⛓️🏹الـــمـــنـــــتـــقــــم 🏹⛓️

____الجزء 40____

⛓️🏹الـــمـــنـــــتـــقــــم 🏹⛓️

           🚬أنا ابن الحرام، وفي روحي تشتعل شرارة الانتقام..💣
           🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣

            ____الجزء 40____

قربات منو كتصوط وتكات على البيرو كتشوف فيه بلاما تهضر مصطانعة التقليقة.. خلاها سيمو بخاطرها وهز واحد من الملخصات لي كانت دارت لواحد من دروس الفيزيك قراه محاول يتذكر الدروس لي قرا فالسنة لي دوز فيها لباك …بلاكا يحس تبسم مشتاق لدوك الايام.. كان مزال فالخيرية... بوحدو ماكاين لي يخاف معاه، لي يشجع، ولا لي يقوليه يرتاح..

كان داير جهدو كامل باش ياخد لباك و يخرج يقلب بيه على مستقبلو…جهدو ماضاعش و قدر ياخد اول نقطة على مستوى الاقليم شعبة علوم رياضية…و لكن ماكان لي بفرح ليه او معاه... رغم ذلك ماستسلمش وعمرو ماغايخلي الضغف يغلبو مهما كلفو الزمن!

تنهد تنهيدة خافتة رامي وراه غبار الماضي و بدا كيقاد ملخص لي يقدر يجيها ساهل كتر..

فالطرف الثاني كانت جهينة حاضياه بابتسامة خفيفة.. ساهية فملامحو الجدابة وهو مركز فدروسها.. كتفكر كيفاش كان كيراجع فاش كان قدها.. متحمسة تعرف كل تفصيلة عليه.. خاصة وأنها عارفة بلي لي فعقلو ماكاين عند تاواحد فقط الانتقام لي كان مخليه يخياب ويقصاح مع أي كان..

تنهدات براحة لي عندها هو على الأقل كيفهمها ويديها قد عقلها... رجعات تبسمات وقربات منو معتقاه من دراعو اليسار وتبعات مع شنو كيكتب ماباغاهش يغضب عليها..

كمل سيمو الملخص.. هز عينيه فيها و ابتاسم فور ما التقو اعينهم ..

سيمو: قاديت ليك هذا حسن(مدو ليها) قرايه و خدمي واحد من الوطنيات لقدام اذا وحلتي فشي حاجة قوليها ليا

طلقات منو و شدات الملخص من عندو باقا مبتاسمة.. حركات راسها بالايجاب وبدات كتقرا فيه بتركيز تام حتى كملاتو وحطاتو قدامها كتقلب فالوطنيات القدام كيفما طلب منها ختارت واحد وقادات الوقت لي خاص تكمل فيه وبدات تخدمو مركزة وبالها مع الوقت لي محددة لراسها كتخدم بكل تركيز.. وحتى من هدوء و سكينة المكان مساعدينها

خلاها سيمو كاتخدم وخرج من لبيرو لعند ليفرور لي صونا ليه فاش وصلخدا طلبيتهم .. و رجع عندها جلس فمكانو و هز وراق خدمتو يكمل فين حبس على ماتسالي هي ويصحح معاها..

جهينة بمجرد ماتسللات ريحة لماكلة وجيوبها الأنفية عقلها طفا.. بدات كتمص فشفايفها وعينيها كيهربو لساشيات بفضول لريحة لي خلات كرشها كتغرغر..
تركيزها بدا كيهرب مع ريحة الماكلة الشهية..
حطات الستيلو فالجنب وضورات عينيها عندو مسبلاهم فيه ونطقات بصوت رقيق ملحن

جهينة: سييمو

سيمو(هز عينيه فيها و نطق بهدوء): وحلتي فشي حاجة؟

حركات راسها بالايجاب ببطئ كترمش فيه ببرائة..

جهينة: وحلت فكرشي.. جاني الجوع