Hindi lang kami ang sagot
Sagot sa kahirapan
Sagot para sa kaginhawaan
Kayamanang sami'y pinapaangkin
Dapat nga bang angkinin?
O pinipilit lang panatiliin?
Inihain lang naman sa amin, sa atin
Kami, sagot sa magulong estado ng gobyerno
Sagot para sa matiwasay na hinaharap
Sagot na inilaan para sa bayan
Kami lang
Kami na laging inaasahang
Mapagtagumpayan ang iba't ibang larangan
Pero hindi lang kami
Hindi lang naman kami
Ikaw, ikaw na kasalukuyang nagpapakasasa sa kalayaang manood na lang
Imbis na tumutulong sa progreso
Progreso na kasalukuyang tinatrabaho lang ng iilan sa mundo
Baka nais mong sila'y matulungan
Kayo
Kayo, hindi lang kami
Hindi ba dapat sa inyo'y nagpapasalamat sa lahat ng inyong paghihirap
Kayo na dapat kinikilala
At hindi lang kami bilang pag-asa ng bayan
Kayo na naglaan ng mahabang panahon upang mag-aral nang sa gayon ay makapagbahagi ng kaalaman
Kayo na nagsilbi bilang katuwang naming tinaguriang pag-asa ng bayan
Hindi lang kami
Hindi lang kami kundi pati rin sila
Mga gurong nagsilbing pundasyon ng kaalaman
Sandalan para saming mga kabataan
Sandalan na sana'y hindi matibag sa kabila ng unti-unting pagguho ng sistema
Hindi lang kami ang sagot sa kahirapan
Hindi lang kami ang dapat na inaasahan
Hindi lang kami ang may mumunting pangarap para sa bayan
At hindi lang kami ang magiging dahilan sa pag-usad nitong ating bayan
Mayroon ding sila na patuloy bumubuhay sa pag-asa
Sila na ibinubuhos lahat ng oras at panahon makapagbahagi lang ng karunungan
Habang ikaw ay nagpapakasasa sa kalayaang hatid ng nakaraan na dapat sana'y iyong inilaan sa pagtulong sa bayan
Patunayan mo naman na isa ka sa pag-asang tinutukoy nitong lipunan
Hindi lang dapat sila ang nagtatrabaho sa likod ng anino ng mga kabataan
Hindi lang dapat sila ang dumaranas ng lupit nitong sistema
Hindi lang dapat iilan ang may ambag sa pagsusulong ng progreso
Hindi lang dapat tayo ang mukha ng pag-asenso
Mayroong mga guro na dapat inaalayan ng tagumpay
Dapat na binibigyang parangal sa patuloy nilang pakikipaglaban kahit minsan tayo'y sumusuko't umaayaw na lang
Sa inyo namin iniaalay ang magiging tagumpay
Dahil hindi lang kami ang pag-asa ng bayan
BINABASA MO ANG
Tula
PoetryWattys 2017 Winner Published under Lifebooks TATANGAYIN kita patungo sa karagatan ng pag-ibig gamit ang mga salita hanggang sa muli kang malunod sa sakit at mga bakit. Pero ipapadama kong muli sa'yo ang sayang hatid ng piliin mong umibig. Kung papaa...
