‏نظرتك كانت بحر ونظرتي كانت غريق

البارت الثالث والتسعين

اسماء اللي توترت وخافت على نفسها وعلى اخوها
شِيام تبتسم وتشبك يدها بيد ساري : حبيبي اهدأ لاتعصب واصلاً ماخوفني بالعكس هذا اثبات اني انتقمت صح
ساري يطالعها وتهدأ اعصابه : تأذيتي او احد قال لك شي يضايقك؟
شِيام: لا حبيبي مافي شي ولا احد يقدر يضايقني وانت موجود
ساري ياخذ نفس عميق : انا بنادي عزام "ويطلع يناديه"
عزام: هاه عسى قررتوا تحلونها ودي وبدون قضايا
راكان : انا ابي اسحب البلاغ
عزام : تعال وقع هنا والمفروض ماكبرتوها وانتم عائله تقدرون تحلونها ودي
ساري: الله يخليك ويبقيك ياابو العزم وتشرفت بشوفتتك اليوم لسى تبون شي مننا ولا خلاص نمشي؟
عزام : بس توقيع من زوجتك عشان البلاغ اللي ضدها
شِيام توقع وترجع جنب ساري وعروب
ساري : فمان الله والله يعطيك العافيه ماقصرت "ويطلعون من المكتب"
راكان اللي حاقد على ساري وشِيام بس ماتكلم وطلع ووراه اسماء
شِيام تنادي اسماء: بحركتك اللي اليوم خليتيني اثبت على قراري اني رح اخذ كل شي كتبه لي ابوي حتى نص بيتك
اسماء تخزها وتمشي مع راكان
شِيام تحضن عروب: انا فخوره فيك وكيف دافعتي عني
عروب: اييه عشان تعرفين ان عندك اخت تقدرين تعتمدين عليها
شِيام تضحك: والله اني من زمان اعرف انه يُعتمد عليك يامحاميتي انتبهي لنفسك وانتي راجعه وكلميني اول ماتوصلين عند خالي بعد
عروب : من عيوني وانتي بعد انتبهي لنفسك يللا باي "وتروح"
ساري اللي معصب من راكان وكان وده يقتله ويشد قبضة يده
شِيام تبتسم وتمسك يده: ممكن تهدأ وتفك عقدة حواجبك؟
ساري ياخذ نفس عميق: واللي خلق هالعيون ماكنت ناوي اخليه يرجع وهو يمشي على رجوله
شِيام تبتسم : يخلييك لي
ساري : يللا نمشي؟
شِيام : يللا حبيبي
يطلعون للسيارة ويمشون
ساري اللي معصب لسى وساكت
شِيام تطالعه : حبيبي خلاص اهدأ مااحد يقدر يأذيني او يضايقني وحبيبي موجود
ساري يلتفت لها ويضحك ويرجع يطالع الطريق
شِيام: وش فيك ؟
ساري يمد يده لها : عطيني يدك
شِيام بإستغراب تعطيه يدها
ساري يشد عليها ويبوسها : تسلم لي هاليد اللي عطته لكمه للحين واضحه اثارها
شِيام تضحك وتشد على يده: ومحققي وحبيبي بعد ماقصر فيه سمعت صوت عظامه
ساري : والله لو انه ماتنازل كنت منجد كسرت له يده ذي اللي تجرأت تأذيك
شِيام بكل مشاعر الحب والامان تقرب من خده وتبوسه وتحط راسها على كتفه وهو يسوق: الله يخليك لي حبيبي ولا يحرمني منك
ساري يبوس راسها : والله يازوجتي امي اتصلت علي اكثر من ٥ مرات تفكرك ماعاد رضيتي ترجعين معي
شِيام تبتسم وترفع راسها من على كتفه وتطالعه: والله اني متفشله منها بتصير الساعه ٩ واحنا مارجعنا وش اقول لها ؟
ساري يستفزها: اييه امي ماتدري انك يازوجتي متهوره وتورطين نفسك دايماً
شِيام تشد اذنه : مين المتهوره؟
ساري يضحك: انتي والله
شِيام تشد اذنه اكثر: رجعني بيتنا يللا
ساري : بيتنا ؟ طيب انا رايح لبيتنا انا وانتي
شِيام: مُصر يعني ماتسحب كلمتك اني متهوره ؟
ساري بضحكه : اييه وفكي اذني انا اسوق
شِيام تشده اكثر وبعدها تفكه : لاتكلمني ولا تنام جنبي ولا تلمسني ولا اي شي
ساري يمسك يدها: لا مااقدر اسف
شِيام تفك يده وتكتف يدينها وتلتفت للقزاز : قلت لك لاتكلمني و لاتلمسني وطالع قدام لانصدم وامك تنتظرنا
ساري : حبيبتي منجد زعلانه ؟
شِيام ساكته وماتكلمت
ساري : شِيامي زعلانه ؟
شِيام تكتم ابتسامتها لأنه اول مره يناديها كذا
ساري يتنهد: طيب انا اسف
شِيام : اصص وطالع قدام
ساري : لين تقبلين اعتذاري مابسكت
شِيام تسند راسها على المرتبة وتغمض
ساري ياخذ نفس عميق ويشد بيدينه على الدركسون
..
