⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 45____
هز حاجبو كيشوف فيها مستغرب ونزل رجلو الارض مايل بالموطور باش يقرب منها ... و علا راسو فيها و مد ليها يديه باش تقرب منو ...
سيمو: اجي لهنا را مزال ماساليناش الهضرة
جهينة(حركات كتافها قالبة عليه وجهها): ساليتها انا ... صافي سير سير لخدمتك لي حسن مني اصلا شكون انا
سيمو عض على شفتو حابس الضحكة ونطق بنبرة خافتة كيما موالف يعيط ليها بلقبها
سيمو: جهنامة ديال سكامبا (هزات عينيها فيه ورجعات قلباتهم مخنزرة) واصافي دابا يله اجي هنا عطيني بوستي باش نمشي ...
ساطت النفس بين شفايفها بقوة ... ورجعات كتشوف فيه مغوبشة والدموع واقفين عند جفونها ...
جهينة: و غاتكون معايا ياك ؟ عفاك اسيمو غير النهار اللول ورجع الا كانت الخدمة مزيرة عندك
سيمو (تنهد واشار ليها بعينيه ليدو لي مخلياها ليه ممدودة) : تجي ولا نمشي بحالي انا دابا؟
بقات كتشوف فيه مدة وقربات منو بلاما تشد تاوصلات قدامو وحاوطاتو معنقاه حاطة راسها على صدرو بلاما تقول والو ...
تسمعات ضحكة خفيفة من طرفو وعنقها تاهو كيطبطب على ضهرها بحنان ، حتى سمع صوت تخنصيصها ... قطب حجبانو بقلق وميل راسو كيطل عليها
سيمو: وااالا بلا دموع دابا غاتندميني لي قلتها ليك فاص ... واصافي اجهينة !
جهينة زادت زيرات على التجاكيط ديالو وميلات راسها كتخبع وجهها فصدرو ودموعها كاع تمسحو فيه ... ونطقات بصوت باكي نبرتها مغنغنة بالبكا
جهينة: همم بعد مني ... ماتهضرش معايا
حرك راسو بلاحولة كيضحك رغم انه ماكيحملش يشوف دموعها الا ان كلامها وطريقة تعبيرها ضحكوه ... باسها فراسها وزاد ضمها لحضنو مخليها تبكي على راحتها
سيمو: واخا الالة هانا مبعد منك بقاي نتي على خاطرك
همهمات بخفوت وعلات فيه راسها كتشمر بنيفها و وجها كلو مجخلط بالدموع ...
سيمو : وليتي بكاية بلا قياس !! (مع كمل جملتو حس بضربة فجنبو من طرفها) اوو العن.ف لا
شدها من يديها باش ضرباتو وبعدها عليه كيمسح ليها دموعها باليد التانية
سيمو: صافي دابا هنينا مسحي دموعك ودخلي لداركم بلاما تخلعي ماماك عاوتاني
جهينة تنهدات مستسلمة للأمر الواقع عارفة واخا تباب كتبكي عليه غايمشي ويخليها فالاخير ... بقات كتشوف فيه بين شفارها ونطقات بصوت خافت مبحوح بالبكا
جهينة: واعدني بلي غاتبقا تصونيلي وتفكرني
حرك ليها راسو ببطئ وهي زادت خطوة عندو معلية على صباع رجليها طبعات قبلة صغيرة فخدو وبعدات كتقاد شكارتها فكتافها ، بينما هو بقا كيرمش فيها ويديه على البلاصة فين باستو
سيمو: شنو هادي دابا
جهينة(شافت بابتسامة خفيفة ): نص بوسة والا جيتي نهار الوطني غانعطيها ليك كاملة
هز حاجبو كيرمش فيها وهي دارت ليه بايباي بيديها وزادت كتزرب فاتجاه دارهم مخلياه موراها كيضحك حتى دخلات هي عاد رجعو ملامحو تجمعو وتمسحات ابتسامتو.. حجبانو تقطبو وبان الغضب لي كان كاتمو فوجودها تقاد فوق الموطور و ديمارا مكسيريي بأقصى سرعتو راجع للمحل ... ماناويش يرف ليه الجفن حتى يحل المشكل لي عندو مع المتصل ...
أنت تقرأ
⛓️🏹الـــمـــنـــــتـــقــــم 🏹⛓️
De Todo⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
