⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 32____
تسمع صوت الموطور من بعيد.. متقدم بأقصى سرعتو كتمايل بجسدها فوقو بإحترافية.. خصلات شعرها البنية كيتطايرو وراها بالريح.. ز وجها كيبان هارب منو اللون بحكم عدم ارتدائها للخودة.. كانت مخلوعة مور ما رد عليها وفهمات بلي راه تلاقا مع باه.. نسات قرايتها ونسات دارهم وكلشي وجات عندو بأقصى سرعتها سارقة موطور باها لي ماوقفات بيه تالحدا موطور وقفاتو ونزلات كتجري لعندو ..
حطات يديها على كتافو وتحنات جالسة على ركابيها قدامو كتشوف فيه بعيون مغلفة بالخوف.. قادرة تلمح الغضب لي استولى عليه من ورا داك اللقاء... قادرة تحس بضيقة قلبو من كلام سمعو او قالو.. قادرة تحس بلي لا الانتقام ولا الحقيقة ماريحوهش.. بينما هو قدامها كيشوف فعينيها وثايق بلي كاع تراكماتو هي بووحدها لي قادرة تمتصهم وتخليه يرتاح.. ختارها من بين الجميع وثايق فاختيارو ليها!
حنحنات بارتباك كتحاول تداركو وتبسمات ليه بدفئ كدوز صباعها على عنقو بحنان..
جهينة: سيمو!
همهم بحفوت كيشوف فيها بعيونو الحمراء بسبب الجوان و الدموع لي مكونين فعينيه ساجنهم.. تنهد بالجهد و نزل راسو مهرب عينيه من عينيها و رجع نتر من جوانو باغي ينسا حريق روحو بحريق ريتو.. كيضر فراسو ليل ونهار باش يتناسا الحقيقة لي صرفقو بيها باه فلحظة..
جهينة كانت خايفة عليه حيت فالاصل مهما حضرات للقطات من عصبيتو وشافت حد غضبو ماعمرها شافتو بهاد الحالة لي كيبان منها شحال راه منهار علأخر على عكس كيفاش كيكون صاامد وواقف بثقة قدام شكون ما كان.. زادت قربات منو جالسة لين رجليه لي موسهم.. كتشوف فعينيه وبلاما تحس تعمرو عينيها بالدموع حيدات من يديه الجوان لاحتو وشدات فوجهو مقابلاه معاها كتشوف فعينيه بنضرات دافئة باغا تبين ليه من خلالهم بلي واخا يتخلى عليه كلشي غاتكون هي معاه ديما..
تنهدات بضيق ونطقات بصوت خافت كاسرة الهدوء لي بيناتهم..
جهينة: قلتي ليه كلشي ؟
عض سيمو على شفتو السفلية بقوة حابس دموعو و حرك راسو بالايجاب ببطئ
جهينة: اهاه وشنو وقع من بعد؟ شنو قال؟؟
تنهد سيمو بالجهد و نزل راسو بضعف لاول مرة يحس بيه بهاد الشكل.. من ديما كان ضعيف وهو بلا ام واب وعائلة .. اليوم كيحس بضعف اخر .. ضعف من الحقيقة والكلام الجارح! كيحس بضعف من نفسو لي ماخرجش كاع اش ضارو!!
رجع شاف فيها ونطق بنبرة مغلفاها حبال الانكسار والحزن
سيمو: قال لي عندو قال حتا هو كلشي و ماخبا والو.. قال الحقيقة لي هربت منها حياتي كلها وانا عايش فيها اصلا!! (بصوت خافت) قال غير الحقيقة
أنت تقرأ
⛓️🏹الـــمـــنـــــتـــقــــم 🏹⛓️
عشوائي⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
