⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 26____
ميل راسو باسها فحنكها بالجهد وبعد كيضحك على ملامحها
سيمو: غير بغيت نفكرك شنو غايوقع فاش ندوز عليك بليل لسونطر ولقاك مجمعة مع دوك رعاوين لي معاك تما
جهينة عضات على شفايفها وشافت فيها حابسة الضحكة
جهينة: صحح معلوماتك احبيبي حيت هوما كيجمعو معايا ماشي انا لي كانجمع معاهم
خنزر فيها هاز حاجبو بنضرة حادة..
سيمو: ونتي كتحلي ويعحبك الحال ياك
رشفات من كانيط ديالها مبردة كتحرك راسها بالسلب
جهينة: لا اصلا ماعنديش معاهم و لكن كيعجبني نشوفك مخنزر و نعصبك (ابتاسمات) اذا ماعصبتكش انا راه مادرت والو
ضربها بضهر يدو لوجها بشوية باقي مخنزر فيها
سيمو: إوا نتي غير جربي تعصبيني وشوفي شنو غايوقع فيك
حطات يديها على وجهها و شافت فيه مخنزرة
جهينة: هانتا بديتي تحمس اصاحبي
سيمو(حابس الضحكة): شناهو؟
ضرباتو ليديه لي ضربها بيها محافظة على تخنزيرتها
جهينة: لاش كاتخبط
نزل عينيه كيشوف فيديها بنضرة غريبة ورجع شاف فيها جامع الضحكة وملامحو جامدين
سيمو: شنو درتي دابا؟
رمشات فيه بسرعة وضحكات ضحكة مرتبكة كتشوف فيه بخوف من تحولو المفاجئ
جهينة: ها...والو..والو
سيمو(بإصرار): لا درتي شي حاجة شنو هي؟؟
وقفات كاتقاد فجوايجها مبتاسمة كتحنحن بارتباك ..
جهينة: ها!! لا والو
شدها فيديها ورجعها لبلاصتها مزير عليها كيشوف فيها مخنزر
سيمو: ضسرتي ياك؟؟ قالك داك نص عقل عندك سكامبا دار عقلو اجي نضسر عليه؟ ولا كيفاش ؟ فاق شيطانك
هربات عينيها من عينيه كانسرط فريقها بتوتر
جهينة: غا ضحكت معاك (شافت فيه مسبلة عويناتها) ولاهيلا غا ضحكت معاك
ميل راسو لجنب فاش فلتات ليه الضحكة وجرها من عنقها خاشي ليها راسها فصدرو كيضحك
سيمو: برب تا ملبقين فيا برهوشة مونتيف غايدخلني نتكوانا حدا الشمايت
هزات عينيها فيه كاترمش باستغراب كيفاش تقلب فدقيقة و نطقات بنبرة مزال غالب عليها التوتر
جهينة: ماغادير ليا والو ياك
سيمو: غانهرب بيك أنا
تنهدات براحة و هزات سندويتش ديالها والكانيط كاتسقي بيها حلقها لي نشف بالخلعة ...
جهينة: طيحتي مني نص
ضحك وحط راسو على كتفها كيتمعن فتقاسيم ملامحها بحب
سيمو: كتخافي مني؟
جهينة(بهدوء): كانخاف من عصبيتك
قرب عض من سونديشها وتقاد فجلستو رامي يديه على كتفها
سيمو: نتي بوحدك لي ماخاصكش تخافي مني حيت نقدر نضر راسي ومانضركش نتي
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