بيت الجد عبدالعزيز
ام ساري: قال انهم جايين الحمدلله اننا اخرنا العشاء
ام طارق: وين راحت كل هذا عند اهلها
ام راشد: اكيد صاير شي ولا هي مو قاصده تتأخر
الاء: ايه يمه انا بعد اقول كذا وتعرفون مالها الا اختها بعد موت ابوها
اثير : الغايب عذره معه لا جات اسألوها
-عند الرجال-
الجد عبدالعزيز : وينه فيه ساري علامه تأخر
ابو ساري: والله مدري قال انه كان مشغول
راشد: غريبه طلع من عندي من بدري
طارق: ليكون صار شي
ابو ساري : لا قال لي مافيهم شي
باهي تو جاء من السفر: مساكم الله بالخير وش هالجمعه كلها استقبال لي
راشد يضحك: انت محد درا عنك انت غايب ولا حاضر
الجد عبدالعزيز: افا والله اني اعد له الوقت
ابو طارق: الحمدلله على سلامتك وجيت بوقتك اطلع غير ملابسك وتعال سوينا عزيمه لساري وزوجته
باهي يضحك : يعني اول مره اجي بالوقت المناسب بس وين ساري؟
راشد: شوي ويجي انت بس انقلع غير وتعال
باهي: راشد شكلك تبيني اطرحك اليوم
راشد يضحك: رح رح غير وتعال وجيب بطريقك اخوك ياسر
باهي: احمد ربك اني مو رايق للهواش معك "ويطلع غرفته"
ابو راشد: وش فيك عليه
راشد: والله ولا شي بس كذا ابيه يعصب
طارق: عاد باهي نادر تشوفه معصب
-عند باهي-
باهي يدخل غرفته ويتمدد على السرير ويطلع جواله يتصل على عروب
عروب : هلا بالطيار اللي مايفضى الا بالشهر مره
باهي يضحك: هلا بمحاميتي هلا بحبيبتي اللي تستقبلني بهواش
عروب تضحك: الحمدلله على سلامتك حبيبي عسى ماتعبت ؟
باهي : شوي بس مايهم دامني اسمع صوتك الحين
عروب: من صوتك واضح انك تعبان وش فيك؟
باهي اللي يعشق اهتمامها : لا والله بس يوم ونص مانمت
عروب : تستهبل انت وش مانمت تبي تمرض
باهي : ايه اذا بتهتمين فيني
عروب: اتكلم جد مو وقت مزحك يللا نام وارتاح
باهي: بكره بكلم خالك
عروب بإستغراب: لييه؟
باهي يضحك: ابي اعقد عليك ابي اقدر ازورك واخذك وامسك يدك
عروب توترت: انتت يعني ماتبطل مفاجآتك ومتى تبيها لاتقول بكره عشان مااطلع لك من الجوال واصفقك
باهي : والله بقول بكره اذا بتطلعين من الجوال
عروب تضحك: يللا قول متى
باهي: الاسبوع الجاي
عروب تبتسم: ايه وبتصير زوجي يعني رسمي ؟
باهي: اييه وتصيرين زوجتي واشوفك كل يوم
عروب: وش كل يوم ابي تشتاق لي لين وقت الزواج
باهي : ولا تحلمين بهالشي والله ان اجيكم كل يوم وش تبيني انتظر شهر بعد عشان اشوفك
عروب تضحك: بسألك انتم كذا عائلتكم ماعندهم صبر ؟
باهي يضحك : يمكن وراثة وترى ماامزح منجد بكلم خالك بكره يعني عشان ماتقولين ماعندي علم وتهاوشين
عروب : طيب وانا بعد ابي اشوفك كل يوم ياحبيبي
باهي : انتظر هاللحظه من اول ماصادفتك بالمركز وقت قضية اخوك
عروب : ايه اتذكر كنت افكرك محقق
باهي: من اول ماشلتك بين يديني وانتي فاقده وعيك دعيت الله انك تكونين من نصيبي
