عند شِيام اللي تو تمسح المكياج وتغير وتتسطح : الحمدلله عليك ياساري
يدق جوالها وتفز "ساري" وترد
شِيام : هذا اللي يقولون عنه تخاطر؟
ساري: ايه والله انك ماطلعتي من بالي من يوم طلعت من عندكم ولا كنت ابي افارقك بعد، اقدر ارجع عندكم؟
شِيام : ياعببيط انتت لا ماتقدر ابي انام انا
ساري: اصبري باقي اسبوعين وانومك بحضني
شِيام بعباطة: ليه بحضنك مافي سرير يعني
ساري يضحك : لا للاسف مافي الا حضني
شِيام : انت مو في البيت صح؟ وين رايح ياساري الليل
ساري وهو مبسوط بكلامها وذباتها: والله ساري الليل ماقدر ينام بعيد عنك وطلع يشرب شاهي
شِيام: متأكد ؟ ليه احس من صوتك انك مو على بعضك صاير شي؟
ساري توتر: لا بس كلمتك عشان اقولك من اليوم انا اخذك للعياده وارجعك
شِيام: لا والله من الحين تبي انت توديني وتجيبني لا انا احب اعتمد على نفسي
ساري: طيب اعتمدي علي انا من اليوم ولا ماتقدرين ؟
شِيام تاخذ نفس عميق: اقدر ليه مااقدر بس لاتقنعني انه مافي شي صاير يللا اعترف
ساري مايبي يخوفها : لا مافي شي بس انا ابي اشوف وجه زوجتي قبل اداوم كل يوم لين تمر الاسبوعين وتصيرين معاي
شِيام تضحك: بمشيها لك مع اني ماصدقتك بس اكيد بعرف
ساري : طيب ابي اجي الحين ماتخطيت البوسة ابي وحده ثانيه بعد
شِيام : خلاص مره وحده وماعاد فيه غيرها
ساري : اييه ولمتى
شِيام بضحكه: الى اجل غير مسمى
ساري يضحك: طيب اعرف كيف اخذها بعدين الحين ارتاحي ونامي وبكره امرك الصبح
شِيام : بكره الجمعه ولا تبيني اداوم عشان تاخذني ؟
ساري : والله اكذب عليك اذا قلت لا
شِيام : بلا عباطه انتبه لنفسك وارجع البيت واذا رجعت ارسل لي ترى مو بس انت تخاف علي انا بعد اخاف عليك
ساري كأن كلامها له يطيره للسماء من الفرحة ويرتفع هرمون الدوبامين لأقصى مستوى ويستهبل عليها : بتحميني لو قلت لك اني بخطر؟
شِيام : اييه احميك واعطيك روحي بعد
ساري : وانا ماابي تعرضين نفسك للخطر حتى لو كنت اموت قدامك
شِيام بدت تشك ان فيه شي: بسم الله عليك انا وش قلت لك عن طاري الموت يللا انطق قول لي وش فيه احد هددك فيني مثل قبل ؟
ساري توتر اكثر : لا وش فيك الليله عندك القلق عالي مافي شي حبيبتي بس كنت بسمع صوتك قبل تنامين
شِيام تبي تعرف بأي طريقه : طيب بكره تبي نتغدى مع بعض ؟
ساري يضحك ولا يدري انه فخ : ولسى تاخذين رايي اكيد ابي متى امرك ؟
شِيام : الوقت اللي تبي بس مو قبل ماتتصل علي
ساري : من عيوني يللا نوم الهناء واحلام سعيده
شِيام : وانت ارجع بدري ونام
ساري : تامرين امر استودعتك الله وتنتهي المكالمة
راشد جالس عند شاهي جمر ويشرب الشاهي : شربت كاستين والثالثة جايه وانت ماخلصت مكالمتك
ساري يضحك: وانت ليه انتظرت لو التهيت بشي احسن لك
راشد : يللا ولا تبي تنام هنا الساعه ١ وانت تضحك وتنكت نبي ننام ونصلي الجمعه ولا مبيت النيه انت
ساري : والله مدري مين اللي دايم تفوته الجمعه يللا قدامي
...
-باهي وعروب-
عروب : اي كنت شوي وارفض اجل كذا فجأه تقول لخالي
باهي بحب : شسوي ابيك واحبك قلت اخطبك دام جات الفرصة واهلي واهلك موجودين
عروب تضحك: انتم عائلتكم كلها متهوره؟
باهي: لا بس ساري
عروب: وانت مسوي طالع منها تراك متهور اكثر منه
باهي : اييه بس اذا الموضوع فيه انتي اتهور بس غيره لا
عروب : شفت امك اليوم تهببل وكلامها عسل
باهي: اييه يعني انا طالع عليها
عروب : لا امك بس اللي تهبل وكلامها عسل انت لا
باهي : اجل انا ايش
عروب: انت بزر صح
باهي يضحك: لا بس ابي تقولين كلمه حلوه واتسحب الكلام منك
عروب : اها كذا نظامك اجل مافي اي كلمه حلوه
باهي : لمتى؟
عروب تستهبل عليه : الله اعلم
باهي بجديه: عروب
عروب : عيوني
باهي : والله اني احبك ولا ابي اعيش بدونك
عروب بإبتسامة: وانا بعد احبك ولا ابي اعيش بدونك
باهي يضحك: وهذا اول اعتراف منك طول الشهور اللي عرفتك فيها
عروب : والله انك بزرنجي يعني كان استدراج، ليكون بعد مو من قلبك الاعتراف
باهي : يشهد الله علي انه من داخل داخل قلبي وانا فعلاً احبك
عروب : ايه على بالي كنت بكلم خالي اني ماابيك
باهي : تسوينها فيني ؟
عروب: يمكن !
