⛓️🏹الـــمـــنـــــتـــقــــم 🏹⛓️

____الجزء 34____

⛓️🏹الـــمـــنـــــتـــقــــم 🏹⛓️

           🚬أنا ابن الحرام، وفي روحي تشتعل شرارة الانتقام..💣
           🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣

            ____الجزء 34____

سيمو(بضعف): كنت محتاجها بزااف.. وباقي!  علاش مشات وخلاتني؟

خدا نفس طوييل تا تنفخ صدرو وعاود طلقو سامح لدموع ضعفو ينهامرو فوق خدو حتى اختفاو وسط لحيتو .. مدات جهينة يديها كتمسح فدموعو مخلياه يخرج كاع شنو ضارو و يرتاح مفضلة يضعف مية مرة حداها ويبقى وااقف قدام اي واحد بغا يستقوا عليه..

سيمو: تخيلي ماعندي معاها حتا دكرى كون ما تصاور مانعرفهاش حتا كيف دايرة فوجهها (بغصة) شكون قال منين كانكبرو ماغانبقاوش محتاجين مواتنا.. انا بعدا كنت وباقي محتاجاها اجهينة بزااف

تبسمات ليه بحب وتحنات باستو فخدو وعنقاتو مزيرة عليه كتهضر فعنقو..

جهينة: الله يرحمها عمرها تقاضا ولكن كل ماحسيتي براسك توحشتيها ومحتاجها سير لقبرها عارفة ماشي بحال وهب معاك ولكن على الاقل غاترتاح فاش غاتمشي عندها احبيبي.. مةتحرمش راسك حتى من البلاصة فين هي مرتاحة!  سرطات الريق بصعوبة وعضات على شفايفها كتحبس صوت شهقاتها) عارفة واخا نقول لي قلت ماغانخففش عليك ولكن راه ماقدامك حتى حل من غير أنك تبقى تزورها وأنا متأكدة غاترتاح بزااف

حرك راسو بالسلب وضور يديه عليها معنقها بدورو..

سيمو: ماكافيش اجهينة والله ماكافي عييت نبين بلي راني قاصح ولكن راني مقصح

بعدات راسها عليه و هزات يديها كتمسح فدموعها لي مابغاوش يحبسو طالما هو هكاك محطم قدامها

جهينة: عارفاك مقصح ولكن كنتيق فيك كيما صبرتي هاد السنين كاملة باقي غاتصبر وهاد المرة حداك ناس كيبغيوك.. كاينين واليدين ماماك، و خالتي رجوى، وأنا! ديما غانكونو معاك ماغاتكونش بوحدك خاصك غير تصبر وتدعي مع ماماك بالرحمة وتنسا لي فات احبيبي

طلق منها كيدوز يديه على وجهو ورجع بلور على ضهرو مقابل مع السما كيشمر بنيفو باقي خانقاه الغصة..  كيتمسعو منو حتى صوت تنهيداتو لي غاديا وكتعلى موضحة حملو الثقيل..

جهينة رجعات شدات فيديه مشابكة صباعهم ونزلات راسها مكتافية بالبكاء وصوت تخنصيصها مسموع، مخلياه حتى هو ياخد راحتو ويخوي شنو فقلبو باش مايبقاش غير كيخبي عندو لداخل ويمثل القوة

سيمو(بغصة): الله يرحمها

غطا عينيه بدراعو مخبي دموعو لي اول مرة سمح ليهم ينزلو من طفولتو ، كلام باه عاد مازاد حطمو و خلا كاع اوجاعو لي حاول يدفنهم يرجعو يحياو ويبكي عليهم بحال شي طفل صغير تالف ومالاقيش شكون يآويه بثقل أحزانو