عروب : حبيتني بهالسرعه؟
باهي: اي والله من بعد ماشفتك تدافعين عن اخوك عجبتيني ولا قدرت اطلعك من بالي والحمدلله انك صرتي لي ومن نصيبي
عروب : ياحظي انا فيك والله انك احلى شي صار بحياتي
باهي: والله انك انتي اللي احلى شي بحياتي كنت عايش بدون هدف بس اروح دوامي وارجع انام بس الحين صرت احس اني عايش وتفكيري كله فيك
عروب: يعني انا هدف بحياتك
باهي: وهدفي الوحيد بعد
عروب: احبك باهي
باهي يفز ويتربع: وانا اموت فيك واعشقك والله
عروب تضحك: طيب يللا ارتاح ونام عشان مايجي يوم الملكه وانت فاقد الذاكره من قلة النوم
باهي يضحك: من عيوني تبين شي ؟
عروب: لا حبيبي مابي الا سلامتك ونام زين خذ كفايتك في النوم
باهي : يمكن انام يوم كامل بعد هالكلام
عروب تضحك: ليه كوالا انت
باهي : اصير كوالا اذا بنام على هالوصايا وعلى هالصوت
عروب : يللا منجد باي نام انا بنزل الحين عند خالي
باهي يضحك: طيب يللا فمان الله "وتنتهي المكالمة"
باهي يحضن الجوال: هانت هانت شهر وتنامين هنا جنبي ويقوم يغير ملابسه
..
عند ساري وشِيام
وصلوا عند الباب وشِيام فتحت الباب ونزلت ودخلت من الباب الخلفي اللي على طول يوصل لشقة ساري وترقى الدرج
ساري يمسك يدها : مابتسمعيني صوتك؟
شِيام ماتكلمت وراحت لغرفتهم وتنزل العبايه
ساري يحضنها من ورا ويلف يدينه حوالينها : انا مااقدر اهدأ وارتاح وانتي زعلانه مني
شِيام اللي تحس انها ماعاد قدرت تمثل دور الزعلانه وتلتفت له وهو محاوطها بيدينه وتطالع عيونه : مين المتهوره واللي تورط نفسها دايم؟
ساري يبتسم ويتأملها: مدري مين ذي؟
شِيام تقرب من وجهه : متأكد ؟ مو شِيام يعني ؟
ساري يقرب اكثر ويبوسها : ايه لأن شِيامي مو متهوره شِيامي زوجتي وحبيبتي وعمري وبسس
شِيام توقف على اصابع رجولها وتبوس اذنه : هذا علاج شد الاذن
ساري اللي مافكها من حضنه: اذا كذا العلاج كل يوم شديه
شِيام تضحك: طيب فكني ابي اتجهز امك واهلك ينتظروننا
ساري يبوس خدها بقوه: بفكك عشان امي ماتقول زوجة ساري ماتجي على المواعيد
شِيام تضحك: ومين اللي يأخرها عن مواعيدها ؟
ساري : مين ؟
شِيام تشد خده: زوجي حبيبي مين غيره وتضحك وتروح تدور لها لبس
ساري يتمدد على السرير ويتأملها: معقوله هالملاك القوي زوجتي ؟
شِيام: اييه بس الحين خلك مني وش البس ؟
ساري يضحك ويقوم ويوقف جنبها ويكتف يدينه : مو كلهم نفس الشي؟
شِيام تطالعه: مو عشان كلهم نفس اللون تقول كلهم نفس الشي
ساري : ليه كلهم اسود ويقرب ويختار واحد ذا؟
شِيام تضحك: ايه كلهم اسود تعرف اني احب هاللون وتاخذ الفستان من يده
ساري : والله اللي قال مايلبس اللون الاسود الا اللي ذوقه رفيع كان صادق
شِيام: ومين اللي قالها ؟
ساري يضحك: انا قلتها لأنك تحبين هاللون
