⛓️🏹الـــمـــنـــــتـــقــــم 🏹⛓️

____الجزء 16____

🍾 المنتقم 🍾

           🚬أنا ابن الحرام، وفي روحي تشتعل شرارة الانتقام..💣
           🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣

            ____الجزء 16____

رمش فيها بعيون لامعة بلمعة دموع لي حابسهم من النزول تنهد بصوت خافت وحرك راسو بتفهم

سيمو: الله يرحمها (عقد حجبانو فور ماتفكر شي حاجة ونطق بتساؤل) ولكن علاش واليديها ماسولوش فيها؟ هوما ماعارفينش بلي راها ماتت؟

حركات راسها بالسلب كاتشوف فيه باسف

رجوى: تبراو منها فمرة خلاوها مسكينة معدبة بوحدها خدمات بزاف دلخدامي باش توفر ليك عيشة زوينة (تنهدات) مسكينة بحالا كانت حاسة غاطرا ليها شي حاجة (حلات صاكها و جبدات منو كارط بونكير و مداتها ليه) كاع لفلوس لي كانت كاتربح من لخدامي لي خدمات كانت كاتجمهم هنا كانت فنيتها دير بيهم السبوع و لكن ماكتابش ماتقاستش منهم حتا درهم هادوك فلوسك نتا و نتا لي من حقك تصرفهم

نزل راسو كيشوف فلاكارط ورجع شاف فيها بهدوء
سيمو: وعلاش ماعلمتيش واليديها نتي؟ علاش سكتي؟

ضحكات ضحكة مريرة و نزلات راسها كاتنهد
رجوى: نورة نهار ماتت كنت معاها و منين جاو لبوليس تاهمومي بلي عندي يد فأنها ماتت و دخلت لحبس باطل (شافت فيه) حتا انا عاد خرجت بعفو ملكي اما كوم راني مت تما

بلع الريق بقوة حتى تهزات تفاحة ادم لي فعنقو بعنف وحرك راسو بتفهم
سيمو: على سلامتك

ابتاسمات بدفئ و دفعات لكارط بونكير لقدامو
رجوى: انا غانعطيك لادريس ديال جدودك و حتا ديال باك ادا بغيتي تعرفو و حتا قبر ماماك فين جا ،انا غانمشي نسكن فدار مي و نتا غانعطيك سوارت داري سكن فيها ،عارفاك عاد خرجتي و ماعندك فين تمشي ماناوياش نخلي ولد ختي يتشرد

شد لكارط كيلعب فيها بيديه وحرك راسو بالسلب
سيمو: ماكاين لاش غانضبر لراسي فين نسكن عطيني لادريس دالشماتة وصافي أما حتى دوك الناس ماباغيش نعرفهم الله يعاونهم بنتهم راها ماتت كون بغاوها كون سولو فيها

تنهدات و حركات راسها بالسلب
رجوى: هضرة وحدة قلتها ،داري غاتبقا خاوية غاتمشي ليها من بعد و دبر ،هادوك كيبقاو جدودك سير شوفهم واخا هاكاك قولهم على بنتهم و خليهم يحسسوك ولو غير شوية بداك الدفئ

حك تحت حاجبو كيشوف فيها وحرك راسو بالسلب
سيمو: مامحتاج منهم لادفئ لا والو

جا السيرفور حط ليهم لغدا و انسحاب ،تنهدات بالجهد و حركات راسها بتفهم
رجوى: لي بان ليك اولدي (بدفئ امومي) كول اولدي

نزل عينيه جهة الأطباق لي تحطو وبتاسم بغرابة بدون ماينطق بكلمة هز من الخبز وبدا كياكل وساهي فهضرتها لي حيات فداخلو حرب تساؤلات كتيرة مصحوبين بشرارة انتقام تعكسات على نضراتو لي تحولو فثانية من نظرات شاب طافيين لنضرات عامرين شر كابتو فداخلو

ـــــــــــــــ نهاية-الفلاش-باك ــــــــــــــ

فاق من سهوتو على صوت صاحبو لي داخل مع الباب دالمحل.. نزل عينيه على الوراق لي شادهم فيديه وهز حاجبو باستفسار كيشوف فعينيه مباشرة بنضرتو الحادة

سيمو: كلشي ناضي؟

كان شاب واضح من ملامحو انه فاوائل العشرينات، على حنكو حرجة متوسطة عاطيا لملامحو الرجولية هالة مرعبة ، عينيه حمربن بسبب الجوان لي عاد كما، تحسينة غريبة موالمة الستيل لي لابس و لي معروف ب "المريول"
حرك راسو بالايجاب و مد ليه لوراق كيعبر بيديه بجوج ويتحرك فمكانو و يعصر بنبرة مشرملة غليضة
_كولشي هو هداك اخاي سكامبا سيمانة اصاحبي و انا عاس على داك لقنتش باش قدرت نجمع كاع لي وصيتشيني عليه

شد عليه لوراق كيقرا فيهم عاقد حواجبو بتركيز مع كل حرف وحرك راسو بهدوء مبتاسم برضى
سيمو: وأخييرا سي لحسن طاح بين يدي وماكاين لي غايفكو دابا

حط لوراق على طبلة لي قدامو وجبد لفة دالفلوس من جيبو خشاها فجيب الدري وطبطب على كتفو
سيمو: خدمة ناضية ولكن باقي ماسالاتش ماحدو باقي كيشوف الشمس غاتبقى نتا تما عاس عليه فينما تحرك تبعو لفيدوات وكلشي بغيتك تجمعهم ليا ماتغفل على والو (بنضرة ماكرة) كل مازادو الدلائل كل مازدت غرقتو كتر

ضحك حنا بانو سبابو لي تسوسو بسبب لكارو و طبطب على حيبو لي فيه لفلوس
_صافي اعشيري كون هاني

حرك ليه راسو بهدوء وأشار ليه باش يخرج عاد ضار حيد الطابلية علقها تما وهز الوراق فيديه خارج كيلعب بسوارتو