‏نظرتك كانت بحر ونظرتي كانت غريق

البارت الخامس والثمانين

عند ابطالنا بالمطار
شِيام : ساري مابتقول وين بنروح وش ذا سر يعني ؟
ساري يبتسم ويطالعها : اصبري الحين تعرفين وترى رحلتنا من الرياض للكويت ونوقف هناك بعدها نروح للدوله اللي ابي يكون شهر العسل فيها
شِيام : حبيبي وزوجي وعيوني وين بنروح؟
ساري يضحك : عرفتي نقطة ضعفي بس بحاول مااقول
شِيام تبتسم وتحط راسها على كتفه وتمسك يده : حبيبي يللا قول لي
ساري ياخذ نفس عميق: بنروح دوله فيها ثلوج عشان ماتدفين الا بحضني
شِيام تضحك : لا عاد حبيبي فيه دفايات وفيه لبس ثقيل
ساري : بس حبيبك مايبي لا دفايات ولا لبس ثقيل
شِيام: ايه ووش يبي حبيبي ؟
ساري يضحك : يبي حبيبته بحضنه في وسط ثلوج موسكو
شِيام ترفع راسها وتطالع عيونه : انت ساحر صح ؟
ساري : لييه
شِيام: كيف عرفت اني احب موسكو ونفسي ازورها؟
ساري يبتسم : زيين اني اخترت دوله ومدينه تحبينها
شِيام تصغر عيونها وتقرب منه : مو صدفه صح ؟
ساري يضحك: سألت عروب وقالت لي
شِيام : يابعد عمرري عروب اشتقت لها
ساري : مالك يوم اشتقتي لها
شِيام : اييه اختي واشتقت لها
ساري: بديت اغار
شِيام تضحك وتطالعه : منجدك ؟
ساري : ايه والله لو غبت انا يوم بتشتاقين لي ؟
شِيام: لا
ساري زعل: خير ان شاء الله
شِيام تبتسم وتشد على يده: ياحبيبي انت لو تغيب ساعه اشتقت لك
ساري يرفع اكتافه ويعدل جلسته: والله اني انا يازوجتي اللي لو تغيبين ثواني مارح اصبر عنك
(نداء الرحله)
ساري يمسك يدها ويشيل شنطتها : نبدأ رحلتنا الاولى مع بعض؟
شِيام بالابتسامة اللي يعشقها ساري وتنطق : let's go
يتقدمون للطياره ويطلعون لها وبتكون الرحله من الرياض للكويت لموسكو
ساري : الوقت بيكون طويل "ويضرب على كتفه" حطي راسك هنا 
شِيام تمسكه من ذراعه وتسند راسها على كتفه : ماكنت متخيله اني بروح روسيا مع حب حياتي
ساري يميل راسه على راسها : حب حياتك مبسوط انه حقق امنيه من امنياتك
شِيام: ساري قولي امنيه من امنياتك
ساري : والله انك انتي كل امنياتي ماتمنيت شي الا انتي والحمدلله تحققت الامنية وابي بس تكونين بخير وسعيده
شِيام تبتسم : معاك وبوجودك انا بخير وسعيده
...