شِيام تبوسه : يخليلي انا المجامل يللا بدخل اغير وزين انك اخترت فستان يليق معاه الشعر الملموم وتضحك وتروح
ساري يضحك ويطالع ملابسها : معقوله كل ملابسك اسود ياشِيام
تلبس شِيام الفستان اللي اختاره لها( فستان ميد بأكمام طويلة ونازله شوي من الاكتاف مع فتحه من قدام ) وتطلع وتقرب من المرايا تعدل مكياجها وشعرها وترش من عطرها
ساري اللي نسى من العزيمه ويطالع شِيام وهو جالس على الكنبه وحاط يدينه ورا راسه : يزهاك ياروح ساري ويقوم ويحط راسه على كتفها
شِيام : بس عاد خلني اعرف اسوي شعري
ساري: والله ريحتك تجيب راسي عادي ماننزل على العزيمه واقعد اتأملك ؟
شِيام : لا مو عادي ويللا روح غير ملابسك وانزل فشله لهم وقت ينتظرون
ساري يتنهد : طيب
شِيام تطالعه في المرايا وتضحك: انتت عبييط يللا استعجل وانزل
ساري : طيب طيب
شِيام تضحك: ماظلمتك لما قللت عنك مجنوون
غير ثوبه وجاء
ساري يبوسها من خدها : يللا انا بنزل وانتي روحي عند امي اكيد تنتظرك
شِيام: طيب حبيبي "وتخلص وتطلع بعده على طول"
-عند الحريم-
ام ساري : هلا بزوجة ولدي نورتي
شِيام: النور نورك ياخالتي واعذريني طولت بس والله مو بيدي
ام ساري: معذوره حبيبتي تعالي حياك خالاتك هنا بعد
شِيام تدخل لهم
ام راشد: بسم الله ماشاء الله الله يحفظك ويخليك لساري
شِيام تبتسم وتسلم عليهم وتجلس
اثير تقوم وتعطيها هاني: هذا ولدي اللي قلتي انه بيكون العوض واللي بيخفف حزني والحمدلله كلامك كان صح
شِيام تبتسم وتشيله وتبوسه: بسم الله عليه الله يخلييه لك
يدخل عزوز وركض لشِيام: انا انا
شِيام اللي مستغربه وش يقول وتطالعهم : وش فيه
الاء تضحك: يقولك وهو شيليه بعد
شِيام تضحك: حبيبي تعال وتشيله وتجلسه بحضنها
اثير تقوم وتاخذ هاني من يد شِيام: شكل الغيره وراثه غار عليك من هاني
شِيام تضحك: توه يعرفني على طول غار
اثير : ايه شخص جديد وماعطيتيه وجه وشاف هاني بيدك
شِيام تبوسه : انت وش اسمك ؟
عزوز: انا عشوشي
شِيام تضحك: وياعمري انا ياعزوزي
ام طارق: عقبال نشوف عيالك انتي وساري
شِيام تكح ماتوقعت يجيها هالكلام في اول عزيمه
الاء: خالتي توهم عرسان لاحقين على العيال وتقوم تصب لشِيام قهوه
ام ساري : كيفها اختك تعبت بعد موت ابوها؟ وجدك وجدتك
شِيام : شوي تعبوا والحمدلله بخير
ام ساري: الله يرحمه ويغفرله
الاء: عزوز تعال هنا خلي شِيام تتقهوى
شِيام: لا لا عادي خليه بتقهوى وهو معاي
-عند الرجال-
الجد عبدالعزيز : وين ياسر ؟
باهي: لقيته نايم
الجد عبد العزيز: الله يهديه وش نومه ذا
ابو طارق: والله يبه الولد من الصبح لليل بدوامه اكيد بينام
الجد عبدالعزيز: ماقلنا شي بس يضبط نومه
راشد يهمس لساري: انت وين رحت اليوم بعد ماطلعت من عندي ؟
ساري: رحت النيابه بجيب لك قرار اني اشارك معكم بالمراقبه وقانونيا
راشد: والله انك دلخ لاتخليني ماعاد اقولك باللي يصير
