⛓️🏹الـــمـــنـــــتـــقــــم 🏹⛓️
🚬أنا ابن الحرام، وفي روحي تشتعل شرارة الانتقام..💣
🚬 فليس لي أمام الظالمين سوى تراتيل العدالة وصدى العدل يعمر سهول الظلام..💣
____الجزء 38____
سيمو كان طول الوقت مميل راسو معاها كيسمع ليها حتا كملات…تنهد براحة من بعد ما تأكد ان الموضوع ماشي كبير لديك الدرجة لي تخيل.. رجع جرها لحضنو و باسها فخدها بقوة مبتاسم و جرها تحت دراعو غادي للبيرو
سيمو: خلعتينا على والو اجهنامة (شاف فيها) دوك دموع ولاو عنزك على سبة دغيا كينزلو ولا كيفاش
قلبات شفايفها بطفولية بالزربة وشدات فيديه كتنتر منو مغوبشة
جهينة: بعد مني حتى نتا ملي كيجيك هادشي والو صافي ماتهضرش معايا
جلس سيمو فمكانو و جرها من يديها حاكمها و جلسها فوق لبيرو قدامو مبتاسم ابتسامة بلكاد باينة
سيمو: بغيتي نبكي معاك باش يعجبك لحال؟
جهينة(بنفي): مادير والو اصلا عارفاك كاعما بقيتي كتبغيني تانتا
تنهد سيمو ورجع تكا بضهرو على لكرسي و ربع يديه مخليها تخرج كاع شنو عندها ماباغيش يزيد يضغطها تاهو..
سيمو: اهاه كملي!
خنزرات فيه ووقفات كتقاد السمطة ديال شكارتها فكتافها
جهينة: صافي مابقيتش باغا نهضر معاك انا لي حمارة جايا عندك
ميل راسو بهدوء و فورا ترسمات على ملامحو تخنزيرة خفيفة معوضة الابتسامة لي كانت على شفاهو..
سيمو: مالنا على هاد ضسارة دابا!! يمكن راني كانهضر معاك مقاد هضري تانتي نيشان باش مانعاوجش مع بنتي
توسعو عينيها فور ماخنزر فيها ورجعات جلسات بسرعة .. عاضة على لسانها كترمش فالارض خايفة من عصبيتو لدرجة ماقدراتش تهز فيه عينيها..
تنهد سيمو ووقف كيجمع فلوراق لي فوق لبيرو حطهم فلمجر وزاد جر واحد من الكراسا لي قدام البيرو.. حطو حدا الكرسي فين كان جالس و جلس فوقو مخلي ليها الكرسي الخاص بيه باش ترتاح فيه ..
سيمو: جلسي
هزات عينيها فيه ورجعات نزلاتهم بسرعة كترمش باش ماينزلوش دموعها
جهينة: غير خليك فبلاصتك اصلا كنت غانمشي بلاما نبرزطك
دوز يديه على وجهو كيكالمي فراسو باش مايتعصبش عليها..
سيمو: جلسي الله يرضي عليك اجهيتة خليني نشوف معاك هادشي
رمشات فيه ووقفات كتحيد الشكارة من ضهرها وجلسات معنقاها كتشوف فيه بنص عين
جهينة: شنو غاتشوف معايا؟
مد يديه جر لكرسي مقربها ليه و تقاد فجلستو كيشوف فيها مبتاسم بدفئ
سيمو: داكشي لي مافاهماش
جهينة(تشققات على شفايفها ابتسامة صغيرة مضوية ملامحها الباهتة): حلف تاغتراجع معايا.. قول والله
سيمو: مولف تانكدب عليك؟ (حركات راسها بالسلب بينما هو هز تيليفونو كيخربق فيه و شاف فيها ) واكلة بعدا؟ (باهتمام) وجهك صفار باينة فيك حتا لفطور مافاطراهش
تقادات فوق الكرسي ديالو كضورو برجليها فرحانة باهتمامو وملاحضتو لأدق تفاصيلها
جهينة: كانت شهيتي مسدودة دابا عاد تحلات
أنت تقرأ
⛓️🏹الـــمـــنـــــتـــقــــم 🏹⛓️
Rastgele⛓️🏹الـــمـــنـــــتـــقــــم 🏹⛓️ 🍂 بقلم 🍂 ❤️🩹shahd bs and riham dy ❤️🩹 🥂 الســـكـــامـــبــا🥂: 🌸أنا ابن الحرام، وفي روحي تشتعل شرارة الانتقام، فليس لي أمام الظالمين سوى تراتيل العدا...
