⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 6____
رجعات لقابلة شداتو من عندها كاتنظفو باحترافية نشفاتو بفوطتو و لبساتو حوايجو و مداتو لرجوى
القابلة: انا ابنتي عندي شلا عيالات كيتسناو نوبتهم نوضي صحيبتك ترضع ولدها
شداتو من عندها كتشوف فنورة بملامح متأسفة
رجوى: واخا بلاتي شوية ترتاح ونفيقها ترضعو مسكينة عيات
حطات يديها على ركابيها ووقفات بصعوبة كاشفة على انحناء ضهرها لي كان دليل على حمل الحياة التقيل لي هزات لوحدها
القابلة : انشاءالله ابنتي ،دوزي بخير
قادات زيفها و خرجات من الدار كاتمتم ببعض الايات القرانية
رجوى تنهدات بأسف وقربات متكية جنب نورة وحاطة الطفل وسطهم عين عليه وعين على نورة لي فور مابدا يشحاب لونها كتر من الأول قربات منها كضرب ضربات خفاف على خدها
رجوى: نورة! فيقي اختي توكضي رضعي الولد ورجعي تنعسي
مع آخر صفعة مال راس نورة لجنب بطريقة خلات قلب رجوى يرعش بالخوف ودقات قلبها يفقدو استقرارهم فتحات شفايفها ناطقة اسمها بنبرة ضعييفة وعينيها على صدرها لي ومتوقفة حركتو
سرطات الريق بصعوبة كتحرك راسها بالسلب رافضة تقبل فكرة أن رفيقة عمرها غادراتها ،تلقائيا نزلو دموعها بحسرة
رجوى(بصوت متقطع و بحرقة): لا..انورة لا اختي لا ماديريهاش ماتخليهش وتمشي ماضيعيهش هاكا انورة لمن غاتخليه أنورة شكون غايحن فيه من بعدك
شافت فالرضيع لي عاد مازاد صوت بكائو حدة ، و رجعات كانشوف فنورة حطات يديها بجوج على دراعها كاتحركها بشوية
رجوى (بنبرة باكية): شوفي ولدك كيبكي بغا ماماه بغاك ننب اختي فيقي (شهقات) عارفاك عييتي و تمحنتي ماشي هاكا خاص تكون نهايتك ،(بحرقة) ياك كنتي باغا غير تولدي و ترجعي عند واليديك كنتي كلتصحكي و تقولي غير غايشوفو ولدي غايفرحو و يسمحو ليا فيقي باس نمشيو غايكونو توحشتوك
حركة يديها ولات اقوة كاتنفضهل بعنف محاولة انها تفيقها ،ما ان استوعب عقلها ان رفيقة دربها طلعات روحها عند خالقها غوتات بالجهد سادة على راسها كاتحركو بالسلب
نجوى: لا لا لا فيقي فيقي
صوت بكاءها ولا عالي كاتغوت بالا و تحرك راسها بهستيرية مامايقاش شنو طاري كاتصرفق و ضرب فراسها كانها هي سبب صاحبتها لي ماتت و هي مزال شابة فعمر الزهور ، وردة وصل وقت تفتحها الا انها دبلات فمرة
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
