⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 39____
شاف فيها سيمو مخنزر تخنزيرة بلكاد باينة و جرها من خدها بقرصة خفيفة
سيمو: غاتبقاي حتا تمو.تي ليا بسباب هاد الوطني (غمزها) اش مشهية ليا جهنامتي
ضحكات ضحكة خفيفة وشداتو فيديه كتلعب بالكورميط لي فمعصم يدو.. و ميلات راسها معاه عاضة على لسانها كتفكر
جهينة: ماعرفتش ولكن حاسة براسي مشهية شي حاجة مالحة وفيها الفروماج بزااف (ضحكات كتشوف فيه) تشهييتو
حرك راسو بهدوء مبتاسم ليها كتعجبو فاش كتكون كتفشش عليه كيحسها نسخة من طفولتو فاش كان كيبغي علامن يتفشش و ماكيلقاش.. ومن اللحظة لي تلاقاها حسها مسؤوليتو خاصة وانه عارف بعدها على باباها بسبب خدمتو لي برا المدينة الشي لي كيخليها نقص كبير بداخلها، وهو بدورو كيحاول يعوض مكانو ولو شوية بالطريقة الصحيحة حيت ماباغيش يخسر اهم حاجة فحياتو ولي هي ضحكتها ووجودها معاه..
كوموندا ليهم لغدا واخد باعتبار شنو تشهات.. رما تيليفونو حداه و شاف فيه كيتامل ملامحها بعشق مفضوح مامحاولش يخبيه عليها..
سيمو: تعديتي على راسك بلبكا ماكيجيش معاك فخبارك؟
ضارت عندو بعدما كانت كتشوف فالسرجم ساهية.. حركات كتافها كتنهد وحزنات ملامحها فور ما رجع فكرها فالموضوع
جهينة: وراه كيعصبوني فينما يشوفني كنرتاح كيندموني
سيمو: بقاي تهربي عندي ورتاحي فخاطرك (اشار لشكارتها) ولكن دابا وريني شنو هادشي مبكيك ليا
كحزات بالكرسي لعندو باستو فخدو.. وبعدات بسرعة كتحل فشكارتها وبدات كتجبد أدواتها وتحط قدامو تاعمرات ليه البيرو بالوراق لي جامعة دالملخصات والوطنيات والتجربيات
جهينة: شووف شحال دالوراق وشحاال ديال الروينة فلخر يقولو ليا ماكتخدميش
سيمو(قرب للطبلة كيشوف معاها بتركيز): حيت ابنتي ماكاتخدميش بلعقل و لكن كاتخدمي بجهدك (شاف فيها) نقصي الجهد و خدمي العقل و شوفي كيفاش غاتسالي دغيا و بلا ماتعياي
قلبات عينيها كتنهد بملل من نفس الهضرة لب كيقول ليها ورجعات بلور كتشوف فيه
جهينة: همم ماعرفت شكون لي كخدم هادشي جهدي ولا عقلي
سيمو(بهدوء): جهدك
ضرباتو لدراعو كتغبن بينما هو كيحرك راسو بلاحولة كيفكر مع راسو امتى غاتكبر .. مد يديه جر من الوراق البويض لي عندها حطهم قدامو
سيمو: (اشار ليها بيديه) قربي هنا
أنت تقرأ
⛓️🏹الـــمـــنـــــتـــقــــم 🏹⛓️
Diversos⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
