⛓️🏹الـــمـــنـــــتـــقــــم 🏹⛓️

____الجزء 12____

🍾المنتقم 🍾
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣

       ____الجزء 12____

حرك ليه خالد راسو بالإيجاب وهو أشار ليه باش يمشي عاد شاف فحسن لي كيشوف فيه بنفس ابتسامتو

سيمو: كون مرتاح دابا أنا فالمحل

حط يديه على راسو كيماصيه بتعب وزاد كيقرب عندو
حسن: اودي المحل بلا بيك غايدير فاييت (طبطب على كتفو مبتاسم بفخر) الله يرضي عليك اولدي

نزل عينو جهة يديه كيضحك بسخرية على آخر كلمة ورجع شاف فيه بنضرة غريبة

سيمو: الله اودي اسي حسن نتا راك هو البركة ديال هاد المحل

ابتاسم ليه حسن ابتسامة خفيفة و عطاه بالظهر طالع للطابق التاني فين كاين بيروه مطمئن على لخدمة لي خلا ليه بين يديه

تبعو بعينيه حتى غاب عن نضرو وجمع الضحكة راسم ملامح الحدة والتخنزيرة لي ماكتخطاش وجهو وزاد تابع الدراري خاشي يديه فجيابو وعينيه مهزوزين كيصكانيو فالمحل وياله وصل جهة البيت فين كيحطو حوايجهم وهو يتصادف مع الولد لي طرد مع هز فيه راسو شدو من دراعو بحركة سريعة كان دافعو على الحيط حتى تزدح ضهرو معاه وخلى عينيه فنص عين الثاني كيهضر مزير على سنانو
سيمو: شنو قالك الزا*مل دعقلك نتا وداك القو*اد باش تهزو الطموبيل دالسيد صافي غير سكامبا ماكاينش غاديرو شنو مابغيتوو؟؟

الدري بقوة الخلعة والزربة لي زرب عليه حرك راسو بالإيجاب ورجع حركو بالسلب بسرعة
_والله اخويا سكامبا ما خرجنا نضورو كان عندي غرض مهم ورغبت خالد يمشي معايا كنقسم لك بالله ماتعاود اخويا غير طلقني وندير شنو مابغيتي

خنزر فيه بحدة وجرو من حوايجو وعاود دفعو على الحيط نافضو من يديه
سيمو: غاترجع تلبس طابليتك ولات عندك نتا وعشيرك ربع ساعة لقا فيها الطموبيل مصلوحة

حرك ليه راسو بالإيجاب بسرعة كيحاول يحبس فابتسامة فرحو
_شكرا اخويا سكامبا والله ماتعاود شي حاجة بلا خبارك غير سمح لينا

خشا يديه فجيبو وياله ضار باش يتحرك وهو يسمعو عيط ليه ورجع ميل راسو كيشوف فيه هاز حاجبو سامح ليه يكمل كلامو

_أمين داز الصباح سول فيك ومشا قلت ليه غير تجي نعلمك وهو وصاني نقولك تصوني ليه فأقرب وقت (قرب منو بخطوات بطيئة ونطق بصوت خافت وعينيه كيضورو بحدر) عندو شي حاجة مهمة بغاك فيها

تلفت عندو كامل ورجع خطوة لور مبعد عليه
سكامبا: تقدر ترجع لخدمتك وهاد المرة (هز يدو من جيبو بالشوية وبدون ماينتابه ليه ضربو بضهر يدو لحنكو بجوج صفعات خفاف كتحدير) هاد الامور ماتهضرش فيها هنا ولا راك عارف شنو كاين خليني بعقلي معاك

بدون مايستنى منو جواب ضار عطاه بالظهر وزاد راجع لفوق جلس فكرسي فالقنت حاضي الداخل والخارج وقاني على خدمة الدراري كيتسنى منهم غلط باش ينوض يصبنهم عاد يعاونهم كيف ولف بطبعو القاصح غالب حتى فمساعدتو كيصطانع الحدة ويجرح لي قدامو بلسانو الماضي