شِيام تكلم عروب: اييه تعالي للمستشفى العام وانتبهي للطريق
عروب: وش صابك ياانسام حسبي الله عليك يامشعل وين رحت وتركت البنت بهالحاله وتتصل عليه عروب ومارد وتقوم ترسل له رساله محتواها ( انت ويننك انسام حاولت تموت نفسها وانت حتى ماتبي تعتذر منها ع اللي سويته فيها تعال الحيين المستشفى العام)
مشعل بالشركة ومشغول او بالأحرى يحاول يشغل نفسه ويشوف رساله من عروب ويتنهد ويقفل الجوال ويرجع لشغله مع احساس بتأنيب الضمير ان انسام صارت كذا بسببه
وصلت شِيام قبل عروب وتنزل تركض ونسيت ماتطفي سيارتها
ساري كان وراها وينزل لسيارتها ويطفيها : بتتعبيني معك ياشِيام ولا مين ينزل ويترك سيارته فاتحه وشغاله ويشوف عطرها ويبتسم ويرش رشه منه وتاخذه الدنيا لعالم ثاني وينطق يازين ريحتك ياشِيام ويطفي السياره وينزل الا فعلاً شكه كان بمحله انه لمح احد يراقبها واول ماشاف ساري هرب ومالمح رقم اللوحة وقرر يدخل وراها للمستشفى خايف احد يأذيها داخل
توصل عروب وتدخل وتشوف ساري : انت هنا غريبه وش جابك
ساري توتر: لا بس خخفت على شِيام وجيت وراها
عروب: ليه صاير شي ؟
ساري: لا ابد سلامتك بس كنت عندها بالعياده لما جاها الاتصال ومشيت وراها تعرفين اختك متهوره
عروب تتنهد: تعلمني عنها انا اكثر وحده حافظتها يللا استأذنك
ساري يرسل لراشد مواصفات السياره ويبلغه انها تراقب شِيام ويعتقد انه من المهربين
شِيام تحضن الجوهره: لاتخافين والله انها بخير والحمدلله لحقتيها والدكتور يقول عطوها مسكن رح تهدأ وترتاح
الجوهره: وش صايب بنتي ياشِيام بنتتي اللي اغلى من عيوني الثنتين اشوفها تنهار قدامي ولا بيدي شي اسويهه
شِيام : تعوذي من الشيطان واذكري الله
عروب تجي ركض: وينها انسام وكيفها
شِيام : الحمدلله داخل بس نايمه عطوها مسكن
عروب تبكي: انا بدخل لها
انسام اللي مسويه نفسها نايمه
عروب تمسك يدها وتشوف مكان ماجرحت يدها : انسام تبين تموتيني رعبة علييك ليه قاعده تسوين بنفسك كذا
انسام تفتح عيونها وتشوف عروب وتحضنها بقوه: عروبب انا مابيي اعيش بدون احلامي مابييي
عروب: ومين قال انك بتعيشين بدون احلامك كل شي رح يتحقق انا واثقه ياعمري انتي شوفي مين قال اني انا وشِيام بنحقق احلامنا بعد اللي عشناه ؟
انسام تضم عروب اكثر وتبكي : انا اكرهه مشعل ياعروب اكرهه بسببه انا وصلت لهالحاله بسببه احلامي راحت
عروب تمسح على ظهرها : كلنا نكرهه لا تزعلين نفسكك تبين امي الجوهره تموت ؟ لاتتعبين قلبها والله انها منهاره برا وخايفه عليك
انسام ترفع نفسها من حضن عروب : ابي اجلس لحالي ممكن ؟
عروب بقهر وحزن: اللي تبينه اسويه لو تبيني انام واقفه نمت انتي بس لاتتعبين
انسام تغمض عيونها والدموع تنزل
عروب تتنهد وتطلع : قالت لي تبي تجلس لحالها
شِيام : شوي وندخل لها مانبيها تقعد لحالها اكثر
مشعل حس بتأنيب الضمير اكثر وقرر يجي المستشفى
شِيام : خالي للحين مارد؟
الجوهره: جاي بالطريق ماكنت ابي افجعه بس خفت على بنتنا
شِيام : استودعنا الله فيه
ساري يراقب شِيام من بعيد مايبي يخوفها انها مُراقبة
نيّاف داخل للمستشفى وهو حزين ومقهور على بنته ويصادف ساري : انتت وش جابك هننا ولا جاي بمصيبة جديده
ساري ارتبك وتوتر مايبي يقول هو ليه هنا : لا جيت عندي شغل وانت سلامتك تعبان ؟
نيّاف: بتقنعني انها صدفه؟ ابعد عن شِيام ياساري ولا تورطها معك "ويمشي نيّاف لبنته"
ساري يتنهد: مااقدر لو اخذت روحي يانيّاف مااخلي شِيام
عروب تتذكر وتهمس لشِيام: شفت عريس الغفله برا
شِيام بإستغراب : مين؟
عروب: مين غيره ساري شفته واقف برا
