Vanished Love Affair (Completed)

Chapter 39 part 1

Chapter 39 part 1

"What are you doing here?!" mataray na salubong ni Ella kay Bernadette. Pagkaibis na pagkaibis niya sa kanyang kotse ay agad na niyang natanaw ang babae, may nabuong hinala kaagad sa kanyang isipan. Para sa kanya ang presensiya nito ay nangangahulugan ng gulo kaya kahit hindi na ito magsalita ay nasisiguro na niyang may ginawa na naman itong kalokohan.

Matamis na nginitian lamang ni Bernadette si Ella at walang kahit isang salitang binitwan ito bago dumiretso sa nakaparada niyang kotse sa di-kalayuan.

"Bastos talaga..." Bulong ni Ella sa sarili at nagmamadali ng pumasok upang alamin kung ano ang sinadya ng bruha.

Nanlaki ang mga mata niya ng makita ang ayos ni Lynette. "Ate Lynette! What happened?!" Natataranta niya itong nilapitan. Nahintakutan siya sa nakitang ayos nito.

"Ella, I'm bleeding..." Halos pabulong na turan ni Lynette, namimilipit na siya sa sobrang sakit sa may bandang puson niya.

"Oh god! Mama! Manang! I need your help!" Malakas na sigaw ni Ella.

"Ma'am, Ella ba..." Hindi na naituloy ng isa sa mga kasambahay nila ang sasabihin, nabigla rin ito sa naratnan.

"Rosie...tawagin mo si Mang Delfin kailangan nating madala agad sa hospital si ate Lynette." Mabilis na utos ni Ella.

"Ma'am pinagdrive po ni mang Delfin ang papa ninyo. Tatawag na lang po ako ng ambulance." Nilapitan nito ang telepono.

"Oh boy! Hindi na natin mahihintay pa ang ambulance. Tawagan mo ang guard madali ka. Ako na ang magdadrive papuntang hospital." Halos sumigaw na si Ella habang nagbibigay ng instructions. Lalo siyang natataranta tuwing naririnig ang daing ni Lynette na nasa tabi niya.

"Ella, ano ba ang nangyayari rito?" Mula sa second floor ng mansion ay naririnig ni Emer ang komosyon na nangyayari sa baba. Nagtataka siya kung bakit naririnig niyang sumisigaw ang anak. Halos panawan siya ng ulirat ng makita ang kalunus-lunos na ayos ni Lynette.

"Lynette, anong nangyari?" Nanginginig ang boses na tanong niya rito.