⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 8____
ــــــ بـــعـــد مـــرور 22 ســنــــة ـــــ
مرت بمْرْها على طفل شائت بيه الأقدار ولعبات بيه الظروف باش يمشي فطريق ماختارهاش طريق ترمى ليها غصبا عنو
بسبب ظروفو لي علماتو بلي إذا ماتغداش بعدوه غايكون هو عشاه.. وعلماتو بلي الظالم هو لي كيعيش أليز.. علماتو بلي الديب هو لي كيغلب السبع.. وبلي عمر النية تربح..
علماتو بلي إذا كان عندك غاتاكل وإذا ماعندكش غاتسرق وتعدا حيت ببساطة ماكاينش بديل فزمان مافيهش الرحمة..
هو شاب تعلم إذا ماكانش غيمة مايكونش سحابة حيت السحاب كيمر والغيم واخا كيمر كيخلي الأثر
كان كيف الغيمة، رمادية غاامقة كتنقل من مكان لآخر وبسرعة.. سرعتو كانت قوية وعينيه السود أقوى وأشرس بحاجبو الايمن المجروح ديما هازو بنضرتو الحادة لي ماكتلين حتى كتجي عينو عليها..
صوت خطواتو كانو بحال ضغطة الزناد كتخلي لي قدامو يهرب وهو مكمل طريقو بثبات كيتمختر نافخ صدرو.
قاصد القهوة لي كلها هرج ضارب بسيرفيت لاكوسط بالرمادي وجهو مغطي بالكاسكيط بيضة ولكن هادشي مامنعش الناس من التعرف عليه.. كيف لا وهو لي خانقهم هو لي قاجهم ماكاينش لي ماجبدش عيبو لامن كبير ولا من صغير كيعرف غير يسب ويشتم فمو خااسر ومافيهش السنسلة بمعنى كلامو ماكيعبروش حيت ببساطة ماكيهمو حد كيعرف غير راسو وعايش لراسو فقط..
بمجرد ما خطا الخطوة الاول داخل القهوة الأفواه المفتوحة تغلقات وفور ماخدا بلاصتو لي ماكيقرب ليها تاحد هز سودويته جهة الباب حتى كيبانو ليه كياسابقو خارجين كيتعترو من كبيرهم لصغيرهم..
ضحك ضحكتو الثقيلة حتى كتهز تفاحة ادم فجلقو كيشوف فالسرباي لي واقف بعيد عليه شاد الصينية كيقفقف ونطق ببرود كيشير لنفسو
_واش كنبان لهاد ولاد لق/حاب بحال ملك المو/ت ولا كيفاش؟
شافو بقا ساكت وتفطح فجلستو كيضور الكاسكيط حتى قلبها وبان وجهو بوضوح ، صاحب بشرة سمراء بلحية سوداء خفيفة ضايرة بشفايفو لي بداو كيزراقو بفعل الكارو والحش.يش، عندو ندبة فنيفو أثر من آخر مطايفة ليه مغطيها بسبارادرا وأخيرا وأكتر حاجة جداابة فيه ولي هوما عينيه السود مشفرين وبحكم أنه عاد فايق طايحين رموشو على عينيه لمجبدين و بزز باش حالهم
حرك راسو بلاحولة وهز يدو محركها باشارة باش يحيد من قدامو
_جيب شي كحلة اولد القح/بة ونتا جالس كتفرج فيا كنشطح القرودة هنا لقرد لي حطك خزيييت على ذكورة حشرني ربي معاهم
أنت تقرأ
⛓️🏹الـــمـــنـــــتـــقــــم 🏹⛓️
Overig⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
