⛓️🏹الـــمـــنـــــتـــقــــم 🏹⛓️

____الجزء 36____

⛓️🏹الـــمـــنـــــتـــقــــم 🏹⛓️

           🚬أنا ابن الحرام، وفي روحي تشتعل شرارة الانتقام..💣
           🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣

            ____الجزء 36____

                 --بــعـــد شــه‍ـــريـــنـــ--

دازت عبارة عن خدمة و جد و اجتهاد عند سيمو لي قرر يعتازل كاع الاعمال لي كانت غير لائقة بسبب انتقامو.. خدا وقت خاص ليه رتاح فيه وعاش حزنو.. و موراها مباشرة بدا يأسس فمستقبلو ماباغيش يزيد يضيعو على شي حد مايستاهلش باقي..

من داك اليوم ماعاودش زار حسن.. صباحاتو كلهم كان كيدوزهم وسط الخدمة و لياليه كيبات سهران فيهم  وبين عينيه الذكرى لي ماقدرش ينساها… ذكرى الحقيقة لي مابغاتش تنسى ليه .. وخاصة بعد الكلام لي سمع!
فالاول كان مزال وسط حالة من الانهيار… ساد على راسو ماباغي لايهضر او يشوف شي حد.. كأنو خايف من نظراتهم، نظرات الناس عليه لي عمرو اهتم ليهم!… بعد شنو وقع و الهضرة لي قوات عليه بعدما خدا النصف من املاك حسن لي وبسبب ثقتو العمياء فيه ثبل مايدخل الحبس قدر يخليه يوقع على ارواق بيع ممتلكاتو.. حس بضغط كبير لدرجة انه كل ليلة كان كيلقى راسو غارق فأفكارو و مبزز على راسو يستهلك كمية كبيرة من المخد.رات لي يرفعوه ويخليوه ينعس بزز عليه باش يتلاقى بنورة فشي حلم هادئ بين كوابيسو المتعبة.. باغي يزيد يعيش معاها ذكريات من مخيلتو…

فهاد الشهرين قرر ينعازل… و يبعد على كلشي… انعزال عاونو يرتب افكارو و يرجع توازن نفسو…و اذا ضاقت بيه كان كيهرب للبحر …يتقابل مع لمواج و ينتاعش بريحة البحر…جهينة كان ليها دور كبير فعلاجو…رغم انه كل مرة كان كيجري عليها… الا انها كانت كل مرة كتزيد تقوي اهمامها بيه .. كاطيب ليه بيديها و تدي ليه حتال دارو و تبقا حدا سرجم كاتعاود ليه على نهارها كيفاش دوزاتو مع البريباراسيون ديالها…رغم انه ماميجاوبهاش الا انها بغاتو يحس انها هي معاه ماشي بوحدو… و بفضلها قدر يخرج من عزلتو…بدا من الكاراج دحسن و رجعو للخدمة… و بفضل اصرارو قدر يكبرو و يرجعو كاراج ميكانيكي معروف فالمدينة…

وكيف عادتو بعد خروجو من كئابتو.. كان جالس فمكتبو… بملابسو الرياضية كيف موالف… فيديه لوراق دالسلعة لي وصلاتو كيراجعهم بتركيز تاام.. عيونو السود ماكيزكلو حتى تفصيل .. عاقد حواجبو والجدية متعالية ملامحو ..

فجو من الهدوء.. كاسرو صوت ضجيج الشارع لي داخل من السرجم لي شاد النص فالحائط الجانبي.. بجانبو تماما بلاكار صغير عليه بعض الملفات والاوراق مامرتبينش بحكم انه رافض يخلي شي واحد يدخل لمكتبو ويبعتر فأشيائو الخاصة..

جنب الباب كانت جليسة صغيرة جوج فوطوي لشخص واحد فلون الرمادي متوسطاهم طبلة خشبية حادرة عليها فنجان القهوة وطفاية عليها رماد السجائر لي كيبدا بيهم يومو.. امام الجليسة مباشرة كان مكتبو الكبير.. عبارة عن طاولة خشبية مصبوغة بالرمادي اللون لي غالب على الغرفة بالكامل .. فوقها بعض الملفات مبعترين وبيسي مسدود وحاملة الاقلام كادر صغير عليه اسمو الكامل حداه كادر داخلو صورة جهينة مصورة فمكانهم المفضل كل ماكيهز عينيه فصورتها ويلمح ضحكتها الواسعة كيحس بالراحة..