🍾المنتقم 🍾
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 10____
عوجات شفايفها كاتزفر النفس بالجهد و شافت فيه بنظرة حزينة
جهينة:سيمو راه كانبان بحالا انا لي تابعاك و نتا مامسوقش
ميل راسو بهدوء كيرمش فيها مبرد ونطق بنبرة هادئة
سيمو: جاتك تاني الحالة؟
نزلات راسها للارض كاترمش بسرعة باش ماتنزلش دموعها
جهينة(بصوت مخنوق): واخا سمح ليا
وقف وضار عندها واقف قدامها منزل راسو لعند وجها تبسم بطرف شفاهو ونطق بهدوء محاول ينقص من حدة صوتو
سيمو: شبالك بلاش ماتمشي هاد العشية نضربو ضورة بالموطور؟
شافت فيه كاترمش بهدوء وابتاسمات وسط حزنها و حركات راسها بالايجاب
جهينة: اه اصلا توحشتك
حط يديه على رقبتها من لور وجرها زادح ليها راسها مع صدرو كيضحك على برائتها
سيمو: لديلمك غاتهبليني غاتخرجيلي عقلي وتخليني كنشير بالحجر فلخر
ضورات يديها على كرشو معنقاه وبلاما تحس فلتات ليها الضحكة فاش سمعاتو كيضحك
جهينة: صافي نمشي نبدل و نمشيو
خشا راسو فعنقها طبع قبلة خفيفة تحت ادنها وجر ليها لحمة ادنها بعضة خفيفة مغمض عينيه ومستحلي ريحتها لي كيحس بمفعولها مماثل لسفة من جوانو، تنهد فعنقها مخلي انفاسو الحارة تحرق بشرتها الناعمة ونطق بهمس
سيمو: بلاش نمشيو نيشان
غمضات عينيها مسترخية بين يديه لعراض وهمهمات بخفوت غير كترمش بعينيها بصدمة وكأنها ملقى عليها أحد التعاويد السحرية
جهينة: واخا
بعد راسو كيشوف فيها بعينيه لي تعسلو غير بريحتها ،حيد التجاكيط ديالو وحطها على كتافها كيلبسها ليها بحال شي طفلة صغيرة
سيمو: هاد المرة دازت المرة الجايا ماغانتساهلش معاك (هز فيها عينيه بنضرة حادة) مفاهمين؟
جهينة: مفاهمين (بنبرة خافتة) مانعاودش
قرصها فأرنبة نيفها بلطف وجرها راجعين معنقها
سيمو: لا غير عاودي وشوفي واش باقي غاتلقاي باش تخرجي
تخشات فحضنو كتر كاتشوف فنظرات الناس لموجهين ليهم
جهينة(بنبرة خافتة): علاش كيشوفو فينا هاكا؟
هز عينيه فالناس مخنزر وتلقائيا كاع لي كانو كيشوفو فيهم قلبو عينيهم قالبين معاهم حتى الطريق هاربين منو وهو نطق مبرد
سيمو: سخاو بعينيهم ألعمر
عضات على شفايفها كاضحك على ملامح الناس وهوما هاربين من قدامو ومرتاحة بالاحساس دالامان لي كتحس بيه وهي حداه كأنها جنب باباها
جهينة: فين نمشيو ؟
وقف قدام باب دارو وزاد جهة الموطور لي جنب الباب كيفك ليه السنسلة باش رابطو
سيمو: فينما بغات جهنامة ديالي نمشيو
تكات على لبوطو ساهية فيه باعجاب واضح من نظراتها
جهينة: ماكتهمش لبلاصة لمهم ندوز معاك لوقت
هز راسو فيها بعدما فك السنسلة ومد يديه جارها من خصرها تاتزدح راسها مع صدرو ونزل راسو عندها ضاحك حتى بانت حفرة صغيرة فخدو الايمن
سيمو: ها جهنامة لي كنعرف داك التمسكين لي درتي قبيلة ماكيجيش معاك
هزات راسها فيه ضاحكة كاشفة على سنيناتها لبيضين
جهينة: شوية دلفشوش و صافي
شدها من خصرها بيديه بجوج وحطها فوق الموطور واقف بين رجليها وميل راسو جار شفتها السفلية بعضة مغزفة
سيمو(ضاحك): تفششي لحسك جات معاك
حطات يديها على شفتها كاتحسسها وضحك بالحس
جهينة:شكون بحالب كانتفشش على سكامبا كلو وهاز ليا هبالي
ركب قدامها ضاحك وكسيرا باقصى سرعة خارج من الحومة والسبان تابعو بسبب الخلعة لي مركبها فيهم بصوكانو الحمق
أنت تقرأ
⛓️🏹الـــمـــنـــــتـــقــــم 🏹⛓️
Acak⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
