وارجع لك وأنت روح الشركة وتواصل معي.
غياث:طيب دقيقة بحجز لك أسرع.
توجه غياث لجوالة وأتصل على أحد معاريفه وفعلا قدر يدبر لسند أقرب حجز لرياض وكان بعد نصف ساعة.
توجه هو وغياث للمطار وظل سند يركض لباب الطيارة مايبي أخته تنظلم بنفس ظلمه يعرف بقساوة أبوه ويعرف بعدم إهتمام أمه لكنه رافض ذا الشي ومابيصير لو على جثته .
-
عند نهال وجيلان
جيلان نايمة ونهال من أمس تبكي تجلس بين أربع جدران ولا عند أبوها وأمها ،
تكلمت جيلان بإنزعاج:نهال مو صاحيه ماتوقعتك بكاية كذا خلاص بيبي الحين يجي المحامي حقنا وبطلعك معي.
نهال وهي تمسح دموعها وتتكلم بعنف:أنتي الحياة ماشية على ماتشتهين أنا مو مثلك أبوي جاء وتركني هنا ليه ماطلعني نفس أبوك بيجي بجيش محامين ودلع حياتي مو مثلك.
جيلان:أفف لاتزودينها ترا الوضع كفالة وغرامة كلها على تقديرهم.
نهال بعصبية تعرف أبوها مابيدفعها لو تعض الأرض:أهخخ مابتفهمين إنتي أبوي مابيدفع ريال من جيبه والغلط علي.
جيلان:خلاص حبيبي أبوي بيدفعها عنك لاتصيحي بس أعوذ بالله.
نهال بصدمة:يعني مايكفي أن كل اللي صار من تحت راسك والحين تبين تتصدقين علي.
جيلان طنشتها ورجعت نامت لأنها لو جادلتها أكثر بتكسر قلبها وفاهمة ردت فعلها من خوف من أهلها.