EX with Benefits (Secrets & Lies) (EWB #2)

Twenty Four

Chapter Twenty Four

Tao lang ako. Nagkakamali.

"Shut up, Ian!" singhal ko sa kapatid ko na hindi pa rin tumitigil sa kakatawa.

"Is everything okay?" tanong ni Paris.

Lumapit sila sa table namin habang nakapulupot ang kamay ni Brent sa bewang niya.

"May naalala lang si Ian na nakakatawa kaya ayan kanina pa tawa ng tawa. Ganyan yan," sagot ko nang may diin sa huli.

"That must be a really hilarious memory," sabi ni Paris.

"You can never imagine," sagot ng kapatid ko na sa wakas ay humuhupa na sa pagtawa.

Tinitigan ko na si Ian ng masama. Sapat ng si Venice na lang ang nakakaalam between the twins na napagkamalan ko na babae yung Ashley. Ang dami naman kayang ganun. Pangbabae ang pangalan pero lalaki pala, tulad ng Shane, Angel, Kim, Jamie, Jessie at madami pang iba.

Kapag nalaman pa ni Paris ay katakot-takot na kahihiyan na ang aabutin ko. Pero teka nga, bakit nga ba ako mahihiya?

Nagpaalam na sina Paris at Brent at mageentertain lang muna raw sila ng bisita. See? Pinuntahan lang ata kami nung dalawa dahil makatawag pansin ang pagtawa ni Ian.

"Kung makatawa ka kasi, wagas!" sabi ko kay Ian.

"Nick?" bulalas ni Ian.

Sinundan ko ang tinitingnan niya.

"Inimbita ba sila ni Venice?" tanong ni Ian. Hindi ko alam kung sa akin ba niya tinatanong yun o sa sarili niya.

Hindi nabanggit sa akin ni Venice na inimbita niya ang mga Chua. Hay. Business will always be business.

"Si Kuya Adam nasan?" tanong ulit niya. Ang dami niyang tanong. Sana alam ko ang mga isasagot ko sa kanya.

"Iniisip mo pa din talaga ang mararamdaman ni Adam?"

Tumingin sa akin si Ian.

"Ngayon ko lang kasi ulit makikita na nasa iisang lugar silang dalawa. Kayong tatlo, actually."

"Ian, it's been two years. Sigurado akong wala ng tensyon sa pagitan naming tatlo", I assured him.

"Talaga? Eh paano mo ipapaliwanag ang tingin sayo ni Nick ngayon?" tanong niya habang nakatingin na ulit sa direksyon ni Nick.

Hindi ko na kailangan pang lingunin si Nick. Naniniwala ako na nakatingin nga sa akin ang huli. Inilayo ko ang tingin ko at nahagip nito si Adam na nasa di kalayuan. Nahuli ko siyang nakatingin kay Nick at pagkatapos sa akin.

I excused myself at sinabi ko kay Ian na pupunta lang ako sa CR.

Binilisan ko ang paglalakad nang makapasok ako sa mansyon ng mga Castrences.

"May humahabol ba sayo?"

Halos mapatalon ako sa gulat nang biglang sumulpot sa unahan ko si Adam. Saan siya nanggaling? Saan siya dumaan?

Right. Bahay nga pala nila to. Kahit gaano pa ito kalaki ay alam niya kung paano magpasikot sikot.

"Or should I ask, may humahabol pa din ba sayo?" ulit niya.

"Where is Madison?"

"Iniwan ko kay Daddy. Saan ka ba pupunta?"

"I need to pee."

"Sasamahan na kita."

Ha? I think he's overreacting.

Halos matawa ako.