🍾المنتقم🍾
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 18____
تحل باب لبيت و دخلات كاتشوف فيه مباشرة بوجه منور و ابتسامة بشوشة ،جلسات على طرف السرير كاتلعب فشعرو و تأمل فملامحو المميزة وهو ناعس
تحلو عينيه على لمسات حنان غير مألوفين لشخص ولف العنف القسوة غير شاف صورتها قدامو تشققات ابتسامة عريضة على شفايفو
سيمو: الوليدة!
تحنات لعندو طابعة قبلة دافئة على راسو و شافت فعينيه و الحزن لي عليهم
قطبات حجبانها بقلق و حطات يديه تحت هالاتو السوداء كادوز عليها ابهامها ببطئ
نورة (بنبرة خافتة): شكون قلق ولدي؟
شد فيديها مقربها لفمو وباسها بدفئ مزير عليها ونطق بنبرة ضعيفة
سيمو: بُعدك الوليدة لي مقلقني
تفكو حجبانها و رسمات على شفايفها ابتسامة حنينة
نورة : علاش كاتقول هاكا ،انا ديما حداك و معاك اولدي (بحزن) عارفة راسي خليتك و مشيت و لكن ماكانش لخاطري
زير على يديها وخشا راسو فحضنها الدافي لي من ديما كان متمنيه
سيمو: حتى دابا بقاي ماتمشيش وحتى إذا بغيتي تمشي خوديني معاك ماتخلينيش هنا انا باغي نبقى غير معاك
حطات يديها التانية على شعرو كاتلعب بيه
نورة : ماعندي فين غاناخدك ، نتا مزال صغير و مزال دنيا قدامك، عيشها بطولها و عرضها و دير داكشي لي ماماك ماقدراتش ديرو
هز عينيه فيها لي نازلين منهم قطرات دموعو لي من طفولتو مانزلو نزلو اليوم فحضنها
سيمو: ندير كاع لي بغيتي نتي غير رضاي عليا اميمتي
حطات يديها على خدو كاتمسح ليه فدموعو بحنان
نورة : راضية عليك من ديما (قطبات ححبانها مصطانعة الغضب) و لكن باش نبقا انا مرتاحة حتا نتا خاص تكون مرتاح و فرحان صافي
سيمو(بغيض): قرييب غانرتاح لي قدرت نتاقم ليك من لي كان السباب موتك وبعدك عليا قرييب غانفرح اميمتي وأنا كنشوفو منزل راسو مدلول قدامي كيخرج من دارو
حركات راسها بالسلب ببطئ
نورة: مسامحة ليه حتا هو اولدي ،و لكن ادا كان هاكاك نتا غاترتاح دير لي عجبك
ابتسامتو وساعت والراحة بانت على ملامحو المتعبة لي بداو كيتعنكشو على صوت سعاد وهي كدق فباب البيت ضور راسو باستغراب لجهة لباب ورجع كيشوف فين كانت جالسة لقاها خاوية وضار عند صورتها كيرمش بصدمة كاره لي فاق من حلم كان متمني يكون هو حياتو كاره لي تحلو عينيه وماتشبتش بيها كتر
وقف كيطرطق فعنقو مخنزر وزاد حل باب البيت كيحك فعينيه وراسو باقي مشوش بالحلم
أنت تقرأ
⛓️🏹الـــمـــنـــــتـــقــــم 🏹⛓️
De Todo⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