باهي : والله اني تعبت عشان الفت انتباهك كل ذا يهون لعيونك واذا رفضتيني يمكن اهاجر الخارج
عروب ميتة ضحك عليه : باهي والله اني احب هبالك ذا وتعرف اني مااقدر ارفضك انا بعد ابيك ويللا ابي انام انا وراي قضايا ومشاكل لازم اصفي ذهني وانام زين
باهي : طيب يامحاميتي وانتبهي لنفسك ووقفي مع المظلومين
عروب: اكييد يللا حبيبي باي
باهي : فمان الله يابعد روح حبيبك "وتنتهي المكالمة"
باهي بعد المكالمه الابتسامة مافارقت وجهه ونسى هوشته مع اهله ورجع للبيت ونام
...
يوم الجمعه الساعه ١ الظهر
بيت الجد عوض
الجده مليحه : عروب وين اختك ابيها تتغدى معنا
عروب تضحك : لا بتطلع تتغدى مع عريس الغفله
الجده مليحه : حبيبتي شِيام الله يسعدها ويوفقها
الجد عوض : ومشعل والله اني فقدت حسه
عروب : يقول بيرجع بس بعد مايخلص شغله مدري وش الشغل اللي خلاه يسكن جنب الشركة
شِيام بغرفتها اللي محتاره وش تلبس وكل ملابسها اسود ورمادي ولبست اللي تقتنع فيه ونزلت تحت
عروب: شِيام حبيبتي ممكن تغيرين اللون الاسود ؟
شِيام تضحك: خلاص عروب احس هاللون مااقدر استغني عنه
الجده مليحه: حبيبتي كل الالوان زاهيه عليها حتى الاسود
شِيام تطالع عروب: تعلمي من جدتي
عروب تقوم وتبوسها: والله انك بكل الالوان زاهية ايه انتي شِيام اخت عروب اكيد اي لون يليق عليك
شِيام تقرص خدها : يابكاشة
الجد عوض : انتبهي لنفسك يابنتي
شِيام تبوس راس جدها: من عيوني ياجدي
يدق جوال شِيام "ساري"
ماردت عليه وسلمت على جدها وجدتها وطلعت
ساري الابتسامة تشوفها شِيام وهي لسى طالعه من الباب
تفتح شِيام باب السياره وساري ينفض المرتبة : هلا باللي له الخافق يهلي
شِيام بأبتسامتها اللي يعشقها : لاتعودني ترى ماعاد اطلع معك بسياره لين تنفض لي المرتبة
ساري : ايه تعودي كم شِيام عندي انا
شِيام : وحده ونادرره
ساري بحب : انشهد انك نادره وفزت فيك انا وكنتي من حظي ونصيبي
شِيام توترت: المهم وين بنتغدا ؟
ساري: وش رايك بالاكلات البحريه؟
شِيام : لا مابي عندي حساسية من الروبيان والسمك مااحبه
ساري : زين علمتيني وايش بعد ماتحبينه ؟
شِيام تفكر: امم الشاورما بعد مااحبها
ساري يطالعها وعيونه تنقط حب : اييه وايش بعد
شِيام : بسس
ساري يضحك: فيه شي مشترك مانحبه اللي هو السمك
شِيام : منجد ؟ ماتتحبه اجل ليه اقترحت الاكلات البحريه ؟
ساري : مدري جات على بالي
شِيام تربكه وتقرب من وجهه : انت كذا دايم تقول اي شي يجي على بالك ؟
ساري من قرب شِيام منه ويشم ريحة عطرها ويبلع ريقه : شِيام ابعدي عشان مااتهور فيك
شِيام : واذا مابعدت وش بتسوي ؟
ساري يضحك ويبوسها من جبينها بسرعه ويلتفت للطريق ويبتسم
شِيام ارتبكت ورجعت على طول مكانها وتهف بيدينها على وجهها وتفتح القزاز
ساري ميت ضحك : مو قلت لك لاتخليني اتهور
شِيام تلتفت له : اخر مره اطلع معك ولاتكلمني بعد
ساري يكتم الابتسامه : طيب رجعيها لي مو تحبين تاخذين حقك بنفسك
شِيام : اييه اييه اضحك علي اخذ حقي بعدين بس الحين قول لي وش فيك ليه كل شوي تطالع المرايا؟
ساري متوتر مايبيها تعرف ان فيه ناس يطاردونهم : مافيي شي اطالع عشان مانصدم ولا تبين نقلب ؟
شِيام تضرب كتفه : مايمشي علي هالكلام
ساري يضحك: نسيت ان زوجتي داهيه
شِيام : تبيني ارتاح قول لي ولا بضل طول الوقت قلقانه
ساري : وش بيكون فيه ؟ مافيي شي ويللا افتحي قوقل واختاري وش المطعم اللي تبينه
شِيام : لا ابي على ذوقك
ساري يبتسم : ابشري غالي والطلب رخيص
********************************
أنت تقرأ
نظرتك كانت بحر ونظرتي كانت غريق
ChickLitالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
