⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 30____
حسن(بصدمة): لا ...لا ميمكنش..ميمكنش نورة تموت (بلغوات) هادشي لي كاتقول غير كدوب نتا ماشي ولدها ولا ولدي نتا غير كداب نورة ماماتتش هي مزوجة و عايشة حياتها مع راجلها علاش كاتكدب
ميل سيمو راسو وبقا كيشوف فيه مدة عاد حرك راسو بالسلب نافي هضرتو كيزيد يعدبو بسكاتو عاد نطق مصانع البرود
سيمو: هي ماتت فليلة لي ولداتني فيها قبل 22 عام (بابتسامة خفيفة مريرة) عقبالك
تخبطان الطبلة بقوة من طرف حسن و وقف بسرعة حتا كان غايطيح، شد على راسو كيحركو بالسلب و الم قلبو عاد ماكيزيد
حسن(بنرة عالية): سكت...سكت باراكا من لكدوب
بقا كيغوت ومحمد حاضيه مهدن حتى فجأة وبدون سابق انذار شاف فيه حسن بغضب واصل لأقصى درجات غضبو.. و قرب منو بسرعة شانق عليه مغزف كيغوت فوجهو حتا تبح صوتو
حسن: شكون سيييفطك ليا هممم شكون سيفطك
زفر النفس سيمو بالجهد مخنزر و هز يدو بشوية نتر ليه يديه حتى رجع جوج خطوات لور.. و وقف دافعو من كتفو حتى تزدح جالس فكرسيه.. بقا كيدوز يدو على وجهو وتحنى عندو حاط يد على الطبلة ويد على الكرسي لي جالس فيه حسن
سيمو: علاش!.. علاش تعديتي عليها؟ و عدبتيها؟
عقد حزاجبو كيشوف فيه كيفاش شد على قلبو كيتنفس بصعوبة بالغة.. عارفو مريض وماهاموش بالمرة.. بينما حسن كان كيصارع انفاسو باش يهضر معاه وبلا مايزحزح عليه عينيه نطق بضعف و غل خازنو لسنين فقلبو..
حسن (بضعف): ماماك كنت كانبغيها ...ناوي معاها لحلال و لكن هي سباب!! (غمض عينيه كيتدكر دكرياتو معاها.. ورجع شاف فيه محقد عينيه) هي سباب فكلشي (ضاغط على لحروف بعصبية) قلت ليها نتزوجو مابغاتش قلت ليها نخطبك مابغاتش مابغاتش تولي ليا بلخاطر (ضحك بخبث ) و درت لي درت باش ماتولي لحتا واحد من غيري
سيمون ماحسش براسو حتى جمع قبضة قوية و وجها ليه ضاربو ببكوس قوية لعينو حتى مال راسو لجنب.. وتحنى عندو شادو من لكول ديالو كينخضو مع ضهر الكرسي بالجهد مامسوقش لألمو و احتضارو بين يديه
سيمو: وشكوون نتا؟ شكوون؟؟؟ شنو كايحساب ليك راسك؟
ماطلقو حتى حس بيه غايسخف بين يديه ورجع جلس فبلاصتو كيتنهد مخليه كيرجع النفس..
بعد مدة استرجع فيها حسن انفاسو وتدارك آلمو عاد شاف فيه بحقد سااخط..
حسن: نتا لي شكون سحاب ليك راسك.. راه تعفر حتا تعفر كانبقا انا هو باك لي اغتاصب مك بزز منها و ولداتك نتا (ضحك باستهزاء) ولكن شكانتسنى من ولد لحرام من غير يكون مسخوط واليديه
أنت تقرأ
⛓️🏹الـــمـــنـــــتـــقــــم 🏹⛓️
Random⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