بيت نيّاف
نيّاف يبي يعرف وش سوا مشعل لأنسام
الجوهره: وش فيك حبيبي؟
نيّاف يتنهد : ابي اعرف وش سالفة مشعل مع انسام
الجوهره: لسى تفكر بالموضوع مافي شي يمكن انا حسيت غلط
نيّاف: وانسام وينها للحين نايمه ؟
الجوهره: كنت عندها بالغرفه تقول تحس بتعب شوي وخليتها ترتاح
نيّاف : انا بقوم لها
الجوهره: طيب بس لاتبين لها شي عن مشعل
انسام منسدحه وقلبها مو راضي يرتاح ماتبي مشعل يروح لغيرها ومتردده اذا جاء الوقت اللي تسامحه فيه ولا لا
يدق باب غرفتها
نيّاف : وين نجمة ابوها ماطلعت اليوم من غرفتها
انسام تبتسم وتجلس : تو قبل شوي اصحى وكنت رح انزل
نيّاف يجلس جنبها: صاير معاك شي ضايقك؟
انسام : لا والله بابا مافيني شي ولا متضايقه
نيّاف: متأكده ؟
انسام : اي والله متأكده
نيّاف يبتسم ويمسح على شعرها: تدرين انك اغلى شي بحياتي ولا ابي اي احد يأذيك
انسام عرفت ان امها قالت له : الله يخلييك لي بابا ومين يقدر يأذيني وابوي نيّاف؟
نيّاف: طيب يللا تعالي معنا انا وامك تحت ابي اقولكم خبر حلو
انسام : طيب بابا يللا
ينزل نيّاف ومعاه انسام
الجوهره تبتسم : هلا بضي ورمش عيني
نيّاف: هاه تبون تسمعون الخبر الحلو ؟
انسام : اكييد بابا ويارب مانسمع الا الاخبار الحلوه
نيّاف: رسمياً صار ابوك متقاعد
انسام تقوم وتحضنه: هذذا احسسن خبر يابابا اخيراً
الجوهره تمسك يده وتشد عليها : اخييراً يانيّاف بتصير معنا بدال الدوام اللي كان ماخذ كل وقتك
انسام تضحك : بابا يعني بتصير تقفل اللمبات والمكيفات
الجوهره تضحك : ويشرب شاهي الساعه ١ الظهر بالحوش
نيّاف: ايه ويمكن هالفتره نعيش بالمزرعه دام انسام ماعندها دوام وانا متقاعد
الجوهره: الاجواء زينه بعد وناخذ عروب معنا ياعيني عليها زعلانه على فراق اختها
نيّاف: اي والله ومشعل يهتم بجده وجدته يرجع يعيش معهم
انسام : متى طيب ؟
نيّاف : بعد اسبوع او اسبوعين
انسام تطالع يدها: بابا متى قال الدكتور افك الخيوط ؟
نيّاف: بكره تكملين ١٠ ايام ونفكها لك بس لاتنسين لسى فيه علاج طبيعي
انسام: مستعده يابابا اهم شي ترجع يدي مثل قبل
الجوهره تحضنها: بترجع يدك مثل اول واحسن حبيبتي وبترجعين للجامعه وتتخرجين احلى دكتوره
...
بيت الجد عوض
الجد عوض: الحمدلله ان رجع لك عقل
مشعل يضحك: وش يعني كنت مجنون ؟
الجده مليحه : بسم الله عليك من الجنون بس فقدنا حسك
مشعل : لا خلاص قررت ارجع وماعاد بطلع حتى لاتزوجت بعيش هنا
عروب تنزل من غرفتها : يووه الكهرباء طفت ولا ايش البيت ظلام وتطالع مشعل
مشعل: الا كان ظلام ويوم جيت نور البيت
عروب: يع الثقه لما تكون عند الشخص الغلط
الجده مليحه : عسى نمتي زين يابنتتي
عروب تتنهد: كله نومي كوابيس ماتعودت شِيام تنام بعيده عني
الجد عوض : ماتنلامين ماتفارقتوا من صغركم واحنا بعد فقدناها
