Pasensya na kung nadamay ka pa
Sa gulo ng takbo nitong buhay ko
Kahit ilang beses kong subukan
Laging may maling kinalalabasan
Hindi ko na alam
Kung mayroon ka pang dahilan
Para intindihin ang katulad kong
Pati sarili'y hindi maintindihan
Patawad sa lahat ng galit
Na sayo ko naibaling
Pati na rin sa laging pagpilit
Ng mga problema kong
Iyong laging iniintindi
Masyado na atang marami
Ang aking mga pinagsasabi
Kaya naisipan kong tumigil sandali
Baka mauwi sa iyak at paghikbi
Sana'y iyong maintindihan
Ako'y napakahirap pakisamahan
Masyadong maraming pangangailangan
Na hindi natutugunan
Ngunit aking maiintindihan
Kung nais mo akong sukuan
Kaya ko pa rin namang
Tanggapin ang iyong paglisan
Hindi na bago sa akin ang sakit
Sanay na ako sa pait
Kaya't huwag ka ng mag-alala
Kung gusto mo ng maging malaya
BINABASA MO ANG
Tula
PoetryWattys 2017 Winner Published under Lifebooks TATANGAYIN kita patungo sa karagatan ng pag-ibig gamit ang mga salita hanggang sa muli kang malunod sa sakit at mga bakit. Pero ipapadama kong muli sa'yo ang sayang hatid ng piliin mong umibig. Kung papaa...
