⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 22____
اسبوع داز على بطلنا لي ولا كيدوز نص نهارو فنعاس فقط باش يعاود يشوفه صورة مو و يعاود يحس بدفئها ،اسبوع و هو كيوصي فصاحبو انه مايتزحزحش من حدا دار حسن الإحتياطية لي كان كيدير فيها كل من خبث و أعمال شيطانية..
مارتاح حتا جاب ليه كاع الصور لي زادو تبتو التهم و الجرائم لي كيدير من تزوير و اغت//صاب ..
واليوم كان هو اليوم لي انتاضرو سنين.. يوم مضوي باشعة الشمس لحارقة المماثلة لحرقة قلبو.. واقف بعيد على لكراج ببضع أمتار بوقفتو المعتادة موجه نظراتو الحادة جيهة حسن لي خارج من الكاراج مكبلين يديه بمينوط منزل راسو للارض دليل و جوج من رجال الشرطة ضايرين بيه
مامسوقش للصداع لي حداه للناس لي مصدومين من شنو كيشوفو و شنو سمعو ،الحومة عامرة بسكانها لي خارجين شاهدين لديك اللقطة لي بالنسبة لسيمو لقطة انتصار وهو كيشوف فالشخص لي كان سبب فأبعاد مو من حضن واليديها وحرمانو منها.. اليوم كان مدلول قدام كاع اصحاب الحي لي شهدو من قبل سنين على خروج مو من دارهم مظلومة اليوم هو خارج ظاالم بتهم كبيرة مابين خباثتو..
على بضع خطوات منو كانت متكية على الموطور كاتشوف فيه بعيون مدمعة.. عارفاه بشنو كيحس و عارفاه شحال تعدب و قاسى فحياتو.. تنهدات كتفكر فشحال من صاحبتها لامتها و سولاتها شنو عجبها فيه من غير زينو و جادبيتو كانو كيسولوها واش ماكاتخافيش منو ولا تخافي شي نهار يدير ليك شي حاجة بحكم أنه ولد غير شرعي وافعالو وصورتو قدام الناس ملوثة..
من بين هاد الناس كاملين هي اكتر وحدة عارفة حقيقتو عارفة قلبو الطيب المخفي تحت صلابة جسدو.. ضعفو و حزنو لي مخبين خلف نظراتو الحادة.. آلمو على فقدان مو لي كيحاول ينسيه بالجوانات و المخد.رات لي كيتعاطا ليهم..
تنهدات بالجهد ووقفوت مقربة منو و حطات يديها على قبضة يديه لي مزير عليها.. هزات فيه راسها و نطقات بنبرة حنينة
جهينة: نمشيو؟
رمش فباب الصطافيط لي تسدات قدامو وبين عينيه صورتو وبداك الشكل حشمان من أفعالو لي تفضحو قدام الجميع.. تنهد براحة لي اخيراا جا اليوم لي حقق فيه انتقامو وخلاه يعيش ولو شوية من شنو عاشت مو رغم أنه يستاهل اكثر من ذلك..
تنهد ونزل راسو عندها مبتاسم ابتسامة صغيرة خافي وراها حزنو لي باقي ما تغلب عليه
سيمو: باقي غايخصني نمشي نهضر معاه ولكن قبل غاندوز هاد النهار معاك
شافت فعينيه مباشرة كاتنهد باسف ،قربات منو اكتر مقلصة المسافة و عنقاتو بقوتها كلها محاولة توصل ليه انها غاتكون ديما معاه و غاتبقا معاه مهما كاع شنو غايطرا ليه
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