مشعل : اذا تزوجتي بكره ياعروب بنرتاح منك محد بيشتاق لك
عروب : مشعل انقلع عني ماني رايقه لك
الجده مليحه تضحك: فقدنا هواشكم
عروب : جدتي كنت اكلم انسام قبل شوي وقالت لي ان خالي تقاعد رسمي
مشعل اللي صار يفز قلبه لطاري انسام: متى كلمتيها ومنجد خلاص خالي نيّاف صار متقاعد ؟
عروب بإستغراب ماتدري انه بدأ يحب انسام : وش فيك اقولك قبل شوي كلمتها
مشعل : بتروحين لهم ؟
عروب: لا مااعتقد ليه؟
مشعل : بس اسأل
عروب تقوم : تبون معاي شاهي ؟
الجد والجده : ايه
تروح عروب المطبخ ويلحقها مشعل
عروب : بسرعه انطق وش تبي واضح تبي تقول شي
مشعل يتوتر : ولا شي بس ابي شاهي بعد
عروب : مشعل لاتسوي انك بتقدر تضحك علي يللا قول وش تبي
مشعل يبلع ريقه : ابي انسام
عروب: تبيها وين ؟ ووش تبيها مو انت رفضتها وجرحتها ؟
مشعل يتنهد : ابيها لي ابيها زوجتي وابيها بعد تسامحني تساعديني؟
عروب تطالعه اول مره تشوفه جدي لهالدرجة: انت مشعل ولد عبدالاله حفيد جدي عوض متأكد؟
مشعل: اييه انا بتساعديني ولا لا ؟
عروب تضحك: طيب لاتبكي بساعدك
مشعل: عروب مو وقت الضحك الحين انا اتكلم جد
عروب : طيب وانا اتكلم جد رح اساعدك وش تبي اسوي ؟ وياويلك ان جرحتها مره ثانيه والله ان ادفنك هنا
مشعل : خلاص ياعروب اقولك ابيها تسامحني انا ندمان والله ومارح اجرحها ولا ارفع صوتي عليها حتى بس هي ماهي راضيه تسمعني ولا راضيه تعطيني فرصه
عروب: طيب البنت ماتنلام رفضتها وهاوشتها وتبيها تعطيك فرصه ثانيه
مشعل: والحل طيب ؟ وش اسوي وتعطيني فرصه ثانيه ؟
عروب : مدري بس بحاول اكلمها
مشعل : طيب وش رايك تقولين لها تجي هنا واكلمها انا
عروب: مجنون انت اذا عرفت انك هنا مارح تجي
مشعل: لاتقولين لها اني هنا اصلاً وقفت سيارتي ببعيد قولي انك تبينها تجي اي عذر
عروب : والله يامشعل انك تحبها منجد ليه رفضتها من اول طيب
مشعل يتنهد : خلاص عاد مانقدر نرجع الزمن لورا ونعدله
عروب : طيب يللا طس الصاله بسوي الشاهي واكلمها تجي ان شاء الله انها ماتفصل علي اذا عرفت اني جبتها عشان تكلمها
مشعل يبتسم: والله انك كفو اخيراً بنستفيد منك
عروب: مشعل انت بوضع ماتقدر تتكلم علي ترى ابطل اكلمها
مشعل : لا امزح انتي دايم تفيديني ويضحك ويروح
عروب : ياعمري ياانسام كانت تتمناك تحبها والحين انت تتمناها تسامحك
وتتصل على انسام
انسام: هلا عروب
عروب: يمديك تجين عندي ؟ مافيني اطلع ولا كنت انا جيتك
انسام: ليه فيك شي ؟
عروب: لا ابي نسولف ونحلل زواج شِيام وابكي بحضنك لأني اشتقت لشِيام
انسام تضحك: طيب ابكي بحضن باهي مايحتاج حضني
عروب: طيب طيب خلاص لاتجين
انسام : ياهبله الا بجيك ونبكي سوا انا بعد اشتقت لها يللا اجهز واخلي بابا يجيبني
عروب تضحك: طيب انتظرك وبجهز الشاهي بعد
...
