⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 3____
فاتت الحومة كتزرب فخطواتها هاربة من نظرات الشفقة لي عليها ،خدات اول طاكسي لقاتو قدامها و عطاتو عنوان دار صاحبتها وتكات على الزاجة دالسرجم ساهية وسط افكارها السوداوية
نزلات من الطاكسي وفور ما وصلات لوجهتها كاتجر فرحليها بصعوبة، عينيها تنفخو بلبكا كيتسمعو منها فقط شهقات متقطعة ،تكات بكتفها على لباب كادق دقات تقال بقوة ما يديها فاشلين عينيها بلكاد حالاهم
وبعد دقائق قليلة تحل لباب وبانت وراه بنت فأوائل العشرينات بوجه بشوش وابتسامة واسعة لي فور مابانت قدامها نورة بداك الشكل تمحات ابتسامتها وعوضوها ملامح لقلق
و ما إن لمحاتها فاشلة غاطيح شداتها من دراعها معاوناها توقف وجراتها داخلين من لباب
رجوى: نورة.. مالك اختي شنو واقع معاك؟
طاحت على ركابيها الارض كاتبكي بحرقة كبيرة كأن روحها كاتحرق بنار تانيب الضمير و الظلم ،كاضرب فكرشها بقوة كانها باغا تقتالع الجنين لي كيتكون وسط احشاءها متغدي بغداءها متشبت بيها بقواه لي عاد كاتكون
نورة (بحرقة): ولد لحرام خرج عليا ،خرج لي على حياتي الله ياخد فيه لحق
رجوى دفعات لباب بزربة حتى تسد وتحنات عندها كتشد ليها يديها باش توقفها وحواجبها مقطوبين بإستغراب ماعارفاهاش على اشنو كتهضر
رجوى: حبسي اصاحبتي حبسي واش تسطيتي؟؟
حركات راسها بالسلب منهارة لاقصى درجة، وتكات على لحيط كاتنهج بسرعة كانها كانت فسباق مع ضميرها
نورة(بضعف): تبرا مني اختي (شافت فيها) با لي كان كيخاف من لهوا يقيسني تبرا مني و جرا عليا بسبب خطا مادرتوش بيدي
وسعات عينيها بصدمة وجلسات جنبها كتشوف فيها عاقدة حواجبها بتساؤل
رجوى: علاش شنو درتي؟
غمضات عينيها كاتبكي بصمت بسبب قوتها لي خارت
نورة (بصوت خافت): حسن تعدا عليا
عضات على شفايفها كترمش فيها بعدم تصديق..
رجوى: حسن حسن!! ولد الحومة ؟
حركات راسها بالايجاب كاتشوف قدامها ساهية فأخر دكرياتها معاه لي كانت مرعبة
نورة: هو هو ولد لحرام هو لي دارها ،حملني و نكرني و خلا با يسخط و يتبرا مني
تنهدات بأسف على حال صاحبتها ومدات يديها شادة فدراعها كتنوضها
رجوى: نوضي من لبرد لداخل ونهضرو
حركات راسها بالسلب مرخية كتحس بداتها كلها فاشلة وعينيها بزز باش حالاهم
نورة: ماقادراش ارجوى ماقادراش (بحرقة) عييت اختي صافي هادي هي لخرة الجهد لي نزيد مابقاش
شدات فوجها مضوراها لعندها كتحرك راسها بالسلب
رجوى: باقي أنوورة إلا ماكانش على ودك على ود لي فكرشك هو اش دنبو صبري اختي غير شوية باك إلا ماحنش دابا غايحن من بعد غير صبري
غمضات عينيها كاتشهق ببطئ
نورة: مابغيتوش، مابغيتش نحمل بولدو مابغيتوش
تنهدات بالجهد وجراتها لحضنها معنقاها كطبطب على ضهرها بحنان
رجوى: كتاب عليك دابا وكيما راه ولدو ولدك حتى نتي
سرطات ريقها بصعوبة.. داتها كلها تقالت و طنين قوي تسمع فودنيها.. جسدها ترخا على رجوى كتر و راسها مال للجنب فاقدة لوعيها
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
