⛓️🏹الـــمـــنـــــتـــقــــم 🏹⛓️

____الجزء 23____

⛓️🏹الـــمـــنـــــتـــقــــم 🏹⛓️

           🚬أنا ابن الحرام، وفي روحي تشتعل شرارة الانتقام..💣
           🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣

            ____الجزء 23____

تبسم سيمو وحاوطها بيديه ضامها لصدرو وميل راسو كيطل عليها ضاحك

سيمو: بحالا جهنامة ديالي ضرافت ولا تخايلت

هزات عينيها فيه مبتاسمة بحب دايبة فضحكتو وملامح وجهو لي كيلينو معاها

جهينة: كون كانت جهنامة قادرة كون حرقات اي واحد قلقك ليها

هز حاجبو كيرمش فيها مبتاسم وبدون ماينطق بكلمة زاد خشاها فيه كيطبطب على ضهرها.. افعالها البساط وكلامها لي اكبر من عمرها علقوه بيها لواحد الدرجة ماكانش متخيلها.. لو كان سولوه على السبب لي خلاه كاع هاد السنين صابر وماغلطش فالرجل لي كان سبب فمعناتو كان بالتأكيد غايقول هي..

جهينة  تنهدات بالجهد و غمضات عينيها بستمتعة بدفئ حضنو ،باستو فصدرو بقوة وبعدات شاداه من فعنقو كاتشوف فعينيه بحب

جهينة: ياله احبيبي راه توحشت تهرب بيا

ميل راسو خطف بوسة من شفايفها وهزها من خصرها بالخف جلسها على الموطور عاد ركب وراها معنقها عندو وهي نعسات على صدرو هازة فيه راسها..

سيمو: فين نهرب بجهنامتي لي باغا تحرق البشري على ودي

جهينة: لشي بلاصة نبقاو فيها بجوج بعاد على الناس و هاد صداع

ميل راسو كيشوف فشفايفها لي ملمعاهم وحرك راسو بالايجاب
سينو: نمشيو احبي نمشيو

باسها فراسها وهز الكاسك ركبو ليها وكسييرا بسرعة خيالية كيميل فالطرقان.. بعد مسافة الطريق وقف بالموطور فبلاصة بعيدة محرك فيها الريح دالبحر وقدامو الصخر الناس قلال وبعاد خاصة فديك الوقت..
كان داز فطريقو على مول كاسكروطات خدا جوج سوندويتشات وكانيطات هاواي حيت عارفها كتموت عليها نزل هو لول شاد فيديه الساشي لي فيها الماكلة ومد ليها يديه

سيمو: نزلي ونتي قربتي تسخفي ليا هنا عاد قالك باغا تعلم اش غاتعلمي آش

شدات فيديه و نزلات كاتنهج كانها كانت فسباق
جهينة: من دييما كانقولك منين نكون معاك ماطيرش (هزات راسها فيه مغوبشة بطفولية) كنتي غاتقلتني

بتاسم ابتسامة صغيرة بلكاد واضحة وحط يديه على خدها كيحيد خصلات شعرها لي لسقو فيه بالريح

سيمو(بنبرة حنينة): ماتسخايش عليا

تنهدات حاطة يديها على قلبها كتشوف فيه مبتاسمة والفرحة واضحة على لمعة عينيها..

جهينة(بصوت خافت): وا سيدي ربي راه كانبغي هاد سيد انا

سيمو(بطنز): كون شفتي هو شحال كيبغيك كون هربتي معاه شحال هادي

جرها لعندو كيضحك وخشاها تحت دراعو وزاد جهة الصخر شاد فيها باش ماطيحش.. جهينة عضات على شفايفها كاضحك بفرحة من اعترافو لي اول مرة تسمعو.. دقات قلبها كانو متسارعين و دغدغات قوية داخل معدتها خلاتها تقلص بطريقة غريبة..
وقفات فنص الطريق وهزات فيه عينيها كترمش بعدم استيعاب..

جهينة (بصدمة): اول مرة تقولها