🍾المنتقم 🍾
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 9____
منزل بحي شعبي 100٪ كانت نازلة فالدروج بخطوات سريعة ،عاضة على بتي بان ففمها كاتلبس طابليتها بسرعة ،شدات بتي بان فيديها و نطقات بصوت عالي باش يتسمع لماماها
جهينة: ماما هاني مشيت
تسمع صوت مها من لداخل كتوصي فيها ودعي معاها حتى تسد الباب
خشات يديها فجيابها كاتمشى بخطوات انثوية ،لابسة دجين فاتح مقطع مزير على فورمتها لي مزيرة ،لابسة طوب قصير فلبيض طالقة شعرها الاشقر مع ماكياج خفيف بارز ملامحها المميزة و عيونها البنية
كان شاد كاسو دالقهوة كيرشف منو منغم وعينيه على الشارع قدامو حتى كتبان ليه
وقف كيقاد الكاسكيط منزلها على وجهو وجبد من جيبو الصرف لاحو فوق الطبلة وخرج مخنزر داز من حداها كيف الريح ومد يديه جارها من دراعها داخل مع الدروبة بدون ماينطق بكلمة
شهقات مخلوعة بسبب سهوتها ،هزات عينيها فيه و ما ان لمحاتو ابتاسمات ابتسامة خفيفة تابعاه بدون مانقاوم
وقف فدرب خاوي ماكيخرجش وزدحها مع الحيط منزل راسو عندها كيشوف فيها بنضراتو الشرسة غاياكلها بعينيه
سيمو: سخن عليك راسك عاوتاني؟ نبقى نعاود مع ديلمك نفس الكاسيطة أنا
هزات راسها فيه كاتشوف فسواد عينيه مبتاسمة ابتسامة عريضة
جهينة: مالك فايق خاسر عاوتاني ؟ ماكميتيش؟
حط يديه على ذقنها ضاغط عليه ونطق بنبرة حادة مغزف
سيمو: ماكنضحكش معاك النم راه غانهرس ليك دوك الرجلين لي مزيرة عليهم
كمشات ملامحها بالم و حطات يديها على يديه محاولة تبعدها
جهينة: راك كاضرني اسيمو زدتي فيه
خبط ليها راسها مع الحيط وبعد كيشوف مع حوايجها منرفز
سيمو: غاتسدي ديك الطابلية وتقاودي دابا لداركم تحيدي هاد الشراوط دالقحاب لي راك لابساهم عاد نتفاهم مع ديلمك
حطات يديها على راسها كاتزفر النفس بالجهد هزات راسها فيه مخنزرة و قلبات وجهها كاتسوط
جهينة(بفشوش): عقل على هادشي عقل
قطب حجبانو بحدة وقرب عندها كيسد صدايف الطابلية بالنترة
سيمو: هاهو عاقل عنداك تنساي نتي (هز عينيه فيها هاز حاجبو بتحدير) وباقي نلمح حسك لابسة بحال هاكا نقلع لك الكصب درجليك ديريها فبالك
ضربات ليه يديه مبعداها و رجعات بلور كاتسد فصدايف
جهينة: دابا علاش هادشي كولو ؟
شاف ففخاضها لي كلهم باينين من تقاطع وهز عينيه فيها مخنزر
سيمو: ماشفتيش فخاضك وكرشك لي معرية فاش كنتي تلبسي؟ كون غير خرجتي بلاش لاش تمحني راسك
عضات على باطن حنكها و قرات منو كاتشوف فيه مبتاسمة
جهينة: نفهم من هضرتك كاتغير ؟
ضربها لحنكها بضهر يدو بشوية مبعدها عليه
سيمو: تحركي قدامي لداركم تحركي
قطبات حجبانها مخنزرة بدلع و ضرباتو لدراعو
جهينة: وا قول غا كليمة زوينة
جرها من كتافها خاشيها تحت دراعو ونزل راسو عندها كيشوف فشفايفها لي لامعين بالكلوس مد يديه وجرها منهم بقفرصة ماسحو ليها
سيمو: وجهك نيت وجه الكلام الزوين على هاد الفعايل وجهك راه غير ديال التصرفيق
شدات فيديه كاضحك بصوت خافت
جهينة: غانتعطل على لقراية فخبارك
جرها قدامو كيزرب فخطواتو مخنزر
سيمو: عاد تفكرتيها كون خرجتي بحوايج دالقراية كون راك وصلتي
عضات على شفايفها كاضحك محاولة تجاريه فخطواتو
جهينة: لبارح فين كنتي صونيت ليك ماجاوبتكش
نزل راسو عندها بنفس نضراتو وحرك راسو بهدوء
سيمو: عرفت ماكنتش مسالي
أنت تقرأ
⛓️🏹الـــمـــنـــــتـــقــــم 🏹⛓️
Losowe⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
