🍾المنتقم🍾
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 14____
الدري ضور راسو جهة محمد لي كيرمش فيها بهدوء
سيمو: كاينين بزاف بهاد السمية ماشي غير محمد واحد
شافت فيه كاترسط فريقها بصعوبة و حطات يديها على شالها كاتقادو فوق راسها من بعد ماخربقاتو الرياح لقوية
-محمد تحط هنا و هو عاد عندو يومين
تنهد سيمو بخفوت وشاف فالدراري لي معاه غمزهم يسبقوه عاد ضار شاف فيها
سيمو: شكون حطو عارفة شي معلومة عليه نقدر نعاونك بيها؟
حركات راسها بالسلب بسرعة و قلبات عينيها كاتشوف فبوابة الميتم لي خوات
_ماعرفتش لي عارفاه هو راه هنا ضروري خاص نلقاه (شافت فيه) شحال من محمد كاين ؟
حط يديه على جبهتو كيفكر وعينيه عليها مستغرب
سيمو: كاين انا وواحد دري آخر ولكن هو مشا خرج فاللول
عينيها تحلو بلهفة و قربات منو كتر
_وقتاش جيتي هنا اولدي نتا؟
رجع خطوة لور كيرمش فيها باستغراب
سيمو: جيت وراما تزاديت لي عارف مي ماتت وجابوني هنا
سرطات ريقها بقوة كاتشوف فيه بلهفة
_عارف شنو كانت سميتها
هز حاجبو كيرمش فيها وحرك راسو بالايجاب
سيمو: عارفو ولكن شكون نتي لي كتسوليني؟
ابتاسمات ابتسامة حزينة عيونها مغرغرين فور ما تفكرات صديقتها
_رجوى: ادا كنتي نتا هو علامن كانقلب انا اولدي صاحبت ماماك الله يرحمها
ميل راسو كيشوف فيها بنفس هدوءو المعتاد
سيمو: إذا نسولك أنا شنو سميتها
تنهدات بحسرة محافظة على ابتسامتها لي واضح منها المرار لي عاشتو ورا ديك الليلة الكحلة
رجوى: نورة ..كانت سميتها نورة
حجبانو تهزو بهدوء وحرك راسو بالايجاب
سيمو: الله يرحمها
حطات يديها على فمها بفرحة حيت لقاتو ،بلا ماتقول والو جراتو لحضنها معنقاه بجهدها كولو وشهقات بالجهد حتى نزلو دموعها فور ما تدكرات ان ولد صاحبتها لي دوزو شهور كيتسناوه ويتخيلو حياتهم معاه هو دابا قدامها شاب راجل قاد براسو وماعاشو معاه حتى لحظة من شنو تمناو ،كاتبكي بحرقة و حزن على صديقتها وولدها لي كبر بلا مايعرف والو على اصلو و عائلتو
غمض عينيه كيتنهد بضيق من هاد القرب وحط يديه على ضهرها كيطبطب عليها بهدوء
سيمو: سمحيلي ولكن راني مزروب خاصني نمشي
فصلات لعناق و شدات وجهو بين يديها مبتاسمة
رجوى: لا ماعندك فين تمشي خاصك تعرف على عائلتك خاص تمشي عند جدودك تقولهم على بنتهم لي ماعارفينش لدابا خبارها خاص تشوف باباك و تعرفو شنو دار لماماك خاص تعرفها شحال تعدبات و شحال كانت باغا تشوفك و تشد بين يديها و تعيشك حياة حسن من لي عاشت هي
أنت تقرأ
⛓️🏹الـــمـــنـــــتـــقــــم 🏹⛓️
De Todo⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
