EX with Benefits (Secrets & Lies) (EWB #2)

Twenty Five

Chapter Twenty Five

"Jane! Ella!" bati ko sa dalawang babaeng pumasok sa opisina ko. Agad kong inutusan ang receptionist na paakyatin ang dalawa kong bisita.

Tumayo ako para yakapin silang dalawa.

"Namiss ka namin, Arkisha!" sabi ni Jane.

"Everytime na magkikita tayo, paganda ka ng paganda," sabi naman ni Ella.

"Oo nga, iba talaga ang nagagawa ng pagmo-move on noh?" sabi ni Jane.

Alam naman kasi nila na hiwalay na kami ni Adam. Six months ago nung huli kaming magkita-kitang tatlo. Sa Singapore nagtatrabaho si Jane samantalang umuwi naman si Ella sa probinsya nila kasi nagkasakit daw ang tatay niya kaya ngayon lang sila ulit nagpakita.

Ngumiti lang ako sa sinabi ni Jane.

I asked for drinks sa secretary ko at tinabihan ko silang dalawa sa couch.

"So tell us, sino na ngayon ang nagpapatibok ng puso mo?" tanong ni Jane.

"Nakafocus lang ako sa mga anak ko. I don't need a man," sagot ko.

"Sabagay eh sabi mo nga sa akin nung magkachat tayo last week eh sa bahay mo na ulit natutulog si Adam. Hindi mo na nga kailangan," Ella said sarcastically.

"Natutulog lang siya. Huwag mo ngang bigyan ng ibang kulay."

"Eh baka naman gusto na niyang makipagbalikan sayo?" sabi naman ni Jane.

"Makipagbalikan? Bakit pa? Alam mo, tapos na ang kwento namin ni Adam. Kung ano man ang nangyari noon, hanggang doon na lang yon. Masyado ng madaming nasaktan at ayoko ng maulit ang mga yon. I've suffered enough and you guys know that."

Tumango naman sila.

"Pero sabagay, kung sa akin din naman nangyari yon mahihirapan din akong magpatawad. Huwag na huwag lang talagang mambababae ang asawa ko at naku, hiwalay agad!" sabi ni Ella.

"Agad agad? Wala ng explain explain?" tanong ni Jane.

"At ano pa ang ieexplain niya? Eh kung huling huli ko na sa akto diba? Tsaka wala na akong nakikitang dahilan para mambabae pa ang asawa ko. Aba lahat naman ginagawa ko. Kahit anong posisyon pa yan!"

"Ang daming alam," sabi ni Jane.

"Aba dapat talaga madami kang alam. Kaya ikaw, galing galingan mo nang masundan na ang panganay mo!"

"Baliw talaga to!"

"Ganun talaga Jane, kapag mahal mo gagawin mo ang lahat."

"Lahat ng posisyon??"

"Lahat ng kaya mong gawin para mapatunayan sa kanya na mahal mo siya," pagtatama ni Ella.

I miss my girls. Namiss ko makipagusap ng ganito. Yung walang pakialam kahit na ano pag-usapan nyo. Kahit saan pa umabot. Kahit maglaitan pa kayo, mag-asaran. Kapag kasi sina Venice at Paris ang kausap ko, sosyal. Yayamanin!

"At si Arkisha ang expert dyan!" sabi ni Jane.

"Hindi din. Hindi ako perfect. I can't even keep a relationship," sagot ko.

"And it's not your fault," dugtong ni Jane. "Hanggang ngayon ba sinisisi mo pa din ang sarili mo?"

Huminga ako ng malalim.

"Sinisisi ko ang sarili ko dahil hindi ko maisip kung saan ako nagkulang o nasobrahan ba si Adam sa pagmamahal ko? Sinisisi ko si Adam dahil.. dahil.. Nang dahil sa kanya.."

Nararamdaman kong nababasa na ang mga mata ko.

"Let's just change topic. Enough of Adam kasi hindi ka makakamove on ng ayos pag pinag-usapan natin siya," sabi ni Ella.