بعد مرور ٧ ساعات
ساري وشِيام في موسكو ونزلوا اغراضهم في فندق (ناشيونال المطل على الساحة الحمراء) ونزلوا يتمشون
شِيام اللي يدها بيد ساري وتتأمل الطرق والناس والكافيهات
ساري يتأملها ويبتسم ويشد على يدها ويحطها بجيبه : درجة الحراره ٦ تحت الصفر ماابيك تبردين وتمرضين
شِيام تسند راسها على كتفه : وانا احس بالبرد وعندي دفايتي ؟
ساري اللي كل كلمه من شِيام تخلي حبها بقلبه يزيد يطلع يدها من جيبه ويبوسها ويلف يده حولها ويمشي وهي سانده راسها عليه
ساري : تبين هالكوفي (double B) ويأشر عليه شكله حلو
شِيام تبتسم : يللا نجرب ابي معاك اجرب كل شي
ساري يبوس خدها : مااقدر اقاوم هالحلاوه
شِيام : لا انت استغلالي يللا تعال نشرب قهوه
يدخلون الكوفي وكان اللي ياخذ الطلب رجال وتكلمه شِيام انهم يبون اثنين امريكانو حار ويطالعها الباريستا ويسألها ?Where are you from (من اي دوله)
ساري يطالعها ويجاوب هو : from saudi arabia
يضحك الباريستا ويرفع ابهامه لهم
شِيام تبتسم وتسأله كم ياخذ وقت وقال لها خمس دقايق
ساري يصغر عيونه ويتكي على الجدار : هالابتسامه لي وبس
شِيام تضحك: لا عاد لاتقول انك تغار لازم نبتسم عشان مايقولون وش فيهم ذولا
ساري : والله خليهم يقولون لبكره اهم شي ماتبتسمين الا لي
شِيام تقرب منه : يازين اللي يغار ماكنت ادري ان ملامح الغيره حلوه عليك
ساري يقرب ويحط يده حولها ويكلم الباريستا : this is my wife 
شِيام ميته ضحك عليه : ساري وش تسوي والله انك مهبول
ساري : ايه والله اني انهبلت ولا ابي اعقل
شِيام تقرص خده : حبيبي الغيور وقلب شِيام مايبي الا انت ولا ييشوف الا انت
ساري يبتسم وياخذ نفس عميق
عطاهم الباريستا القهوه واخذها ساري ومسكها عن شِيام لين يطلعون
شِيام تمسك كوبها : وين الثلوج ولا تضحك علي
ساري يضحك: والله انهم قالوا هالشهر شهر نزول الثلوج بس اذا مافي نسوي لك
شِيام : وكيف بتسوي لي ب ڤلين؟
ساري : ايه وتخيليها ثلوج
شِيام : ساري انت وش الدوله اللي تحلم تزورها ؟
ساري وهو ماسك قهوته بيد والثانيه حول شِيام ويمشون بشوارع موسكو وفجأه تنزل الثلوج
شِيام اللي مبسوطه وترفع راسها للسماء : تحقق حلم من احلامي ياساري
ساري اللي مو مبسوط الا بوجود شِيام ويبتسم ويرجع ورا ويصورها وهي ماتدري وتلتفت له
شِيام : يااستغلالي وش تسوي
ساري يضحك: ولا شي اصور الثلج اللي ينزل
شِيام : امسك شوي كوبي وتطلع جوالها وتحط راسها على صدر ساري وتتصور معاه
ساري اللي مايحس انه بواقع يحس انه يحلم : لسى صوري اكثر فيه شي ابي تصورينه
شِيام ترفع راسها له: وش تبي تصور ؟
ساري يبتسم لها : نفس وضعيتك قبل شوي
شِيام اللي متكيه راسها على صدر ساري : يللا ببدأ
ساري يدنق ويبوسها ورا اذنها فجأه وهي تصور : هاه عسى لقطتي الصوره صح وريني
شِيام قلبها بيطلع من ضلوعها وتقرصه ببطنه : ماتبطل بوساتك المفاجأه يعني وتوريه الصوره
ساري يضحك: ارتبكتي وانتي تصورين ابي نعيدها
شِيام تاخذ قهوتها من يده: لا مافي خلاص انتهى وقت التصوير "وتمشي وتخليه"
ساري يلحقها ويحط يده حولها ويضمها : انا اخلي زوجتي تمشي بهالثلوج وهالبرد لحالها مستحيل
شِيام: ايه ايه يااستغلالي بس بعلمك بعدين كيف تكون البوسات المفاجأه
ساري يضحك بصوت عالي : اححلى تهديد جاني بحياتي
شِيام تضحك من ضحكته : انت شكلك تبيني اضربك صح
ساري : اييه اضربيني بس تكفين طبقي تهديدك
**********************************