بيت الجد عوض
عروب: مبروك التقاعد
نيّاف يضحك ويطالع انسام: متى مداك تقولين لها
انسام تضحك : مستحيل يصير شي وماانقله لعروب يمكن اختنق
الجد عوض : الله يحييك والف مبروك التقاعد
الجده مليحه: الف مبروك التقاعد زيين انك تقاعدت وترتاح من الدوام
نيّاف: الله يبارك فيكم يارب
انسام : بابا انا بنام عند عروب الليله وبكره قبل تروح دوامها ترجعني
نيّاف: بس يابنتي بكره موعد فك الخيوط
انسام: ايه عارفه بس ابي انام عند عروب تعرف انها فقدت شِيام وبجلس معها الليله عشان ماتبكي علينا
عروب تضحك: ايه ياخالي ابيها معي ممكن ؟
نيّاف يتنهد: بس امك بتقلق عليك
انسام: بابا انا عند عروب مافي شي يخليك تقلق ومشعل مو هنا يعني بقدر اخذ راحتي عندهم
الجده مليحه: الا مشع..
عروب بصوت اعلى: ياجدتتي تبين شاهي
الجده مليحه تطالعها مستغربه: وش فيك ياعروب لا مابي
عروب تحضن انسام : اييه ياخالي ولا ماتثق فيني اني مابخلي اي شي يصيبها
نيّاف: مو مشكلة ثقه بس طيب الصبح انا بمرك
عروب: لا والله ماتجي انا اجيبها قبل اروح الدوام
نيّاف : انتبهوا لأنفسكم ويللا انا استأذنكم
الجد عوض: الله يحفظك
يطلع نيّاف من البيت وهو متطمن ان مشعل مو بالبيت
الجده مليحه : خذي راحتك ياانسام والبيت بيتك انا وجدك بنروح ننام
انسام: تصبحون على خير
عروب : تعالي انسام نطلع فوق لغرفتي
انسام: يللا وتبين نكلم شِيام؟
عروب: اكييد
وتطلع عروب وهي متوتره من ردة فعل انسام اذا عرفت السبب اللي جابتها عشانه وقررت تقولها : انسام ابي اقولك شي اوعديني ماتزعلين مني او تعصبين
انسام : وش فيه ؟ من متى زعلتيني اصلاً يللا قولي
عروب تمسك يد انسام: مشعل طلبني اساعده انه يكلمك ويبيك تسامحينه والله اول مره اشوفه جدي لهالدرجة ووعدني انه مايأذيك بس بيكلمك
انسام اللي بدت تفتح قلبها لمشعل : ليه ماكلمني هو ؟
عروب: يقول انك ماتردين عليه ومايشوفك الا دقايق وهو يبي يكلمك براحته وبدون مايكون قلقان من شي
انسام تتنهد: وينه ؟ ولا بيكلمني بجوالك؟
عروب: لا هو موجود بغرفته رجع هنا
انسام تقوم: منجدك ليه ماقلتي لي اجل مابنام عندك رجعيني
عروب تمسك يدها وتجلسها : ترى بتنامين عندي مو عنده وش اللي رجعيني
انسام تتوتر: لا اقصد وجوده بالبيت مابيخليني اخذ راحتي
عروب : طيب تعالي للصاله بنزل اناديه يجي واذا قال لك شي يضايقك علميني وبس والله ادفنه
انسام تبتسم: طيب بشكي لك على طول اذا سوا شي
عروب تنزل وتدق باب غرفة مشعل : نمت ؟ اخلي انسام ترجع ؟
مشعل يفز ويقوم: لا وش ترجعع
عروب: فججعتني طيب مابترجع وتعال وراي
مشعل يعدل نفسه ويتعطر ويطالع نفسه بالمرايا ويلحق عروب
انسام متوتره وجالسه وتكلم نفسها: ياربي مو قادره اسامحه بس اخاف اخسره
عروب تتنحنح: جاء الطعس وتعرفين اذا سوا شي وش بسوي انا
انسام تهز راسها بإيه
مشعل : مساء الخير
انسام : مساء النور
عروب : انا بروح اجهز ملفات لقضيتي مارح اطول وياويلك يامشعل لو سويت شي
مشعل : خلاص عروب كم مره قلتيها مارح اسوي شي ابي بس اكلمها
عروب تقلده: انننن انا حذرتكك "وتروح"
مشعل يبلع ريقه وياخذ نفس عميق : اخيراً اقدر اكلمك براحتي وسمحتي لي اشوفك
