🍾 المنتقم🍾
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 15____
طغا الفضول على ملامحو قاد الصاكادو على كتفو وشاف فيها بجدية خافي فضولو فأنه يعرف
سيمو: كيفاش جدودي ماعارفينش شنو غايعرفو أصلا ؟
مسحات دموعها و شافت فيه مبتاسمة بحنان
رجوى: نمشيو اولدي نجلسو فشي بلاصة كول بعدا شي حاجة غايكون فيك جوع و نعاود ليك كلشي
حك تحت حاجبو كيشوف فيها وحرك راسو بهدوء بينما هي ابتاسمات ليه ابتسامة دافئة و وجراتو من دراعو غادين فالشارع حتى بان ليها طاكسي أشارت ليه و عطاتو عنوان المقهى لي يمشيو ليه
دقائق قليلة ووقف الطاكسي امام مقهى بسيط وسط المدينة نزل سيمو من الطاكسي هو الاول وملامحو غالبين عليهم الدهول من المناظر لي أول مرة كيشوفهم مباشرة وماشي من جهاز التلفاز ويبقى يتأمل للنهار لي غايكون فيهم.. ورجوى خلصات مول الطاكسي و نزلات كاتشوف فيه مبتاسمة
رجوى: ندخلو اولدي؟
نزل راسو عندها ورجع شاف فباب المقهى حرك راسو بالإيجاب وزاد قدامها كيضور فعينيه بدهشة من كمية الناس لي تما وكيفاش كيتصرفو بحرية!! المصطلح لي ماكانش عارف معناه فجأة لقا راسو عايش فيه وماعارفش كيفاش يتصرف ويتأقلم معاه
دخلو من بوابة لمقهى خداو طبلة بعيدة غلى الصداع و جلسات كاتشوف فيه مطولا كانها كاتروي شوق صديقها بنظرتها ليه
رجوى: كيدازت هاد 18 لعام عندك ؟
تقاد فالجلسة حاط يديه على الطبلة وهاز فيها عينيه
سيمو: عادية كأي واحد بلا واليدين بلا عائلة (تنهد بعمق وميل شفايفو مبتاسم حاس بالراحة من ملامحها الهادئة لي كدخل للقلب بطيبتها) دازت وصافي
حركات راسها بتفهم و نادات على السيرفور دوموندات ليه لغدا ورجعات شافت فيه باهتمام أم على ابنها
رجوى: قريتي بعدا؟
حرك راسو بالإيجاب مع ابتسامة مستهزئة
سيمو: الحاجة الوحيدة لي خرج مستافد منها من داك القنت
ابتاسمات برضا و حركات راسها بهدوء
رجوى: هاكاك اولدي ماماك مسكينة كانت باغاك تقرى و تولي شي حاجة فالمستقبل
تنهد بالجهد كيتسنى منها المفيد وهي متعمدة طول معاه لهضرة ونطق بجدية
سيمو: تقدري تقولي شنو كاين بلا مقدمات؟
تكات بضهرها على الحيط حاضية ملامحو لي كتدي شوية من ملامح رفيقة عمرها لي ضاعت فشبابها
رجوى: شنو غانقولك اولدي ماماك كانت مع باباك فعلاقة كاتبغيه من نيتها و كاتشوف معاه مستقبل حتال نهار لي غاتكون راجعة من ليسي و غايتلاقاها (تنهدات) ماعارفاش بالظبط الديطاي و لكن ولد لحرام دار فيها ما بغا و رماها (بحزن) رجعات للدار و ماقالت لحتا واحد شي حاجة حتال نهار لي عرفها باها حاملة و جرا عليها فنصايص الليل رماها للزنقة بلا ماتبقا فيه و لا يقول بنتي هاديك جات لعندي وديتها لدار جداتي فالجبل فاش قربات تولد (ابتاسمات باشتياق لدكراياتهم) كانت كل نهار تخرج تشري ليك لحوايج و تفكر فشنو تسميك كانت عوالة غير تولد و ترجع لمدينة و تمشي عند واليديها و لكن غير ولدات و شداتك بين يديها(بغصة) دا مول الامانة امانتو
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
