⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 41____
تبسم سيمو و حط لوراق فالمجر باش كايتخلطوش مع وراقها.. وبدا كيجمع ليها فوراقها عاد حط ليها الساشيات قدامها ..
سيمو: كولي هو لول و كملي
تبسمات ليه و بدات كتجبد فالبواطات وتحط قدامها عاضة فشفايفها بحماس من الريحة
جهينة: أجي كول معايا حتى نتا
سيمو(بهدوء): غير كولي أحبيبتي
جهينة حبسات حركة يديها وهزات فيه عينيها كترمش مشوكية من شنو سمعات.. تشققات على شفايفها ابتسامة بلهاء ونطقات بصوت غالباه الصدمة..
جهينة: هاا! شنو قلتي؟
سيمو: شنو قلت؟
وقفات مقربة عندو بنفس الملامح الصدمة.. بدا سيمو راجع بلور تاجلس فكرسيه كيشوف فيها مستغرب وهي وقفات قدامو حطات يديها على جبهتو كتحسسها بشوية..
جهينة: كميتي ولا شربتي شي حاجة اسيمو ياك؟ مابغيتيش تقطع داك السم.. همم (ضيقات فيه عينيها) ولا ياكما مريض وجيت مصدعاك؟
هز راسو فيها كيرمش باستغراب و شد فيديها كيبعدها على وجهو وهي كترجع ديرها
سيمو(خنزر فيها مديرونجي): ياك لاباس مالنا!؟ شنو كاين؟
حبسات الحركة وضارت جرات الكرسي ورجعات جلسات حداه كتشوف فيه مخلوعة
جهينة: قلتي ليا واحد الحاجة يمكن ماسمعتيهاش ماعرفتش ولا يمكن انا لي سمعت غلط
سيمو: لي هو؟!
رمشات فيه بعينيها حابسة الضحكة ونطقات بنبرة خافتة باقا مامتيقاش
جهينة: قلتي ليا حبيبتي!!
سيمو( هز عينيه فيها و رجع نزلهم كيجبد وراق خدمتو): همم
ميلات راسها كتشوف وشدات على كتافو كتحركو بشوية باش تاخد اهتمامو من جديد بينما هو مصطانع اللامبالاة
جهينة: واش قلتيها ؟ ياك سمعت بصح؟
سيمو(شاف فيها مطولا و حرك راسو بالايجاب): مابغيتيش نقولها؟
نقزات بسرعة كتغوت ضاحكة ورجعات جلسات معنقاه بالجنب كضحك
جهينة: ناااري مامتيقاش سكامباا كولو ولا رووومانسي على ودي
ضور يديها على خصرها و جرها مجلسها على رجليه مبتاسم بهدوء
سيمو:سيمو لي رومانسي اما سكامبا راه بلا قلب اجهنامتي
جهينة(عنقاتو كضحك فرحانة): فخبارك كنموت عليك انا
سيمو:حتا انا (طل عليها) مابقاش فيك الجوع ولا كيفاش
بعدات راسها كتشوف فيه بلاما طلق منو وحركات راسها بالسلب
جهينة: لا باقي فيا ولكن موحشاك بزاف (قلبات شفايفها بطفولية) وليتي كتخوني مع الخدمة
جر ليها شفتها السفلية ببوسة خفيفة وبعد راسو كيضحك
سيمو: سمحيلي احبيبتي
تبسمات بخجل حتى توردو خدودها وضارت كتاكل وتوكلو معاها بينما هو رجع مركز فخدمتو حتى كملات وجمعات الماكلة لاحتها ورجعات جلسات فبلاصتها كتكمل الوطني لي بدات عاطياه كاع تركيزها
أنت تقرأ
⛓️🏹الـــمـــنـــــتـــقــــم 🏹⛓️
Acak⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
