⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 43____
سيمو وسط ديك الحالة دالهلع لي كانت راكباه تهزو عينيه ناحية الكاميرا لي مصوبة فالجهة فين كانت واقفة ... فديك اللحظة طفا عقلو وافكارو وضار داخل كيجري مخلي عيون العمال كلها تبعو مستغربين من حالتو ... بينما هو كان مرفوع كلشي فيه كيضرو و آلم كبير عاصر قلبو من الخوف عليها ... خاصة وانه السبب الاول الى كانت هي فخطر دابا ... بلاما يحس عينيه ضببو مرة اخرى بنفس السائل لي كيكرهو وكيكره يشوفو ... وقف فنص الدروج حاط يديه على صدرو كيتنفس بصعوبة حتى سمع صوتها من موراه ...
للحظة حس براسو بدا كيهلوس وهادشي لي عايشو فهاد اللحظات مجرد وهم!! حتى رجع سمع صوتها من ثاني ... تلفت نص تلفيتة حتى كتبان ليه خارجة من جهة الطواليطات!!
حجبانو تجمعو ورجعو ترخفو كيرمش فيها بعدم فهم!
جهينة قادات شكارتها فكتفها وتبسمات ليه مستغربة من حالتو و ملامحو لي واضح منهم واقعة ليه شي حاجة ...
جهينة: سيمو ... مالك ؟
رجع خطوة لور ونزل عندها بخطى سريعة شدها من يديها مرجعها لور داخلين لكولوار بعاد على نظرات الجميع و وقف قدامها كيتفحصها بعينيه وكاع داك الخوف لي كان عليها انقلب لعصبية ملامسة نبرتو العالية
سيمو: فيين كنتيي؟
جهبنة نزلات عينيها ليديها لي مزير عليها ورجعاات علاتهم فيه كترمش بخوف واحراج حيت صوتو عالي ومتأكدة غايكون كلشي كيتصنت عليهم
جهينة: بلا غوات عفااك! شنو كاين ؟
سيمو(نطق تحت سنانو مغزف): قلت ليك فييين كنتيي
جهينة: ياك قلتي ليا سبقيني وهبطت قبل منك غير دابا رجعت لطواليط صافي علاش مالك؟؟
رمش فيها مطولا حتى لاحظ انزعاجها من الشدة لي داير ليها بلاما يحس ... رخا منها فالحين مبعد عليها كيشوف فيديها لي دغيا ترسمو عليها اثر صبعانو ... تنهيدة راحة تسللات من بين شفاهو ومد ليها يديه باش تجي عندو ...
قربات منو جهينة عندو معلية فيه راسها ... وعنقاتو بلاما تقول والو حاسة بلي واقعات شي حاجة فغيابها عليه ...
جهينة: ما درت والو اسيمو والله
حرك راسو بهدوء وحاوطها حاط راسو فوق راسها كيتنهد ... باغي يبقاو فديك الوضعية حتى يرتاح ويتهدن روعو ياش يقدر يخرج وهي معاه ... كإنسان تعود مايتسوق لتاحد حيت ببساطة ماكتهموش نفسو وماعند نقطة ضعف حتى لقا راسو اليوم على وشك انه غايفقد عقلو بمجرد ما شافها محطوطة فوضع خطر!!
أنت تقرأ
⛓️🏹الـــمـــنـــــتـــقــــم 🏹⛓️
De Todo⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