انسام متوتره : اخلص وش عندك؟
مشعل يجلس مقابلها ويبتسم : خطيبتي لمتى بتكلميني بهالطريقه ؟ لمتى بتضلين زعلانه مني وانا اعتذرت الف مره
انسام : خطيبتك ؟ انت كذبت الكذبة وصدقتها انا للحين ولبكره ولبعده مارح ارضى
مشعل يطالع عيونها اللي تتهرب من نظراته: وش تبين اسوي وترضين ؟ وش اسوي وتقبلين اعتذاري ؟
انسام: لا تسوي شي لأن كل المحاولات مارح تفيد
مشعل : كنت ابي تسامحيني قبل اسافر وكنت ابي تفتحين لي قلبك مره ثانيه وتحبيني مثل ماحبيتك بس شكلي بتعذب سنه بعد وانا بعيد وانتي مو مسامحتني
انسام نست الزعل وتقوم : تسافر وينن؟ وليه سنه ؟
مشعل يبتسم : عندنا شغل وقررت انا اسافر سنغافوره بدال شريكنا وبظل سنه هناك وكنت ابي اعرف وش شعورك تجاهي وتسامحيني قبل اروح بس شكلها مافي فرصه
انسام بعصبيه : لا ماابيك تسافر ليه تسافر انت شغلك هنا مو بسنغافوره
مشعل : ليه طيب ماتبيني اسافر؟ مو تكرهيني وتبين ابعد عنك واخترت السفر عشان ارضيك
انسام تبكي : انتت ككذاب مو قلت مارح تتركني وبتضل معاي وبتحاول لين افتح لك قلبي مره ثانيه لييه الحين تبي تروح
مشعل متردد يمد يده يمسح دموعها ولا : لاتببكين طيب انا كذاب بس لاتبكين امسحي دموعك الحين
انسام تبكي بصوت اعلى: انتتت مُصصر تعذذبني لا في قربك ولا في بعاادك لاتساافرر لا تسافرر مشعل
مشعل اللي توتر من بكاها وبعد تردد قرب اكثر ويمسح دموعها : لاتبككين انا اسسف طيب
انسام بوسط بكاها تنطق : سنه كثثير مااتحملل لاترووح وتتركني
مشعل بإبتسامه: مو انتي تبيني اروح ؟ وماتبين تشوفيني ولا تبين تسامحيني ؟
انسام : لا ماابيك تروحح وابيي اشوفك
مشعل يضحك: طيب سامحتيني ؟
انسام : ششوي
مشعل : يعني تبين تعذبيني اكثر ؟
انسام: اييه لأنك تستاهل لازم تتعذب مثل ماتعذبت
مشعل يتنهد: اذا بعدها تسامحيني انا راضي
انسام تمسح دموعها وتقوم وتكتف يدينها : بس لاتفرحح كثير سامحتك شوي بس
مشعل يقوم ويقابل لها : شوي احسن من ولا شي بس رح احاول بعد لين تسامحيني واشوف ضحكتك الحلوه وابتسامتك لي
انسام تضم شفايفها تخفي ابتسامتها وفرحتها بمشعل: بعدين ليه تكلمت مع رند ذي ويعني اي بنت تجي تكلمها وتسولف على طول ؟
مشعل بضحكه: والله ياخطيبتي ماقلت لها غير اسمي بس
انسام: حتى لو بس حرف ليه تكلمها وبعدين وش خطيبتي لسى زعلانه منك ومارضيت لاتحلم
مشعل : والله مايمنع نحلم دام الحلم رح يتحقق
عروب تجي : هاه ياانسام عسى مازعلك
انسام : الا زعلني
مشعل يطالعها: وش زعلتك فيه مو قلتي سامحتيني شوي ؟
انسام تطالعه: اييه بس مو يعني تتركني وتسافر
عروب بإستغراب: مين اللي بيسافر ؟ مشعل ؟ ليه ماقلت لنا
مشعل يبتسم : كنت بروح بدال شريكنا بس وضعي الحين مايسمح الغيت السفر ويطالع انسام ويروح
عروب : الحمدلله والشكر
انسام تاخذ نفس وتحط يدها على قلبها : عروبب ماتوقعت اني بسامحه بس لسى ماخذه بخاطري منه
عروب تحضنها : الحمدلله اني شفتك ترجعين مثل اول واشوف هاللمعه بعيونك كل ماشفتي مشعل
انسام تتنهد: بس ماابي اسامحه بسرعه عشان مايتمادى ويزعلني كل مره ويضمن اني بسامحه
عروب تشد خدها : عمرري انا اللي تفكرر لبعيد بس صحح اللي تقولينه
...
