Vanished Love Affair (Completed)

Chapter 37 part 2

Chapter 37 part 2

Matapos makipag-usap ni Xander kay Bernadette ay agad niyang hinanap si Lynette kailangan niyang magpaliwanag dito upang hindi siya pagdudahan. Natagpuan niya ang asawa na tahimik na nagpapahangin sa may gazebo.

"Sweetheart, please let me explain..." Bungad ni Xander ng makalapit sa asawa.

"Why did she call?" Walang kangiti-ngiting tanong ni Lynette ngunit hindi siya makatingin ng diretso kay Xander. Natatakot siya na makita nito ang nararamdaman niya ng mga sandaling iyun.

Naupo si Xander ni Lynette at inakbayan ito. May kakaibang tuwa siyang nararamdaman sa ikinikilos nito. "May malaking problema ngayon si Bernadette." Simula niya.

Nanatiling walang kibo si Lynette. Kung maaari lang sana ay ayaw na niyang makarinig ng kahit na anong balita tungkol kay Bernadette dahil nanunumbalik iyung sakit na nilikha nito.

"Sweetheart, huwang mong isipin na meron pa rin kaming relasyon ni Bernadette dahil bago pa man tayo muling nagkita ay matagal ko ng tinapos ang lahat ang tanging nag-uugnay na lamang sa amin noon ay si Bryan. Pero ngayong nalaman ko na wala naman pala akong pananagutan sa kanya ay wala ng dahilan para makipagkita o makipag-usap sa kanya." Nagagahol na paliwanag ni Xander.

Tumango na lamang si Lynette, ayaw na niyang makipagtalo pa rito lalo na ngayong nakakaramdam na naman siya ng panghihina.

"I understand." Maikling tugon na lamang niya.

"Haaay... ang misis ko masyadong matampuhin." Mahigpit na niyakap ni Xander ang asawa bago muling nagsalita. "Basta lagi mong tatandaan...ikaw lang ang mahal ko at patuloy na mamahalin."

Bumilis ang kabog ng dibdib ni Lynette ng marinig ang sinabi ni Xander. Nawala na ang pag-aalinlangan niya sa totoong nararamdaman nito para sa kanya.

Samantalang si Emer ay maluwag ang pagkakangiti habang pinagmamasdan ang mag-asawa na magkayakap. Lubos ang kaligayahan niya dahil nakikita niyang maayos ang nagiging takbo ng relasyon ng mga ito.

"Excuse o ma'am Emer nasa kabilang linya po si ma'am Bernadette gusto raw pong kausapin si sir Xander." Magalang na pagbibigay impormasyon ng isa sa mga kasambahay nila.