⛓️🏹الـــمـــنـــــتـــقــــم 🏹⛓️

____الجزء 13____

🍾المنتقم 🍾

           🚬أنا ابن الحرام، وفي روحي تشتعل شرارة الانتقام..💣
           🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣

            ____الجزء 13____

دوز يومو فداك الروتين حتى بدات كترخف الخدمة ويغادرو الدراري واحد ورا التاني وهو جالس فمكانو عين على تليفونو والباب وعين على الدروج كيتسنى يتسمع ليه صوت خطواتو لي فور ما سمعهم هز راسو جيهتو بنفس الابتسامة وهو كيشوف فيه كيقرب منو
رغم أنه كبر فالسن إلا أنه باقي شاد فراسو ملامحو ممثالة للشاب لي قدامو صارمة بحروفو السود لي غير مازادتو حدة لولا شحوب وجهو بالمرض والتجاعيد لي فجبيتو وجنب عينيه كان الكل غايضنو رجل ثلاثيني

وقف قدام سيمو لي وقف حتى هو وضرب على دراعو كيشوف فيه بنفس ابتسامتو الهادئة لي كتبان فور ماكيشوف وجهو البشوش وكأنو هو الوحيد لي كيلمس روحو بطريقة أو بأخرى كيحس برابط قوي بيناتهم مخليه ينجادب لشخصيتو لي كتفكرو فشبابو وكيعتابرو كواحد من ولادو لي كان كيتمنى ان واحد فيهم يشبهو لكن للأسف مالقا غير سيمو لي بسبب تصرفاتو القوية والمسؤولة لقا راسو فجأة حاط فيه ثقة كبيرة كيف لا وهو الشخص لي خرجو من بزاف دالمحنات بجدو واجتهادو وعملو الاحترافي لي ساعدو بيه حتى ولا كيعتابرو مصدر الربح لهاد المحل

    حسن: سير ترتاح اليوم تعطلتي هنا بزاف غدا تقدر ماتجيش الصباح رتاح فيه ولكن العشية ضروري تكون عندي شي غرض بغيتك تكون هنا

حرك ليه راسو بهدوء ورجع خطوة لور مبعد عليه مكره من القرب لي بيناتهم كيخنقو ونطق بنبرة جافة
   سيمو: كون هاني غدا مع لخمسة تلقاني هنا

حسن تبسم ليه وضار خارج بعدما تمنى ليه ليلة سعيدة وبدون مايرد عليه سيمو ضار كيتفحص المكان ويتأكد بلي كلشي هو هداك وعينيه ساهيين فالمكان غارق فدكرياتو وبالضبط فالنهار لي تقلبات فيه حياتو وبانو خباياها السوداء لي زادو طفاو روحو كتر ما كانت مطفية

______فــــلاش بـــــاكـــ_____

تفتحات بوابة الخيرية قدام شبابها ولأول مرة من اليوم لي دخلوها سواء رُضاع أو أطفال أو مراهقين اليوم جا يوم خروجهم من عالم مغلق لأخر مفتوح ماكيعرفو عليه والو من غير أنه صعب التعايش والتأقلم معاه إذا ماكانوش رجال.. وسط مجموعة من الشباب كان شاب من بينهم منعزل على نفسو داير كاسكيط فراسو وزايد القب مغطي نص وجهو لي كان باقي صافي من الجروح لي غايقدمهم ليه داك العالم المفتوح

قاد الصاكادو ديالو فكتفو وحنا راسو غادي فطريقو وجنبو جوج صحابو معاودين بيناتهم بينما هو غادي جنبهم غير ساهي وساكت دماغو عامر كيفكر بيه حتى وقفات قدامهم امراة كبيرة فالسن بتجاعيد خفاف فجبهتها دليل على شحال دوزات فالدنيا ،قاطعة طريقهم مزيرة على أطراف جلابتها بتوتر كاتسرط ريقها بتتابع و تنهد تنهيدات خافتة

_سمحو ليا نسولكم اوليداتي

هز راسو كيشوف فيها بهدوء وضور عينيه جهة واحد من صحابو لي تدخل وجاوبها

امين: مرحبا سولي اخالتي

شافت فيها كاترمش بسرعة خافية نظرات ارتباكها لي بان فنبرة صوتها

_محمد! كاتعرف سي دري بهاد سمية؟ حتا هو قالو ليا غايخرج ليوم