⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 29____
بعد على الطبلة بسرعة حال عينيه على مصرعهم بدون ما يرمش
حسن (بصدمة): ك... كيفاش...
ضرب بصبعو على الطبلة كيشوف فيه مبرد ..
سيمو: عرفتيها بعدا ؟
حرك راسو بالايجاب ببطئ كيفاش لا و هو كيشوف فنفس العينين لي تغرم بيهم قبل اكتر من 20 عام ، سرط ريقو بقوة و دماغو فشل فالاستعاب
حسن: هي!! ن...نو..رة (تنفس بعمق) تزوجات ؟
عض على باطن حنكو كيضبط اعصابو وحرك راسو بالسلب بدون ماينطق بكلمة
حسن حط يديه على صدايف القاميجة الاولين كايحلهم بيديه لي كيرعشو بطريق ملحوظة
حسن(بنبرة ضعيفة): و كيفاش ولدها؟
هز سيمو حاجبو كيرمش فيه مبتاسم بغرابة من الغباء لي نزل عليه..
سيمو: نسولك نتا
حسن حبس حركة يدين لي كان كيحل بيها الصدايف.. و رجع بيه الزمن لاخر مرة شافها فيها.. صوت غواتها كيتسمع فودنو بوضوح صوتها لي كان مدمن عليه كيطلبو انه يبعد و مايتهورش.. كان وحش ادمي متحكمة فين غرائزو .. كيشوفها فقط كجسد و فريسة خاص يفتارسها .. رغم بكائها و نحيبها .. خطط جسدها بقبلاتو و اختارق حصونها بلا رضاها و خلاها كاتبكي على شرفها.. بينما هو كانت على شفاهو ابتسامة انتصار من انجازو الدنيئ
رجع للوقت الحالي كيشوف فنسخة منو و منها.. جالس قدامو ولدها لي على ما فهم بلي ولدو حتا هو .. طفل لي جا نتيجة اعتدائو على لبنت لي كان باغيها ليه قلبو .. دوز يديه على عنقو لاقي صعوبة فالتنفس و نطق بنبرة ضعيفة متسائل بيها..
حسن: ولدي؟.. نتا ولدي ياك
تنهد سيمو حرك راسو بالسلب بسرعة حاط سبابتو على شفايفو مخنزر فيه بحدة
سيمو: ششش ماتوسخنيش باقي بهاد الكلمة منك انا ولدها هي بوحدها
حط حسن يديه على قلبو لي زاد فدقاتو بمعدل غير مألوف بحكم انه كيعاني بمرض فالقلب
حسن(بغصة): فين هي ؟ فين نورة ؟
سيمو خدا نفس طويل وغمض عينيه مزير عليهم عاد زفر بالجهد كيضبط اعصابو عاد شاف فيه بنفس نضراتو النارية مع ملامح مكسورة كيبانو كل ما تدكرات فشي حديث
سيمو: الله يرحمها
وجه حسن هرب منو لون.. شفاهو بياضو كيرعشو بقوة .. طنين قوي تسمع فودنيه دليل على الطونسو لي هبط ليه بسبب الصدمات لمتتالية لي استقبل فوقت وجيز.. عينيه حمارو و تضغط فيهم الدم و بان عرق بارز جنب جبهتو بوضوح..
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
