🍾المنتقم 🍾
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 19____
كانت الحاجة سعاد جالسة فالصالة كتكب اتاي بمجرد ناسمعات صوت خطواتو هزات عينيها فيه مبتاسمة و اشارت ليه لمكان حداها
سعاد: اجي اولدي فطر و رجع نعس على ما يجي لحاج
كتافا بتحريك راسو كجواب وزاد كيشوف فالمسمن لي شم ريحتو مع حل الباب باس على راسها وزاد غسل يديه ووجهو عاد رجع جلس حداها كيفطر ساكت وساهي
بعد مدة تحل لباب و دخل الحاج علي لي مانقص الزمان والو من الوقار ديالو
غير شافو ابتاسم ابتسامة خفيفة و قرب منو
الحاج علي: مرحبا مرحبا زارتنا لبركة
سيمو هز راسو فاش سمع صوتو وناض شد يديه باسها عاد شاف فيه مبتاسم
سيمو: كيف داير الحاج بيخير؟ لبارح هضرت معاك كنتي عيان شوية
طبطب على كتفو و جلس فمكانو مجلسو حداه
الحاج علي: غا الكبر اولدي هداك
حرك راسو بتفهم وشاف فسعاد مبتاسم
سيمو: شهدي عليه الرونديفو الرابع لي كندير مع الطبيب وكيهرب منو ماكيمشيش ليه شي نهار نغفلو ونجي ناخدو بزز عليه
شافت فيه كاضحك و حركات راسها بالايجاب
سعاد: ديه اولدي من ديما كان كيهرب منو حتا نورة مسكينة كانت كاتعيا معاه ووالو
عض على باطن حنكو منزل راسو لتحت وتنهد بعمق
سيمو: الله يرحمها
شاف الحاج فسعاد مخنزر عارف حساسية حفيدو من موضوع مو و نطق مبدل الموضوع
الحاج علي: كيغادي مع الخدمة اولدي؟
حنحن بخفوت وهز راسو كيشوف فيه بابتسامة خفيفة مخبي وراها ملامح الحزن والاسى لي حاس بيه
سيمو: الحمدلله (تنهد بالجهد وشاف فيهم بجوج عاد نطق بجدية داخل فصلب الموضوع) البارح وصلوني الوراق لي مزور والتصاور فيهم الخبث لي كيدير
شاف فسعاد و عاود شاف فيه كيرمش بعدم فهم
الحاج علي: كاتهضر على باك؟
زفر النفس بالجهد وحرك راسو بالإيجاب
سيمو: مع الأسف
تنهد بالجهد و حط بديه على كتفو
الحاج علي (بجدية): قلت ليك منين مابغيتيش تعلمو بلي راك ولدو اولدي بعد من طريقو و عيش حياتك بلا انتقام
حرك راسو بالسلب وشاف قدامو بنضرة غريبة
سيمو: ماغانبعدش من طريقو وغايعرف حيت خاصو يعرف ويعيش ولو غير شوية من تأنيب الضمير لي يقتلو ليل ونهار انا أصلا بلا انتقام بلا والو كان خاصني نهني العالم من واحد بحالو لي كبر وباقي شماتة كيتعدى على بنات الناس
نزل راسو للارض كيتنهد بغير حيلة و عاود شاف فيه
الحاج علي: غير رد بالك اولدي و صافي هدا هو لي هامنا حنا
حرك راسو بهدوء وشاف فسعاد مبدل الموضوع
سيمو: شميت شي ريحة فاش كنت داخل عليها فطرت غير شوية ماتحطيش لينا نتغداو زعما
حركات راسها بالايجاب مبتاسمة ابتسامة خفيفة خافية من خلفها حزنها
سعاد: قاديت اولدي دجاج لي كيعجبك انا نحطو داابا
ابتسم ليها وهز يديها باسها فيها وناض كيجمع فداكشي لي فالطبلة معاونها وفنفس الوقت هارب من نضراتهم
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