شِيام ماتدري تفرح ولا تتضايق لانه بيتهاوش مع خالها وتروح وتقابل نيّاف بالممر: هلا خالي ترى انسام الحمدلله حالتها مو خطيره وتطمنا عليها
نيّاف : الله يبشرك بالخير وامها كيفها؟
شِيام : بخيرر الحمدلله انت اسبقني بروح وارجع
نيّاف عرف انها بتكلم ساري: الله يعينني على عنادك ياشِيام "ويتجه لغرفة انسام"
الجوهره اول ماشافت نيّاف حضنته وبكت: بنتتنا يانيّاف بنتنا بتروح من بين يديني ولاني قادره اسوي لها شي
نياف يمسح على ظهرها: لاتقولين كذا بنتنا رح تتعافى ورح اوديها احسن مستشفيات العالم
الجوهره : تعال نقنعها ماتبي تشوف احد وتبي لحالها حاولت تنتحر يانيّاف كانت بتموت قدام عيوني
عروب تبكي وتروح بعيد عنهم وتدق على مشعل
مشعل قرر يكسر كبريائه ويرد عليها: خير وش تبين
عروب : وانت ووجهك يجي منك الخير تعال اعتذر من انسام
مشعل وهو حاس بالذنب باللي صار لأنسام بس مايبي يوضح وجاي بالطريق : قالتلي تكرهني ولا تبي تشوفيني ليه اجي
عروب: ماقلنا تزوجها قلنا تعال اعتذر كسرت خاطرها وقلبها ومتكبر مابتجي تعتذر؟ طيب لا صار لها شي لاتجي تتبكبك وتندّم "وتقفل عروب بوجهه"
مشعل يتنهد: وش سويتي فيني وبنفسك ياانسام
شِيام جات من وراء ساري وماانتبه لها لأنه يراقب يبي يعرف مين اللي قاعد يطاردها
شِيام تبتسم وبصوت واطي : ياامستغل الفرص وش جايبك هنا
ساري يفز بإرتباك بس شاف شِيام وانرسمت الابتسامة تلقائيا : لا بس لحقت خطيبتي اللي تاخذ الطريق في ربع ساعه وتنزل وتخلي سيارتها شغاله
شِيام تكتف يدينها : قصدك اني متهوره وطايشه هاه ؟
ساري يضحك : ينقطع لسان اللي يقولك عنك كذا
شِيام ترفع حاجبها : حتى لو كنت انت ؟
ساري الهيمان : اييه وبخليك تقصينه لي بعد
شِيام تبتسم : يابكاش تعرف اني مااسخى فيك عشان كذا تسايرني
ساري يقرب وجهه منها: شوفي عيوني والله اني صادق لو قلت عنك كذا قصي لساني
شِيام تستفزه: وكلامك لما قبضوا على عمر وانا كنت موجوده
ساري يرجع لورا ويتنفس بعمق : وش اسوي كنت خايف عليك وانتي ولا مهتمه
شِيام تضحك: طيب ارجع ماعندك دوام انت او ارجع لبيتكم لمتى بتضل هنا
ساري: اذا بضل مقابلك كذا بقعد العمر كله هنا
شِيام : يللا عاد ارجع واخاف خالي يشوفك وتتهاوشون
ساري يتنهد: خالك حاقد علي من بعد ماساعدتوني بالمزرعة يفكر انا السبب انك تورطتي مع المهربين وبصراحه هو صادق لأني ماحميتك
شِيام : سساري انت تعرف ان مالك ذنب وعلى قولتك تهوري وصلني لهم بس الحمدلله هذا انا مافيني شي
ساري مبتسم ويتأملها كيف نطقت اسمه بكل حنية وحب وتدافع عنه
شِيام تأشر بيدها قدامه : ضيعت شي بوجهي ؟ وش فيك يللا روح قبل يجي خالي وتزيد المشاكل بينك وبينه
ساري يبتسم: والله اني ضيعت قلبي بهالعيون الحلوه ولا ابيه يرجع
شِيام تهمس له : تبيني اضربك الحين؟
ساري ضاعت علومه وعرف انها توترت ويرد بهمس: يالييت
مشعل جاء وشاف ساري مع شِيام ويتنحنح وينادي شِيام
شِيام تبلع ريقها استحت : هلا بمشعل وينك مختفي شهرين ماشفناك
مشعل: هلا فيك ويطالع ساري وذا وش جابه هنا ولا عنده مصيبه يبي يورطك بعد
ساري بحده : وانتت وش دخخلك ؟ واقف مع خطيبتي وش تبي انت
مشعل يقرب ويمسكه من تيشيرته: خطيب مين ؟ انت صاحي ولا مهبول توكل لا العنك هنا
ساري يمسكه بقوه : انتت شكلك ماتفهم بالكلام وتبيني افهمك
***************************
أنت تقرأ
نظرتك كانت بحر ونظرتي كانت غريق
Chick-Litالى كل القراء ليس كل الاباء اباء بعضهم نعمة وبعضهم نقمة وليس كل زوجات الأباء يملكون قلوب حديدية بعضهم شر وبعضهم خير اتمنى هالرواية توصل لسقف توقعاتكم🤝
