⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 4____
🍂بــعــد خــمــس أشــــهـــر🍂
تحل باب الدار و دخلات منو محملة بساشيات كتيرة ،لابسة كسوة دلحوامل فلغوز طويلة و بوندو فنفس اللون جامعة بيه خصلاتها السود الأمامية
وجهها كان عمر على قبل وحناكها مزنكين ومهزوزين بالابتسامة عريضة لي مزينة شفايفها رغم عينيها لي طافيين
نورة(بصوت عالي): رجوى فينك
هاد الأخيرة كانت خارجة من بيتها منزلة راسها على التليفون وغير سمعات صوتها قربات جهة الباب وهي تبان ليها داخلة تبسمات ليها فورا وقربات بسرعة كتهز عليها الساشيات
رجوى: هايهاي الناس ولاو يخرجو يتقضاو بلا بيا
جلسات على لكرسي لي حدا لباب كاتحيد فسبرديلتها بسبب كرشها لي مكورة قدامها
نورة: كنت خارجة من لخدمة و قلت ناخد لولدي شي حاجات
رجوى(بنبرة مرحة): غاتولي تجيني لغيرة من هاد ولدك أنا
هزات كتافها كاضحك و حطات يديها على كرشها كاتحسسها بحنان
نورة(بنبرة دافئة): ولدي حبيبي هدا حياتي نعطيها ليه(شافت فيها) كانتسنى غير وقتاش نشدو فيدي و نشوف فعويناتو (تنهدات بحزن) و نديه عند ماما و بابا على الله يشوفوه و يسمحو ليا
جلسات قفازي قدامها حاطة يديها على كرشها كدوز عليها بحنية
رجوى: غايسمحو ليك انا متأكدة
حركات راسها بالايجاب مبتاسمة بانكسار
نورة: انشاء الله (ضحكات بحماس) عرفتي خديت واحد لحوايج غايجيوه زوينين
وقفات شادة الساشيات فيد ومدات ليها يديها التانية
رجوى: نوضي لداخل باش نشوفهم
شدات فيديها ووقفات شادة على كرشها
نورة: غانسميه محمد(شافت فيها) غانسمي ولدي محمد
رجوى(باعجاب): سمية زوينة باينة غاتكون بحال مولاها
حركات راسها بالايجاب كاضحك ضحكة خفيفة
نورة: اه ولدي غايكون راجل
جراتها لصالون جلسو وحطات الساشيات فالأرض كتشوف فضحكتها الحماسية مبتاسمة براحة لي قدرات تخرج شوية من كئابتها
رجوى: وغايكون كيبغيك وفخوور بيك
تنهدات بالجهد و جرات عندها الساشيات كاتجبد منهم لحوايج
نورة:(بنبرة منكسرة) انشاء الله
تكات براسها على الحيط كتشوف فشنو كتجبد قارنة حواجبها بإستغراب
رجوى: هادشي صغيور بزاف (شافت فيها) غايجي قدو زعما؟
تبسمات ليها وشدات بين يديها لبسة صغيرة كادوز عليها اصابعها بحدر
نورة: غايكون صغير قد هاكا (شافت فيها) تحمست ارجوى بغيتو دابا
رجوى شافت فيها هازة حجبانها واخا عيات تحبس الضحكة و فلتات ليها
رجوى: سحابلك راك مكوموندياه!! صبري خلي دري يكبر بقات 3 شهر دغيا دوز
تكات على لمخدة حاكة يديها على كرشها كاتلمسها بحنان
نورة: همم دغيا دغيا
شدات دوك الحوايج كتجمعهم وشافت فيها
رجوى: غاتكوني عييتي تكاي بينما حطيت لغدا بقيت كنتسناك تاتجي
نورة(كاتفوه وتهضر): فيا لموت ديال نعاس وليت اصلا هاد لمدة كانعرف نعس و كول
وقفات كتكسل غادة باتجاه الكوزينة
رجوى: بصحتك هداك غير سي محمد كيتفشش من دابا
نعسات على ضهرها و غمضات عينيها بتعب
نورة: غير شوية و فيقيني صافي؟
حركات راسها بالايجاب ودخلات لكوزينة كتسخن لغدا وجلسات ترتاح بينما طاب الغدا ورتاحت نورة
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
