Serlande University: Hunting Assassins

⌛71st Hunt: "EYE"

⌛71st Hunt: "EYE"

♕A Lady's POV♕

Lumapit ako sa bintana at natanaw ko ang isang babaeng naglalakad palayo sa Manor. Syempre kilala ko siya. Kilala ko na ang lahat dito.

Tumakas si Yuri para puntahan si Chiro, alam ko. Halata naman eh.

Halatang nahuhulog na ang loob niya kay Chiro.

Pagsisisihan mong umalis ka, Yuri.

Hindi lang ang sarili mo ang ipapahamak mo. Pati Galaxy, madadamay nandahil na naman sa'yo.

I sighed.

Sa totoo lang, nakukonsensiya na'ko sa ginagawa ko. Close na'ko sa ibang babae, pati na sa mga lalaki.

Pwede pa ba akong umatras sa plano?

Papatayin ba nila ako 'pag nagkataon?

"Uh, sengtsu." I muttered sabay sapo sa noo ko. Ano ba itong pinasukan ko! At bakit ba ako nagkakaganito! Focused naman ako sa misyon ko dati ah!

Ano ba! Gumising ka nga! Gumising ka!

Muntik ko nang sabunutan yung sarili pero nadulot ito nang biglang tumunog yung cellphone kong nasa loob ng bulsa ko.

Bigla akong nanginig at kinabahan sa hindi ko maipaliwanag na dahilan.

He's calling...

The Prince is calling...

Huminga ako nang malalim at lumunok ako bago ko sinagot ang tawag.

"Magandang umaga, Mahal na Prinsipe." Bati ko sa kanya. Sinusubukan kong magsalita nang normal.

["Hello, Eye."] Yung tono ng pananalita niya... He's about to say something undesirable.

Napahigpit ang hawak ko sa bracelet na napulot ko sa sahig kanina. Isang silver bracelet na may chrysanthemum na bulaklak sa gitna.

Ang bracelet na kay tagal kong hinanap...

Ang bracelet na naging dahilan kung bakit ko pinasok ang misyong 'to. Limang taon akong naghirap. Limang taon akong naghintay at nagtiyaga, makita ko lang ulit ito. Mahanap ko lang ang batang babaeng nagnakaw nito sa'kin noon.

At ngayong nakita ko na siya...—

["Nandyan ka pa ba?"] Natauhan ako nang magsalita ulit ang Prinsipe.

"O-Opo. Pasensya na po." Otta...

["May pinuproblema ka ba? May sumasagabal ba sa misyon mo?"] Iba talaga yung tono niya ngayon. Hindi maganda ang kutob ko.