ساري: والله تعرف اني ابي احمي زوجتي وعادي اسوي اي شي
راشد: تراك انت هدفهم بعد انتبه لنفسك
ساري: بس ماتدري يمكن يهددوني فيها مثل قبل
راشد: صح احتمال بس انت لاتتدخل احنا والمباحث بنمسكهم اكيد
باهي يجي : وش عندكم ياوزراء الخارجيه
ساري يضحك: امور حكومية مالك فيها
باهي: اقول انت وياه اذا فيه شي علموني وتراني انا بعد طيار حكومي
راشد يضحك: ترانا بصالة جدي مو بمجلس الوزراء عشان تقول انك حكومي بعد مافي شي صاير
باهي يضحك: انت وهو اسراركم زايده هاليومين
ساري: وش اسراره انت بعد الا وش فيها عيونك حمراء
باهي : والله لي يوم ونص مانمت
ساري: وليه جالس طيب رح نام
راشد: والله جدي يعامله مثل ياسر بعدين انه لازم يضبط نومه
باهي يضحك: ايه وفيه خبر بعد ابي اقوله
ساري : الله يستر منك تختار لحظاتي وتخربها
باهي : الله واللحظات انت وهالثوب الاسود مثل قلبك
ساري: باهي بتسكت ولا امردغك هنا الحين واللون الاسود للناس الفخمه وش عرفك انت وهالراس المربع
ابو ساري: يللا تعالوا تعشوا خلوا الهواش بعدين
ساري : يللا قم ياهادم اللحظات
...
بيت نيّاف
نيّاف: مثل ماقالت انسام نبيك تنامين عندنا ولانبي اعتراض
عروب: بس ياخالي ماجبت شي معي لا لبس ولا شي
انسام: وش هالعذر ياعروب دولابي عندك طبي وتخيري
الجوهره: خلاص حلتها انسام وخالك كلم مشعل يحط باله على جدك وجدتك
عروب تضحك: طيب
انسام تحضنها: والله اني احببك
عروب: وانا بعد احبك يانجمة خالي
نيّاف: كلمتك شِيام اليوم؟
عروب: قبل مااجيكم كانت عندنا شِيام
نيّاف: وكيفها ؟ قالتلي انسام عن اللي صار ليه ماقلتوا لي
عروب تطالع انسام : بخور السوق ، والله ياخالي ماصار شي بس شِيام نرفزوها بسالفة الورث وضربته
نيّاف: لو اعرف انه لمسها او اذاها ان اقتله
عروب توترت: لا ياخالي مافي شي
الجوهره : طيب وش تبون عشاء؟
انسام : ماما نبي نطلب من برا
عروب: ايه والله وابي نشوف فيلم بعد مثل قبل
نيّاف: بس كذا ؟ من عيوني بس وش تبون تطلبون ؟
عروب: ابي دومينوز وانتي انسام ؟
انسام: انا بعد مثلك
نيّاف يفتح جواله ويطلب
عروب تهمس لأنسام: تخيلي باهي يقول يبي الملكه الاسبوع الجاي
انسام: وناسه يعني ملكتك قربت
عروب: اييه وقال لي كلام خلاني احبه من اول وجديد بس بعدين لاطلعنا الغرفه قلت لك
انسام تبتسم: حتى مشعل خلاني احبه الف مره عن قبل
الجوهره: وش الفيلم اللي تبونه ؟
انسام: ماما اعطيني انا بختار
الجوهره تضحك وتطالع نيّاف: شكل بنتك ماتحب ذوقي بالافلام
انسام تضحك وتبوس راس الجوهره: لا والله مو كذا بس نختار مافي فيلم محدد
نيّاف : تبون نروح المزرعه الاسبوع الجاي؟
انسام : لا بابا الاسبوع الجاي مل...
عروب تقرصها : ايه عادي اذا ماكان عندي قضايا
انسام : صح كنت بقول كذا
وتدور على فيلم
...
