⛓️🏹الـــمـــنـــــتـــقــــم 🏹⛓️

____الجزء 1____

⛓️🏹الـــمـــنـــــتـــقــــم 🏹⛓️

           🚬أنا ابن الحرام، وفي روحي تشتعل شرارة الانتقام..💣
           🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣

            ____الجزء 1____

         فأحد الاحياء الشعبية لي كاتميز  بالفوضى وعدم الاهتمام ،اشياء  ولات أمر طبيعي والغوات كل ليلة ولا أمر مهم إلا عند القلة القليلة

         داخل احد المنازل لي معروف على ناسو الوقار وعمر صوت غواتهم تسمع لزنقة ،منزل مشبه بالجوهرة النادرة وسط زماننا المضطرب ،  عائلة هادئة متوازنة كأنها نبع الثبات فوسط الفوضى،
عائلة كتكون من أب وأم وبنت فعمر الزهور شابة كتشع بالطموح وعينيها عاد كيتحلو على الدنيا وتفهم خباياها تزادت فأسرة متكاملة أب متدين عارف بينو وبين لي خلقو وأم عطوفة كرسو حياتهم للإعتناء بثمرة حبهم عاطينها كل الاهتمام والعناية الكاملة

         شاءت الأقدار وفديك اليلة السوداء ولأول مرة تسمع صوت صراخ عالي صرخة هزات الدرب كامل وخلات لي ناعس يفيق.. وفايق ويتوكض.. كاع الجيران مركزين مع كل صوت صادر من ديك الدار، العيالات قصدو السراجم والرجال لي مجمعين فقهوة الدرب حبسو لعب ضامة وهزو راسهم جهة الدار بفضول

      فلحظة زاد صوت الغوات و تخلط  بصوت بكاء انثوي متألم كاع العينين توسعو معاه و هوما كيحضرو لاكتر المشهد الم و حزن ولأول مرة صادر من ديك الدار، لي تحل بابها وتلاح جسد هزيل قدام عتبة الدار

جسد البنت لي جات لديك الدار وحيات السعادة فقلبها  وفقلب أبوين عاشو سنين حرمان من الاطفال ،جسد طفلتهم لي جات ونوراتهم ،شاءت الاقدار و ترمى  قدام العتبة  فهاديك الليلة السوداء وسط نقاش حاد و مشهد مؤلم ، خلا كاع الجيران  يقربو من الدار بفضول باش يفهمو كتر

كان واقف قدام لباب الحاج علي رمز الوقار فهاد الزمن الملتهب ،خرج من باب منزلو هاز صبعو على البنت لي عمرو هز عليها يديه وعمرو رفع عليها صوتو

اليوم وقدام الملئ كسر قواعدو و  بصوتو العالي لي كيزعزع النفوس نطق بحدة خافي من مور نبرتو القاسية قلب اب متحطم و خيبة امل قوية
الحاج علي: من اليوم علي ماعندو بنت سميتها نورة من اليوم انا كنتبرى منك قدام الخلق لي غايشهد بلي بنتي ماتت ودفنتها ونتي ماكنعرفكش وعمرك ترجعي لهاد الدار حيت مابقات ليك بلاصة فيها

صوت شهقاتها زادو فحدتهم ،وبدات كاترعش بقوة و فقلبها الم قوي محطم كيانها الصعيف ،زحفات على ركابيها حتا وصلات حدا رجليه و تشبتات بيهم كانها متشبتة بأخر حبل نجاتها

استجمعات كلمات جملتها لي تقطعو بسبب شهقاتها و نطقات بنبرة محطمة باكية..

نورة: بابا ...عفاك ابابا غير سمعني (ببكاء هستيري) حتا انا ماكانش بيدي ...كلشي طرا بزز مني ابابا ...خبيت عليكم حيت خفت...خفت منك و من هادشي لي انا فيه دابا...(بترجي) عفاك ابابا .... ماتخلينيش بوحدي نواجه هادشي راسي ...ماغانقدرش ولفتك تدافع عليا بلا بيك ماغانقدرش عفاك...(بخوف) ليل ابابا غايكونو بحالو فالزنقة يقدر نعاود نتلاقاه و يعاود يدير لي دار غير خبيني عندك (بضعف) خايفة بزاف