Vanished Love Affair (Completed)

Chapter 18 part 2

Chapter 18 part 2

"Hi, busy ba si Mr. Almonte?" Nakangiting bungad ni Lynette sa babaeng inabutan niya sa labas ng opisina ni Xander.

"Do you have an appointment ma'am?" Magalang naman na sagot nito.

Nakagat ni Lynette ang pang-ibabang labi. Mukhang hindi naitawag ni mama Emer ang pagdating niya kaya. "Wala eh, hindi ka ba na-inform ni Mrs. Almonte kasi..."

Nabitin sa ere ang sasabihin ni Lynette ng biglang tumunog ang telepono sa ibabaw ng mesa ng assistant ni Xander. Kaya habang nakikipag-usap ito ay umupo muna sa pang-isahang couch na nakalaan talaga para sa mga bisita. Mula sa kinauupuan ay dinig na dinig niya ang pakikipag-usap nito sa kabilang linya at hindi na niya kailangan hulaan kung sino ang kausap nito.

"Madam, may bisita pa po sa loob ng opisina si sir."

"I don't care kung sino ang bisita ng anak ko basta ang pinag-uutos ko ang gawin mo. Papasukin mo si Lynette, ayokong paghintayin mo siya diyan sa labas." Mariing utos ni Emer.

Kinakabahan itong napatingin kay Lynette pagkatapos maibaba ang telepono. "Ma'am, sorry po hindi ko alam na kayo pala ang fiancée ni sir." Hinging paumanhin niya.

Nginitian ni Lynette ang babae. "That's all right, I know you're just doing your job. Hintayin ko na lang na matapos ang meeting ni Xander." Malumanay na tugon nito.

Nakahinga ng maluwag ang assistant ni Xander, kakaiba ang babaeng kaharap niya ngayon kaya naman siguro ito ang pakakasalan ng boss, kung gaano kaganda ang pisikal na anyo nito ay ganun din pag-uugali. Hindi katulad ng babaeng nasa loob na bisita ngayon ng amo kung makaasta ay akala mo kung sino.

"Ma'am pasok na po kayo sa loob, tinawagan na po ni madam Emer si Sir Xander."

"Thank you..." Mabilis ng tumayo si Lynette at walang babalang itinulak ang pinto ng pribadong opisina ni Xander.

Hindi niya inaasahan ang tagpong inabutan, pakiramdam niya ay sasabog ang kanyang dibdib. Kitang kita niya na nakaupo si Xander sa tapat ng kinauupuan ni Bernadette habang tinutuyo ng mga daliri nito ang mga luha ng babae. Sobrang sakit ang nadarama niya ngayon ngunit kailangan niyang maging matatag, hindi niya hahayaang magtagumpay muli si Xander na makitang nasasaktan siya.