بعد مرور الوقت
بيت الجد عبدالعزيز
خلص العشاء وباهي قال لهم عن موعد الملكة وتفرقوا الرجال كل واحد راح غرفته
ساري متمدد على السرير : ليه طولت شِيام معقوله للحين سوالف
-عند الحريم-
شِيام: لا لسى اجازتي تنتهي هالاسبوع والاسبوع الجاي اداوم
ام ساري: الله يعينك ويوفقك شغلك صعب
شِيام: بس والله اني احب شغلي يعني اساعد ناس بحاجتي
ام ساري: نفس كلام ساري اذا وصيته لايروح دوامه وهو تعبان قال فيه ناس بحاجتي
شِيام تبتسم
اثير : شِيام عطيني عزوز بتتعبين وهو نايم بحضنك
شِيام تشيله تعطيه اثير بس يصحى يبكي ويمسك فيها
اثير : يللا ياماما البنت تبي تروح تنام وانت ماتبي تفكها
شِيام: خلييه ماعليك باخذه معي اذا بيبكي
اثير: لا والله بيشغلكم
شِيام: ماعليك عشان يقتنع هو يفكرني بطلع برا
اثير تتنهد : والله مدري وش اقولك اعتذر منك
شِيام: ماله داعي الاعتذار حبيبتي لا دخل بنومته كلمتك تاخذينه
تعتذر منهم شِيام وتقوم لغرفتها
ساري اللي منتظر شِيام وتدخل وهي بيدها عزوز: ليه ماكلمتني افكرك لسى تحت
ساري يضحك: عشان ماتقولين زوجي مزعج
شِيام: ايه يامزعج ابعد شوي خلني احط عزوز على السرير
ساري يطالعها: وش جابه ذا عطيه امه انا ابي اجلس معاك لوحدنا
شِيام : وش اسوي تعلق فيني وبكى وتبوس النونو وتدفيه
ساري يطالعها بغيره: ترى زوجك هنا
شِيام تضحك: طيب ؟
ساري يقرب منها : انا اولى من هالبزر
شِيام: تغار من نونو ؟
ساري : لا مااغار بس يعني انا بعد ابي بوسه
شِيام تضحك: انتبه له باخذ شاور واغير واجيك لاتخليه يبكي
ساري يقوم ويسحبها من يدها : لاحقين على الشاور
شِيام تضربه بشويش : اصص لاتزعجه ويصحى
ساري : وش يعني اسكت ومااكلم زوجتي
شِيام تضحك : اييه ياغيورر "وتروح"
ساري يشمر اكمام الثوب ويشيل عزوز ويطلع وينزل تحت للصاله : والله ابوك ياعزوز نايم ومشقيني انا
راشد بيطلع الحوش ويصادف ساري: وش فيك ؟ وليه عزوز معك
ساري يعطيه عزوز: خذه عندك او عط اختك ويروح
راشد يضحك ويطالع عزوز: وش سويت بعمك ساري وعصب عليك
يرجع ساري للغرفه ويجلس على الكنبه
شِيام تطلع بعد مااخذت شاور : وين عزوز ؟
ساري : رجعته
شِيام: لييه اقولك بكى يبيني
ساري: خليه يبكي وش بيبكي دم شوي ويسكت
شِيام تبتسم بخبث وتقرب منه وهو جالس : غرت من بزر اعترف؟
ساري يطالعها وهي شعرها مبلل وقريبه منه ويقوم ويبعد شعرها عن وجهها : واذا قلت ايه غرت ؟
شِيام : تغار من نونو؟
ساري يبتسم ويبوسها من رقبتها وياخذ نفس عميق : انتي تدرين اني احب ريحتك
شِيام تطالعه : بس ؟
ساري يتأمل تفاصيلها: لا مو بس انا احب كل شي فيك
شِيام تبتسم : وانا اعشق كل شي فيك
ساري اللي خايف عليها من اللي مترصدين له ويطالعها بحب وخوف ولا قدر يقولها
شِيام: انت فيه شي تبي تقوله صح ؟ قول وش فيه
ساري : ابي سعادتك وابي راحتك وابي ضحكتك وابي كل شي فيك
شِيام : يابكاش انا لك وانت سعادتي وانت راحتي وانت ضحكتي بس قول الصدق وش فيك؟
ساري يبتسم: والله مافييني شي يللا ارتاحي انا بغير هالثوب واجيك
شِيام اللي مااقتنعت: طيب حبيبي بسس لاتفكر اني صدقتك انه مافي شي
*********************************