⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 44____
جهينة فاش حسات بيه طول فالعناق هزات راسها فيه مبتاسمة بارتباك
جهينة: سيمو التمنية هادي راه تعطلت الى صونا بابا فالدار ومالقانيش غانسمع خل ودني
نزل راسو عندها وحركو بتفهم ... كيتصرف بالثقالة وهدوء الصدمة مزال مأثرة عليه ... جرها خارجين حتى كيبان ليه دري من العمال نازل كيعيط عليه ... حجبانو تقطبو وضار كيشوف فيه تاوصل عندو ...
سيمو: شكاين
الدري بمجرد ماشافو خنزر و خاصة بعدما شافو قبل طالع معصب ... مد ليه تليفونو ونزل راسو
_ اا سمحلي اخاي سكامبا راني غير لقيت تليفونك طايح لفوق وجبتو ليك
تنهد سيمو و طبطب على كتفو بهدوء ، شد منو التلفون بلاما يرد عليه وزاد جار معاه جهينة ... مورالو فهاد اللحظة نازل باغي غير امتى يبعد ويفكر براحتو فشنو خاصو يدير باش يبعدها على الخطر كيما دخلها ليه ...
ركبو فالموطور نيشان نزلها فالحي قريبة لدارهم ... طول الطريق كان ساكت وصايك بعقلو بحكم انه كان ساهي ومرفوع ... تسناها نزلات وشدها من يديها موقفها ... طلع الزاجة على عينيه وحنا براسو عندها كيشوف فيها بجدية ظاهرة على نبرتو لي فيها نوع من التحذير ...
سيمو: بقات ليك قل من سيمانة وغادوزي ياك (شافت فيه جهينة باستغراب وحركات ليه راسها بالابجاب) مزيان واسمعي نقولك ... انا عندي بلان ماغانساليش نحضيك ولكن عرفي عيني كاينين هنا فينما ضرتي (اشار ليها بيديه ناخية باب دارهم) شفتي نعرفك خرجتي على داك الباب رجليك يتقلعوو فهمتيها؟؟
جهينة طول هضرتو كانت كترمش فيه مافاهماش سبب تغيرو فالآوان الاخيرة بعد يوم كامل دوزوه زوين ...
حاولات تبسم رغم انها مامطمناش وحطات يديها فوق يدو لي شادها بيها وقربات منو اكثر كتشوف فعينيه مباشرة ... كأنها باغا تقرا السبب لي خلاه يعقد حجبانو ويرجع يحقد نظراتو ... هي ماشي غبية باش ماتنتابهش لكاع شنو طرا من اللحظة لي خلاها فالبيرو وخرج يرد على الاتصال لي جاه ...
جهينة: واقعات شي حاجة ملي كنا خارجين ياك؟
ركزات على نظراتو و عدد ترميشاتو بعد طرحها للسؤال ... الارتباك بان منين فك العقدة لي بين حجبانو وبدا يحاول يسيطر على غضبو
سيمو: لا ... احم ما واقع والو عندي شي خدمة خاص نقضيها فهاد السيمانة برا المدينة ونرجع
جهينة: كيفاش ؟ واش ماغاتكونش معايا نهار الوطني؟
سيمو عوج شفتو بعدم ادراك ... وبسرعة هي تنترات منو راجعة لور ومنزلة شفايفها بطفولية غاتبدا تبكي ...
جهينة: دابا جيتي حتال لثلثيام المهمة عندي و باغي ماغتكونش معايا فيهم؟
أنت تقرأ
⛓️🏹الـــمـــنـــــتـــقــــم 🏹⛓️
De Todo⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