-فندق ناشيونال- موسكو
شِيام واقفه عند الشباك المطل على الساحه الحمراء وتشوف منظر الثلوج اللي مغطي الشارع والمباني
ساري يحضنها من ورا ويحط ذقنه على كتفها : وش اللي تفكر فيه حبيبتي ؟
شِيام تميل راسها له : شفت شدة بياض هالثلوج ؟
ساري : اييه ؟
شِيام تبتسم والدموع بعيونها : قلب امي كان اكثر بياض منه بس ابوي ماكان يستاهلها
ساري يعدل وقفته ويلفها عنده ويطالع عيونها ويحضنها بدون ماينطق حرف
شِيام تنزل دموعها وتتمسك فيه اكثر وتنطق: ساري
ساري : ياقلب ساري يانورعيون ساري
شِيام ترفع راسها وهي بحضنه وتطالع عيونه وتنطق : احبك
ساري يبتسم ويبوس فمها : هالفم ينقط عسل
شِيام : مو قلت لك لاتفاجئني ؟
ساري يحك انفه بأنفها : شسوي مااقدر اقاومك
شِيام تقرب من شفايفه وتلف يدينها حول رقبته وتبوسه وترجع تطالع عيونه : نظراتك ذي تاخذني لدنيا ملونه لدنيا مافيها الا الحب والامان لدنيا كلها حنيه وهالحنيه تغمرني تخليني اتأكد انك دعوه دعيتها ان الله يعوضني عن قساوة ابوي بشخص مليان حنيه وجيتني انت العوض عن كل شي قاسي عشته بحياتي
ساري يمرر اصابعه على وجهها لين وصل لرقبتها ويلم شعرها بيده ويقرب انفه وياخذ نفس عميق ويبوسها ويرفع راسه ويبتسم ويمسك يدها ويحطها على صدره : كلامك انحفر هنا واتأكدي انك اغلى شي بحياتي ولا يهمني شي بهالدنيا الا سعادتك واني اشوف هالابتسامه اللي تنور دنيتي اوعدك اني اكون قد ثقتك فيني
شِيام تبتسم له : ساري
ساري: سمّي امري ياعيون ساري
شِيام : زوجتك تبي تذوق البيتزا الروسية
ساري يضحك: من عيوني انتي بس امري وش تبين ثاني ؟ تبين نطلبها ولا ننزل نتعشي؟
شِيام: لا حبيبي نطلبها تعبانه مافيني انزل
ساري: تعبانه؟ وش يوجعك يللا اوديك المستشفى
شِيام تضحك: لا مافيني شي بس تعب مانمنا زين
ساري يقرب بخبث : تبين ننام الحين؟
شِيام تقرصه : اقولك جوعانه تقول ننام
ساري يضحك: طيب بروح اطلبها
شِيام تجلس على الكنبه وتبتسم : الله يخليك لي ياساري
تمسك جوالها وتتصل على عروب
عروب: من لقى احبابه نسى اصحابه
شِيام تضحك: اشتقت لك
عروب : وانا بعد شِيام اشتقتلك البيت بدونك مو حلو
شِيام : اسبوعين وانا عندك بالرياض
عروب: لييه مو شهر بتضلين هناك ؟
شِيام: لا عندي مرضى ينتظروني
عروب : شِيام لاتجلطيني وش مرضى وانتي بشهر العسل خلي غيد تعيد المواعيد
شِيام : حرام مااقدر ااجل علاج اي مريض
انسام تاخذ الجوال من عروب وتحطه سبيكر: شِيام وحششتيني
شِيام : يابعد روحي انتي عند عروب ؟ ولا عروب عندك
انسام : لا انا عندها بس شِيام قوليلي كيف موسكو وكيف حبيبك معك
شِيام تضحك: حلوه وجات ثلوج بعد
عروب : تدفيي زيين شِيام لاتمرضين
شِيام: متدفيه حبيبتي انتم وش مسوين وكم الوقت عندكم وكيف جدي وجدتي
عروب: كلهم بخيير والحين الساعه ١ بالليل
شِيام : يعني التوقيت نفس هنا
عروب : يللا مانبي نطول عليك بكره اكلمك انتبهي لنفسك
شِيام : حبيبتي وانتوا بعد انتتبهوا لأنفسكم "وتنتهي المكالمة"
-بعد مرور نصف ساعه-
