⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 28____
داخل قاعة كبييرة مظلمة بطوابل متفرقين وبعااد.. ضوء النهار داخل من السراجم الصغار العاليين..
كان جالس فالقنت بهالتو الرمادية الطاغية القب دالقبية مغطي النص فوجهو.. بحواجب حاديين مقطوبين وعيونو سوداء نارية بعروق حمراء مصوبين ناحية الباب منتاظر دخولو بفارغ الصبر..
بعد مدة قصيرة تحل لباب الحديدي مخلف صوت حاد مزعج.. و دخل كيضور عينيه على القاعة باستغراب من الزيارة لي ماكانش متوقعها ..
حتى استقرو عينيه عليه و ابتسامة عريضة ترسمات على شفايفو.. تسنى حتى تفكو قيودو و قرب منو بخطوات سريعة .. الفرحة تسللات على ملامح وجهو لي تبدلو بين يوم وليلة بان عليهم الاسى والحزن..
حسن: ولدي محمد
هز راسو فيه بدون ماينوض كيرمش فيه وكتعاود فودنو صدى كلمة "ولدي" ميل شفايفو بابتسامة ساخرة وحرك ليه راسو بالإيجاب
تقدم حسن كيرمش فيه مستغرب لي ماناضش سلم عليه.. جر لكرسي لي مقابل معاه وجلس كيشوف فيه محافظ على ابتسامة لعريضة
حسن: ماكنتش عارفك نتا لي جيتي تصدمت منين شفتك
هز حاجبو كيشوف فيه مدة طويلة عاد نطق ببرود..
سيمو: علاش شكون كنتي متوقع ؟
تنهد و تكا على لكرسي كيمشط فلحيتو باصابعو
حسن: حتا واحد جاتني فشكل يجي شي حد اصلا
نزل راسو كيحك فالضربة لي فحاجبو ورجع شاف فيها عاقد حجبانو
سيمو: لوليدات ماجاوش شافوك؟ العائلة؟
حرك راسو بالسلب والابتسامة لي كانت على شفاهو تحولات لتخنزيرة و غضب بان فنبرة صوتو
حسن: مابقاو عندي ولاد وعائلة
تقاد فالجلسة مكتي بضهرو على الكرسي وحاط رجل على رجل وركبتو على الطبلة مفطح قدامو مبرد لأقصى حد كيشوف فيه بملامح الجامدة
سيمو: علاش مالهم؟
حسن(بغضب وغل): لي سمحو فباهم لي كبرهم و رباهم وقراهم و ماخلاهم مخصوصين من مالو سمحو فيه فلوقت لي حتاجهم ماشي ولاد
تنهد بالجهد وتكا محيد القب كيخربق فشعرو وعينيه ماحيدوش من عليه
سيمو: وعرفتي علاش؟
حسن(هز حاجبو بتسائل): علاش
تشققات ابتسامة عريضة على شفايفو ونطق بصوت هادي مرتاح
سيمو: حيت حتا هي سمحو فيها واليديها بسبابك (تبسم ابتسامة انتصار وتقاد فبلاصتو مقرب منو كيضرب فالطبلة بصبعو) ونتا سمحو فيك ولادك (غمزو بضحيكة خفيفة) بسباب ولدها
حط يديه على الطبلة و قرب منو كيشوف فيه بنظرات مستغربة
حسن: نتا علامن كاتهضر؟
ميل راسو كيشوف فعينيه بنضرة عامرة حقد وكره
سيمو: تلفات ليك بين شحال من وحدة ضحكتي عليها؟
سرط ريقو بصدمة من الشوفة لي كيدير فيه و الهضرة لي سمع.. بعد كينحنح بارتباك وخوف من الافكار لي بداو كيطيحو فبالو...
حسن(بتلعتم): شكون نتا؟
رجع تقاد بنفس وضعيتو الاولى وزاد وسع ابتسامتو ونطق بهدوء
سيمو: ولدها
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
