"கல்யாணமே வேணாம்னு சொல்லல.. மனசுக்கு பிடிச்ச மாதிரி ஒரு பொண்ண இன்னும் பாக்கலடா.. அவள பாத்தவுடனே அவ என் மனசுல பதியனும்.. அவ தான் நமக்குனு தோணனும்.. "
"ம்.. அப்பறம்.."
"எல்லார்கிட்டயும் அன்பா பழகுறவளா இருக்கனும்.. எங்க அம்மாவுக்கும் பிடிக்கனும்.. எங்க குடும்பத்துக்கு ஏற்ற மருமகளா இருக்கனும்.. அப்டி ஒரு பொண்ண பாத்தா உடனே கல்யாணம் தான்.."
"அதுக்கு மொதல்ல இந்த மாதிரி நாலு இடத்துக்கு வரணும்.. பொண்ணுங்கள பாக்கனும், பழகனும் அப்ப தான் நீ சொல்றதெல்லாம் நடக்கும்.. இப்டியே ஆஃபிஸ் விட்டா வீடு.. வீடு விட்டா ஆஃபிஸ்னு இருந்தா அந்த பொண்ணு என்ன உன் முன்னாடி வந்து நிக்குமா..? நீ தான் ட்ரை பண்ணனும்.. "
"ம்.. பண்ணுவோம் பண்ணுவோம்.."
"இது சரி வராது.. நீ ஃபர்ஸ்ட் கார நிறுத்து.."
"எதுக்குடா..?"
"கீழ இறங்கு.."
"ஏண்டா..?"
"மொதல்ல இப்டி கேள்வி கேட்குறத நிறுத்துறியா..?"
"Ok.. ok.."
காரை பார்க் செய்து விட்டு இருவரும் இறங்கி சாலையில் நடந்து சென்றனர்..
"ஹே.. மச்சான்.. அந்த பொண்ண பாரேன்.. பிடிச்சிருக்கா..?" என்று அவனுக்கு மட்டும் கேட்கும் குரலில் கூறி ஒரு பெண்ணை காட்டினான்
"இந்த பொண்ணு..?அந்த ஜீன்ஸ் போட்ட பொண்ணு..? இந்த சாரி போட்ட பொண்ணு.. " என்று அந்த சாலையில் சென்ற ஒவ்வொரு பெண்ணாக காண்பித்தான் மைக்..
"தப்பான கண்ணோட்டத்துல பாத்தா தான் தப்பு.. டேய் ராம் அந்த திரும்பி நிக்குற பொண்ண பாரேன்.. ஃப்ரீ ஹேர்.. சல்வார்.. அந்த பொண்ணோட கர்லி ஹேர்ர பாத்தா பொண்ணு ரொம்ப அழகா இருக்கும்னு நினைக்கிறேன்.." என்றான் மைக் சற்று தொலைவில் நின்ற ஒரு பெண்ணை காண்பித்து
மைக் சுட்டி காட்டிய திசையில் பார்த்தான் ஸ்ரீராம்..
"ஹே.. நம்ம பக்கம் திரும்புதுடா.." மைக்கேல் ஆர்வமானான்
மைக்கேல் வர்ணித்ததில் கவரப்பட்டு.. ஸ்ரீராமின் விழிகள் அவள் முகத்தை காண பரபரத்தது..
