ماكنتي بعيني هوى نفس وملذّة طيش ‏أنا اللي شفتك بعين الستر وأميمة عيالي.

‏𝐏𝟓~

بدوام سند
كان على مكتبه ويخلص بعض المهام عنده وبرضو عنده كم شغله بسيطه يخلصها،دخل عليه المُدير الرئيس،
الرئيس :سند
سند دق التحيه:هلا طال عمرك.
الرئيس:استريح، أنتظر ضيف هنا لكن فيه قضيه كبيره وتحتاج تعاون وأنا ماقدر أثق الا بشغلك وأمانتك وذي القضيه مو لعبه ياسند.
سند بقلق:أبشر طال عمر بس عساه خير.
قاطع دخوله صاحبه غياث من المباحث استغرب لما شاف الرئيس يصافحه تكلم :غياث شجابك هنا.
الرئيس:تعرفون بعض.
غياث :ذا خويي طال عمرك .
الرئيس: كويس عشان تنسجمون مع بعض، القضيه فيها جهتين جهتنا ياسند مع جهة غياث اللي هي المباحث ومانقدر نتحرك إلا إذا تعاونا والمعلومات تكون سريه ماتتسرب لأحد.
غياث وسند:أبشر .
الرئيس:عندنا واحد فاتح أكبر شركة نقل والشركة كانت نزيهه إى حد أخر ثلاث سنوات بدت تدخل بأشياء غير مشروعه وتنقل بر وبحر كانت الأنظار بعيده عنها لأن الشركة صاحبها محمد الصارف ومعروف عنه بكل شيء حلو لكن زي ماقلت لكم أخر ثلاث سنوات بدت شركته تخربط نبي نمسكه ونمسك اللي معه بدون مانحسسهم إنهم مراقبين أو يحسو ب أدنى تهديد،طلعو لي كل شي وراه وقدامه بالتفصيل المُمل ولاتهرب منكم أدنى تفصيله ومهمتكم بتكون بجده ،غياث بتكون بزي مدني وقريب منهم إلا إذا توصلت لمعلومه تلوي ذراعهم وقتها طلع هويتك الحقيقيه ويبدا سند يحقق معاهم مفهوم.
غياث وسند: مفهوم .
الرئيس:واثق فيكم وانتو الأثنين قد المسؤليه من بعد الله.
طلع الرئيس وغياث ضم سند بشوق له وسند كذالك،
سند:ياكلب لك وحشه.
غياث:يالليل بشتغل معاك انت وش ذا الحظ.
سند ضربه ضربه خفيفه :حاصلك معاك مُلازم التحقيق سند آل مقرن.
غياث يربت على كتفه:والنعم والله.
سند:متى نبدا؟.
غياث:مافيههه وقت مشينا الليله،نحجز طيران.
سند :ماروح من دون سيارتي.
غياث بصدمه :بشحنها على حسابي أمش حتى التذكره مالي خلق أمسك خط وقرف.
سند ضحك:تم.