ساري : وجبت لك احلى بيتزا بكل روسيا
شِيام: حبيبي انت تعبتك كنت ابيك تطلبها اونلاين
ساري : لا لازم اشرف على اكل حبيبتي عشان يكون افضل شي
شِيام تبتسم : انفك احممر من البرد
ساري بخبث : مابتدفيني ؟
شِيام تمسك يده : تعال اجلس واكل وتدفى
ساري يضحك: نظره منك تدفيني
شِيام : يدك صايره ثلج بعد "وتضمها بكفوفها"
ساري اللي يتأملها ويبتسم
شِيام تفك يده وتاخذ قطعة بيتزا وتحطها بفمه : قلت لك اكل ياغشاش مو توترني
ساري يضحك ويجلس جنبها ويحاوطها بيده : فيه شي الذ من البيتزا هنا
شِيام تضحك: انت بتخلينا ناكل ولا كيف
ساري يقرب من اذنها ويهمس : ايهه بخليك تاكلين بعدها نتفاهم
شِيام : تدري ان التوقيت هنا نفس الرياض كلمت عروب وقالت لي ان الساعه ١ بالليل نفس هنا
ساري : اييه قد سمعت قبل انها نفس توقيت الرياض
شِيام تقرص خده : محققي اللي يعرف كل شي
ساري : والله محققك تعبان يبي بوسه
شِيام اللي محاوطها ساري تحط راسها على صدره : محققي استغلالي ويبي ينتهز الفرص صح؟
ساري يضحك ويميل راسه على راسها : اييه صح
شِيام : امس كيف نمت وكيف وصلت للسرير اتذكر نمت وانا كذا
ساري يبوس راسها : والله مطببتي نامت بحضني وشفتها غارقه بالنوم وماصحيتها شلتها وحطيتها على السرير
شِيام ترفع راسها من حضنه وتطالع عيونه : مااستغليت الفرصه وسويت شي صح؟
ساري يرفع اكتافه لفوق ويبتسم : مدري
شِيام تقرب اكثر : اعترف ولا ابطل انام وانا اسمع نبضات قلبك
ساري يضحك : تبين الصراحه بس سرقت كم بوسه
شِيام تضحك : اول مره اشوف محقق حرامي وغشاش
ساري يقرب من وجهها ويبتسم : تبين تشوفين المحقق الحرامي صح ؟
شِيام تهز راسها ب لا
ساري ينسدح على الكنبه ويسحبها بقوه له : مين الحرامي ؟
شِيام توترت وتسارعت انفاسها وهي وجهها بوجه ساري مباشره
ساري يبتسم ويبوسها من ذقنها: من اليوم مكان نومك هنا يسار صدري
شِيام اللي مرتبكه وبنفس الوقت حاسه بأمان تحط راسها على صدر ساري وتغمض وتبتسم : بغمض شوي مابنام يعني لاتحاول تسرق ياحرامي
ساري يضحك وياخذ نفس عميق : مااوعدك
شِيام: اشش خلني اغمض شوي يامزعج
ساري يمسح على شعرها : كم وصلت الاسماء اللي لي عندك ؟
شِيام تبتسم: اوه كثيير واولها الاستغلالي
ساري يضحك: لا اولها ان التحقيق بوادي وانا بوداي ولا نسيتي انك قلتيها لي اول ماتقابلنا
شِيام تضحك: اييه وانت قلت لي نصابه
ساري : الحمدلله على صدفه جمعتني فيك وصرتي احلى شي بحياتي
شِيام غفت على صدره من تعب الرحله وتعب الطلعه ومانامت زين
ساري : نمتي ؟ ويطالعها ويبتسم ويقوم بشويش وهو ماسك راسها بيده ويشيلها للسرير ويبعد شعرها عن وجهها ويتأملها ويبوس جبينها : والله اني احب اللحظه والوقت واليوم اللي جمعني فيك وصرتي حبيبتي وزوجتي
شِيام تبتسم وهي مغمضه وتشد على يده : وانا احبك
***************************************
أنت تقرأ
نظرتك كانت بحر ونظرتي كانت غريق
Chick-Litالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
